உலக செய்திகள்

இலங்கை இறுதிக்கட்ட போரின்போது காணாமல் போன தமிழர்கள் இறந்து விட்டனர் - கோத்தபய ராஜபக்சே அதிர்ச்சி தகவல் + "||" + Missing Tamils have died during the final war in Sri Lanka - Gotabhaya Rajapaksa Shock Information

இலங்கை இறுதிக்கட்ட போரின்போது காணாமல் போன தமிழர்கள் இறந்து விட்டனர் - கோத்தபய ராஜபக்சே அதிர்ச்சி தகவல்

இலங்கை இறுதிக்கட்ட போரின்போது காணாமல் போன தமிழர்கள் இறந்து விட்டனர் - கோத்தபய ராஜபக்சே அதிர்ச்சி தகவல்
இலங்கை இறுதிக்கட்ட போரின்போது காணாமல் போன தமிழர்கள் இறந்து விட்டனர் என்று அதிபர் கோத்தபய ராஜபக்சே கூறியுள்ளார்.
கொழும்பு,

இலங்கையில் ராணுவத்துக்கும், விடுதலைப்புலிகளுக்கும் இடையே கடந்த 2009-ம் ஆண்டு இறுதிக்கட்ட போர் நடந்தது. அதில், ஒரு லட்சம் பேர் பலியானதாக கருதப்படுகிறது. சுமார் 20 ஆயிரம் தமிழர்கள் காணாமல் போனதாகவும் கூறப்படுகிறது.


அப்போது இலங்கையின் பாதுகாப்பு செயலாளராக இருந்த கோத்தபய ராஜபக்சே, போரில் முக்கிய பங்கு வகித்தார். தமிழர்கள் கொல்லப்பட்டதிலும், காணாமல் போனதிலும் அவர் மீது குற்றச்சாட்டு கூறப்பட்டு வருகிறது.

இந்த சூழ்நிலையில், கோத்தபய ராஜபக்சே இலங்கை அதிபராகி விட்டார். ஐ.நா. உயர் அதிகாரி ஹனாஸ் சிங்கர், இலங்கைக்கு வந்துள்ளார். அவர் கோத்தபய ராஜபக்சேவை சந்தித்தார். இருவரும் இலங்கையில் அமைதி, நல்லிணக்கம் நிலவச் செய்வது குறித்து பேச்சுவார்த்தை நடத்தினர்.

அப்போது, இறுதிக்கட்ட போரின்போது காணாமல் போன தமிழர்கள் இறந்து விட்டதாக ஹனாஸ் சிங்கரிடம் இலங்கை அதிபர் அதிர்ச்சிகரமான தகவலை தெரிவித்தார். அவர் கூறியதாவது:-

இறுதிக்கட்ட போரின்போது காணாமல் போனவர்கள் இறந்து விட்டனர். அவர்களில் பெரும்பாலானோரை விடுதலைப்புலிகள் கடத்திச்சென்று, தங்கள் படையில் வலுக்கட்டாயமாக சேர்த்தனர். இதை அவர்களின் குடும்பத்தினரே சான்றளித்துள்ளனர். ஆனால், காணாமல் போனவர்களுக்கு என்ன கதி நேர்ந்தது என்பது தெரியாததால், ‘காணாமல் போனார்கள்’ என்றே அவர்கள் கூறி வருகிறார்கள்.

தேவையான விசாரணை முடிந்த பிறகு, காணாமல் போனவர்களுக்கான மரண சான்றிதழ் வழங்கப்படும். பின்னர், பாதிக்கப்பட்ட குடும்பத்தினர் தங்கள் வாழ்க்கையை தொடர தேவையான உதவிகள் வழங்கப்படும்.

இது தங்களது அரசியலுக்கு உதவாது என்பதால், இந்த தீர்வை தமிழ் அரசியல்வாதிகள் எதிர்க்கிறார்கள். ஆனால், பாதிக்கப்பட்ட குடும்பங்களுக்கு இந்த தீர்வு நன்மை பயக்கும்.

இவ்வாறு கோத்தபய ராஜபக்சே கூறியதாக, அதிபர் மாளிகை தெரிவித்துள்ளது.


தொடர்புடைய செய்திகள்

1. இலங்கையில் புதிய மந்திரிசபை பதவி ஏற்பு: ராஜபக்சே குடும்பத்தில் 4 பேர் மந்திரி ஆனார்கள்
இலங்கையில் புதிய மந்திரிசபை நேற்று பதவி ஏற்றது. ராஜபக்சே குடும்பத்தில் 4 பேர் மந்திரியாகி இருக்கிறார்கள். 4 தமிழர்களுக்கு மந்திரி பதவி வழங்கப்பட்டு இருக்கிறது.
2. இலங்கையில், அனைத்து பள்ளிகளும் திறப்பு
இலங்கையில் கொரோனா பாதிப்பு ஏற்பட்டதை தொடர்ந்து, கடந்த மார்ச் மாதம் அனைத்து பள்ளிகளும் மூடப்பட்டன.
3. இலங்கை தேர்தலும், எதிர்கால சவால்களும்!
இலங்கையில் தேர்தல் இரண்டுவிதமான முறையில் நடத்தப்படுகிறது! ஒன்று நேரடியாக ஓட்டு போட்டு உறுப்பினரை தேர்வு செய்வது! மற்றொன்று கட்சிக்கு போடுவதன் மூலம் விகிதாசார முறையில் உறுப்பினர் தேர்வு செய்யப்படுவது!
4. இலங்கை நாடாளுமன்றத் தேர்தலில் 55 சதவீத வாக்குப்பதிவு; இன்று முடிவுகள் வெளியாகிறது
கொரோனா அச்சுறுத்தலுக்கு மத்தியில் நடந்த இலங்கை நாடாளுமன்றத் தேர்தலில் 55 சதவீத வாக்குகள் பதிவானது. தேர்தல் முடிவுகள் இன்று வெளியாகிறது.
5. இலங்கையில் கட்டுக்குள் வந்த கொரோனா: 3 மாதங்களுக்குப் பிறகு பள்ளிகள் மீண்டும் திறப்பு
இலங்கையில் மூன்று மாதங்களுக்குப் பிறகு நேற்று முதல் பள்ளிகள் மீண்டும் திறக்கப்பட்டுள்ளன

ஆசிரியரின் தேர்வுகள்...