உலக செய்திகள்

சீனாவில் மர்ம வைரஸ் காய்ச்சல் தாக்கி மேலும் 3 பேர் பலி + "||" + Mysterious virus attacked more 3 killed in China

சீனாவில் மர்ம வைரஸ் காய்ச்சல் தாக்கி மேலும் 3 பேர் பலி

சீனாவில் மர்ம வைரஸ் காய்ச்சல் தாக்கி மேலும் 3 பேர் பலி
சீனாவில் மர்ம வைரஸ் காய்ச்சல் தாக்கி மேலும் 3 பேர் பலியாயினர்.
பீஜிங்,

சீனாவில் கொரோனா என்ற மர்ம வைரஸ் காய்ச்சல் பரவி வருகிறது. முதலில் வுகான் நகரில் கண்டறியப்பட்ட இந்த மர்ம வைரஸ் காய்ச்சல், நாட்டின் தலைநகர் பீஜிங் மற்றும் ஷாங்காய் உள்ளிட்ட நகரங்களிலும் பரவி வருகிறது.


முதலில் வுகான் நகரில் உள்ள ஒரு கடல் உணவு மற்றும் வனவிலங்கு சந்தையில் பாதிக்கப்பட்ட விலங்குகளிடம் இருந்துதான் இந்த வைரஸ் தோன்றியதாக தகவல்கள் கூறுகின்றன.

வுகான் நகரில் 15 மருத்துவ ஊழியர்களையும் இந்த வைரஸ் காய்ச்சல் தாக்கியுள்ளதாகவும், அவர்களில் ஒருவரது நிலை கவலைக்கிடமாக உள்ளதாகவும் அங்கிருந்து வரும் தகவல்கள் கூறுகின்றன.

இந்த வைரஸ் தாக்கிய நோயாளிகளுடன் தொடர்பில் இருந்ததால் மருத்துவ ஊழியர்களை தொற்றியுள்ளதாக கூறப்படுகிறது. இதன்மூலம் இப்போது இந்த கொரோனா வைரஸ், மனிதர்களிடம் இருந்தும் பரவுவது உறுதியாகி உள்ளது.

ஏற்கனவே 3 பேர் பலியான நிலையில், 89 வயதான ஒரு ஆண் உள்பட மேலும் 3 பேர் இறந்தனர். இதனால் இந்த வைரஸ் தாக்கி பலியானவர்களின் எண்ணிக்கை 6 ஆக உயர்ந்தது.

பன்றிக்காய்ச்சல், எபோலா வைரஸ் நோய் ஆகியவற்றின் காரணமாக பொது சுகாதார நெருக்கடி நிலையை அறிவித்த உலக சுகாதார நிறுவனம், இந்த கொரோனா மர்ம வைரஸ் தாக்குதலையொட்டியும், பொது சுகாதார நெருக்கடி நிலையை அறிவிக்க பரிசீலிக்கிறது.

ஏற்கனவே இந்த வைரஸ் காய்ச்சல் 200-க்கும் மேற்பட்டோரை பாதித்து இருப்பது உறுதி செய்யப்பட்டுள்ளது.

இந்த நிலையில் சீன புத்தாண்டையொட்டி இந்த வார கடைசியில் பிற நாடுகளில் வசிக்கிற சீன நாட்டினர் தாய்நாடு வருகின்றனர். அவர்கள் புத்தாண்டை கொண்டாடி விட்டு மீண்டும் தாங்கள் வசிக்கிற நாடுகளுக்கு செல்கிறபோது, அவர்களுக்கு ஒருவேளை இது தொற்றினால் அவர்கள் மூலம் இந்த வைரஸ் காய்ச்சல் பிற நாடுகளில் பரவும் அபாயம் உள்ளதாகவும் தகவல்கள் கூறுகின்றன.


தொடர்புடைய செய்திகள்

1. கொரோனா வைரஸ் பாதிப்பு ; சீனாவில் பலி எண்ணிக்கை 1868 ஆக உயர்வு
கொரோனா வைரஸ் பாதிப்பால் சீனாவில் பலியானோர் எண்ணிக்கை 1868 ஆக அதிகரித்துள்ளது.
2. சீனா உள்ளிட்ட வெளிநாடுகளில் இருந்து தூத்துக்குடி திரும்பிய 32 பேர் தொடர்ந்து கண்காணிப்பு - கலெக்டர் சந்தீப் நந்தூரி தகவல்
சீனா உள்ளிட்ட வெளிநாடுகளில் இருந்து தூத்துக்குடி திரும்பிய 32 பேர் தொடர்ந்து கண்காணிக்கப்பட்டு வருகிறார்கள் என்று கலெக்டர் சந்தீப் நந்தூரி தெரிவித்து உள்ளார். இதுகுறித்து அவர் நேற்று கலெக்டர் அலுவலகத்தில் நிருபர்களிடம் கூறியதாவது:-
3. கொரோனா வைரஸ் பாதிப்பு : சீனாவில் மேலும் 116 பேர் பலி
சீனாவில் கொரோனா வைரஸ் பாதிப்பால் பலியானோர் எண்ணிக்கை 1,483 ஆக அதிகரித்துள்ளது.
4. கொரோனா வைரஸ் அச்சுறுத்தல் : டிரம்ப்- ஜி ஜின்பிங் ஆலோசனை
கொரோனோ வைரஸ் தொற்று உலகை அச்சுறுத்தி வரும் நிலையில், இவ்விவகாரம் குறித்து டிரம்புடன் ஜி ஜின்பிங் ஆலோசனை நடத்தியுள்ளார்.
5. சீனாவில் இருந்து கேரளா வந்த வாலிபர் திருமணம் தள்ளிவைப்பு
சீனாவில் இருந்து கேரளா வந்த வாலிபரின் திருமணம் தள்ளிவைக்கப்பட்டது.