உலக செய்திகள்

சீன சிறைகளில் வேகமாக பரவும் கொரோனா: அரசுக்கு மேலும் ஓர் அதிர்ச்சி + "||" + Corona spreads in Chinese jails: Another shock to the state Goverment

சீன சிறைகளில் வேகமாக பரவும் கொரோனா: அரசுக்கு மேலும் ஓர் அதிர்ச்சி

சீன சிறைகளில் வேகமாக பரவும் கொரோனா: அரசுக்கு மேலும் ஓர் அதிர்ச்சி
சீன சிறைகளில் வேகமாக பரவும் கொரோனா வைரசால், அந்நாட்டு அரசுக்கு மேலும் ஓர் அதிர்ச்சி ஏற்பட்டுள்ளது. இதில் 500-க்கும் மேற்பட்டோர் பாதிக்கப்பட்டுள்ளனர்.
பீஜிங்,

சீனாவில் வேகமாக பரவி வரும் கொரோனா வைரசுக்கு 2 ஆயிரத்துக்கும் மேற்பட்டோர் இதுவரை பலியாகி உள்ளனர். இந்த வைரசை கட்டுப்படுத்த வழி தெரியாமல் தவிக்கும் அரசுக்கு மேலும் ஒரு அதிர்ச்சியாக, அங்குள்ள சிறைகளில் தற்போது இந்த வைரஸ் வேகமாக பரவி வருவது கண்டறியப்பட்டு உள்ளது. அந்தவகையில் கொரோனா வைரசின் பிறப்பிடமான ஹுபெய் மாகாண சிறைகளில் 271 பேருக்கு கொரோனா வைரஸ் பாதிப்பு இருப்பது உறுதி செய்யப்பட்டு உள்ளது. ஷான்டாங் மாகாணத்தின் ரெஞ்செங் சிறையில் 7 போலீசார் மற்றும் 200 கைதிகள் வைரஸ் தொற்றுக்கு ஆளாகி உள்ளனர்.


இதைப்போல ஜெஜியாங் மாகாணத்தின் ஷிலிபெங் சிறையில் 34 பேருக்கு வைரஸ் பாதிப்பு இருப்பது கண்டுபிடிக்கப்பட்டு உள்ளது. மேலும் ஹுபெய் மாகாண சிறார் சீர்திருத்தப்பள்ளியில் அடைக்கப்பட்டுள்ள இளங்குற்றவாளி ஒருவருக்கும் வைரஸ் அறிகுறி காணப்படுகிறது.

இவ்வாறு வைரஸ் பாதிப்புக்கு உள்ளான கைதிகள் மற்றும் போலீசார் உடனடியாக மருத்துவமனைகளுக்கு சிகிச்சைக்காக அனுப்பப்பட்டு உள்ளனர். நோய் அறிகுறி காணப்படும் நபர்கள் தனிமைப்படுத்தப்பட்டு கண்காணிக்கப்பட்டு வருகின்றனர்.

சிறைகளில் கொரோனா வேகமாக பரவுவதை தொடர்ந்து வைரஸ் பாதிப்பில் கவனக்குறைவாக இருந்த அதிகாரிகள் பணிநீக்கம் செய்யப்பட்டு வருகின்றனர். அந்தவகையில் உகான் மகளிர் சிறை வார்டன், ஷாங்டாங் மாகாண நீதித்துறை தலைவர் ஜி வெய்ஜன், ஷிலிபெங் சிறை இயக்குனர் உள்பட 10-க்கும் மேற்பட்ட அதிகாரிகள் பணிநீக்கம் செய்யப்பட்டு உள்ளனர்.

தொடர்புடைய செய்திகள்

1. கொரோனாவுக்கு மேலும் 6 பேர் உயிரிழப்பு - பலி எண்ணிக்கை 16 ஆனது
மராட்டியத்தில் கொரோனாவால் பாதிக்கப்பட்ட மேலும் 6 பேர் பலியானார்கள். இதனால் மாநிலத்தில் கொரோனா பாதிப்பால் உயிரிழந்தவர்கள் எண்ணிக்கை 16 ஆக உயர்ந்து உள்ளது.
2. மக்கள் வெளியே வர தடை: கொரோனாவால் பாதிக்கப்பட்ட 2 பேர் வசித்த பகுதிகளுக்கு சீல்
மதுரையில் கொரோனா தொற்று உறுதி செய்யப்பட்டவர்கள் வசித்து வந்த பகுதிக்கு போலீசார் சீல் வைத்து கண்காணித்து வருகின்றனர். மேலும் அந்த பகுதியில் மக்கள் வெளியே வர தடை விதிக்கப்பட்டுள்ளது.
3. தாராவி பகுதியைச் சேர்ந்த 56 வயது நபர் கொரோனாவுக்கு பலி
கொரோனா வைரஸ் தாக்குதலுக்கு மும்பையில் உள்ள தாராவி பகுதியைச் சேர்ந்த 56 வயது நபர் உயிரிழந்துள்ளார்.
4. இந்தியாவில் கொரோனாவால் பலியானோர் எண்ணிக்கை 29 ஆனது
இந்தியாவில் கொரோனா வைரசால் பாதிக்கப்பட்டவர்கள் எண்ணிக்கை 1,071 ஆகவும், பலியானோர் எண்ணிக்கை 29 ஆகவும் அதிகரித்தது.
5. ராஜபாளையத்தில் கொரோனா உறுதி செய்யப்பட்டவர் குடியிருந்த பகுதி தீவிர கண்காணிப்பு
ராஜபாளையத்தில் கொரோனா நோயால் பாதிக்கப்பட்டு மதுரை மருத்துவமனையில் சிகிச்சை பெற்று வரும் முதியவரின் வீடு அமைந்துள்ள பகுதி தீவிரமாக கண்காணிக்கப்படுகிறது.