அமெரிக்காவில் ஒரே நாளில் மேலும் 43,742 பேருக்கு கொரோனா பாதிப்பு

வாஷிங்டன்,

சீனாவின் உகான் நகரில் கடந்த ஆண்டு இறுதியில் கண்டறியப்பட்ட கொரோனா வைரஸ் அமெரிக்காவில் கோர தாண்டவம் ஆடி வருகிறது. உலக நாடுகளில் கொரோனா வைரசால் அதிகம் பாதிப்பை எதிர்கொண்டுள்ள நாடு அமெரிக்காவே ஆகும்.

அமெரிக்காவில், கடந்த 24 மணி நேரத்தில் மேலும் 43,742 பேருக்கு கொரோனா பாதிப்பு உறுதி செய்யப்பட்டுள்ளது. இதன்மூலம் கொரோனாவால் பாதிக்கப்பட்டோரின் மொத்த எண்ணிக்கை 28,36,764ஆக உயர்ந்துள்ளது. மேலும் புதிதாக 252 பேர் உயிரிழந்துள்ளதால், மொத்த பலி எண்ணிக்கை 1,29,657 ஆக உயர்ந்துள்ளது. கொரோனா பாதிப்பிலிருந்து இதுவரை 12.60 லட்சம் பேர் மீண்டுள்ளனர் என்று ஜான்ஸ் ஹாப்கின்ஸ் பல்கலைகழகம் தெரிவித்துள்ளது.