உலக செய்திகள்

இலங்கையில் மற்றொரு நிழலுலக தாதாவை சுட்டு வீழ்த்திய சமியாவின் கடந்தகால பின்னணி + "||" + The past background of Chamia who shot down another underworld don in Sri Lanka

இலங்கையில் மற்றொரு நிழலுலக தாதாவை சுட்டு வீழ்த்திய சமியாவின் கடந்தகால பின்னணி

இலங்கையில் மற்றொரு நிழலுலக தாதாவை சுட்டு வீழ்த்திய சமியாவின் கடந்தகால பின்னணி
இலங்கை நிழல் உலக தாதா அங்கொட லொக்காவின் கூட்டாளி சமியாவின் கடந்தகால பின்னணி விவரம் வெளிவந்துள்ளது.
கொழும்பு,

இலங்கையின் நிழல் உலக தாதாவாக இருந்தவர் அங்கொட லொக்கா (வயது 35).  இவர் மீது இலங்கையில் பல்வேறு கொலை, கொள்ளை, போதை பொருள் கடத்தல் கும்பலுடன் தொடர்பு போன்ற வழக்குகள் உள்ளன.

இவர் கடந்த 2 ஆண்டுகளாக கோவை சேரன்மாநகர் பகுதியில் தலைமறைவாக தங்கியிருந்த நிலையில், கடந்த மாதம் 3ந்தேதி மாரடைப்பினால் இறந்தார்.  எனினும், இவரது மரணத்தில் சந்தேகம் அடைந்த போலீசார் மரபணு சோதனை நடத்த முடிவு செய்துள்ளனர்.

இந்த சூழலில், அங்கொட லொக்காவின் கூட்டாளியான அசித்த ஹேமதிலக்க கடந்த 12ந்தேதி நடந்த இலங்கை போலீசாரின் என்கவுண்ட்டரில் சுட்டு கொல்லப்பட்டார்.  இந்நிலையில் அங்கொட லொக்காவின் மற்றொரு கூட்டாளியான சமிந்தா சந்தமால் எதிரிசூர்யா என்ற சமியா (வயது 41) போலீசார் நடத்திய என்கவுண்ட்டரில் நேற்றிரவு சுட்டு கொல்லப்பட்டார்.

இலங்கையில் போதை பொருள் கடத்தல்காரர்களில் முக்கிய புள்ளிகளில் ஒருவராக சமியா இருந்து வந்துள்ளார்.  அவரை போலீசார் கைது செய்து, மறைத்து வைத்திருக்கும் ஆயுதம் மற்றும் போதை பொருளை பறிமுதல் செய்வதற்காக அழைத்து சென்றுள்ளனர்.

அவரை கொண்டு செல்லும் வழியில் போலீஸ் அதிகாரி ஒருவரின் துப்பாக்கியை சமியா பறித்துள்ளார்.  அவர் துப்பாக்கியால் சுட்டதில், அருகேயிருந்த போலீஸ்காரர் ஒருவர் காயமடைந்து உள்ளார்.  இதனால் பதிலுக்கு போலீசார் தற்காப்பிற்காக துப்பாக்கி சூடு நடத்தியுள்ளனர்.  இதில் சமியா உயிரிழந்து உள்ளார்.

இதன்பின்னர் கம்பஹா பொது மருத்துவமனைக்கு சமியாவின் உடல் கொண்டு செல்லப்பட்டது.  கடந்த 2015ம் ஆண்டில் கதுவேலா நீதிமன்றத்தில், சமயன் என்ற நிழலுலக தாதா மீது துப்பாக்கி சூடு நடத்திய சம்பவத்தில் சமியாவுக்கு நேரடி தொடர்பு உண்டு என போலீசார் தெரிவித்து உள்ளனர்.

இதில் காயமடைந்து, சிகிச்சை பெற்று உயிர் தப்பிய சமயன், 2 ஆண்டுகளுக்கு பின்னர் கடந்த 2017ம் ஆண்டு
சிறை பேருந்தில் கொண்டு செல்லப்பட்டபொழுது சுட்டு கொல்லப்பட்டார்.  அவருடன் வாகனத்தில் இருந்த 5 கைதிகளும் இந்த தாக்குதல் சம்பவத்தில் கொல்லப்பட்டனர்.  இது தவிர 2 சிறை அதிகாரிகளும் பலியாகினர்.  இந்த சம்பவத்தில் சமியாவுக்கு நேரடி தொடர்புள்ளது என போலீசார் தெரிவித்து உள்ளனர்.  இந்நிலையில், சமியா போலீசாரின் துப்பாக்கி சூட்டுக்கு இரையாகி உள்ளார்.

தொடர்புடைய செய்திகள்

1. ஆன்லைன் வகுப்புகளை ஊக்குவிக்க வேண்டும்; மாணவர்களின் வருகைப்பதிவில் கண்டிப்பு கூடாது: பள்ளிகள் திறப்புக்கு அரசு வழிகாட்டு நெறிமுறைகள் வெளியீடு
பள்ளிகள் மீண்டும் திறப்பதற்கான வழிகாட்டு நெறிமுறைகளை மத்திய அரசு நேற்று வெளியிட்டது. இதில் மாணவர்களின் வருகைப்பதிவில் கண்டிப்பு கூடாது என அறிவுறுத்தி உள்ளது.
2. ஐ.பி.எல். இருபது ஓவர் கிரிக்கெட் போட்டி முழு அட்டவணை வெளியீடு
ஐ.பி.எல். இருபது ஓவர் கிரிக்கெட் போட்டிகளுக்கான முழு அட்டவணை இன்று வெளியிடப்பட்டது.
3. உணவகங்கள் மற்றும் கேளிக்கை விடுதிகளுக்கான வழிகாட்டு நெறிமுறைகள்; தமிழக அரசு வெளியீடு
உணவகங்கள் மற்றும் கேளிக்கை விடுதிகளுக்கான வழிகாட்டு நெறிமுறைகளை தமிழக அரசு வெளியிட்டுள்ளது.
4. வணிக வளாகங்கள் நாளை முதல் திறப்பு: வழிகாட்டு நெறிமுறைகள் வெளியீடு
தமிழகத்தில் வணிக வளாகங்கள் நாளை முதல் திறக்கப்படவுள்ள நிலையில் அதற்கான வழிகாட்டு நெறிமுறைகள் வெளியிடப்பட்டு உள்ளன.
5. பாகிஸ்தானுக்கு ஆதரவாக தேசதுரோக செயலில் ஈடுபட்ட காஷ்மீர் போலீஸ் உயரதிகாரி; அதிர்ச்சி தகவல் வெளியீடு
இந்திய வெளிவிவகார அமைச்சகத்துடன் தொடர்பு ஏற்படுத்தி காஷ்மீர் போலீஸ் உயரதிகாரி பாகிஸ்தானுக்கு ஆதரவாக தேசதுரோக செயலில் ஈடுபட்ட அதிர்ச்சி தகவல் வெளியாகி உள்ளது.