பாகிஸ்தான் சுதந்திர தினத்தை முன்னிட்டு டுவிட்டரில் டிரெண்டாகும் ஹேஷ்டேக்

இஸ்லாமாபாத்,

பிரிட்டிஷ் ஆட்சி முடிவு பெற்று கடந்த 1947 ஆம் வருடம் இந்தியா, பாகிஸ்தான் ஆகிய இரு நாடுகளும் விடுதலை பெற்றன. அதுவரை இந்தியாவின் ஒரு பகுதியாக விளங்கி வந்த பாகிஸ்தான், விடுதலைக்கு பின்னர் தனி நாடாக பிரிந்து சென்றது. முகமது அலி ஜின்னாவின் தலைமையில் அனைத்து இந்திய முஸ்லிம் லீக் அமைப்பின் தீவிர முயற்சியால் இந்தியாவின் வடமேற்கு பகுதியில் சுதந்திரமான இஸ்லாமிய தேசம் அமைக்கப்பட வேண்டும் என்ற கோரிக்கை நிறைவேற்றப்பட்டது.


இந்நிலையில் பாகிஸ்தானுக்கு இந்தியர்கள் பலர் சுதந்திர தின வாழ்த்துக்களை சமூக வலைதளங்கள் மூலமாக தெரிவித்து வருகின்றனர். நாளை இந்தியாவில் சுதந்திர தினம் கொண்டாடப்படுவதை முன்னிட்டு பாகிஸ்தானியர்களும் இந்தியாவிற்கு சுதந்திர தின வாழ்த்துக்களை தெரிவித்து வருகின்றனர். இதனை முன்னிட்டு டுவிட்டர் வலைதளத்தில் “பாகிஸ்தானுக்கு பிறந்தநாள் வாழ்த்துக்கள்” என்ற ஹேஷ்டேக் தற்போது டிரெண்டாகி வருகிறது.