உலக செய்திகள்

அனைத்து பிரச்சினைகளிலும் அமெரிக்காவுக்கு எதிரான நிலைப்பாட்டையே ஜோ பிடன் எடுத்து வருகிறார் டொனால்டு டிரம்ப் + "||" + Biden hits Trump where it hurts: in the convention speech ratings

அனைத்து பிரச்சினைகளிலும் அமெரிக்காவுக்கு எதிரான நிலைப்பாட்டையே ஜோ பிடன் எடுத்து வருகிறார் டொனால்டு டிரம்ப்

அனைத்து பிரச்சினைகளிலும் அமெரிக்காவுக்கு எதிரான நிலைப்பாட்டையே ஜோ பிடன் எடுத்து வருகிறார் டொனால்டு டிரம்ப்
அமெரிக்க ஜனாதிபதி தேர்தலில் ஜோ பிடன் வெற்றி பெற அதிக வாய்ப்புகள் உள்ளதாக கூறப்படும் நிலையில், 6 முக்கிய காரணிகளை முன்னிறுத்தி தனது பிரச்சாரத்தை தீவிரப்படுத்த டிரம்ப் திட்டமிட்டுள்ளார்.
வாஷிங்டன்

குடியரசுக் கட்சியின் தேசிய மாநாட்டில் தன்னை ஜனாதிபதி வேட்பாளராக அறிவிக்கப்பட்டதை ஏற்றுக்கொண்டு டிரம்ப் உரையாற்றினார். அப்போது அவர் கூறியதாவது:-

இதுவரை நடந்த தேர்தல்களிலேயே இந்த தேர்தல்தான் முக்கியத் தேர்தலாக இருக்கப் போகிறது. அனைத்து பிரச்சினைகளிலும் அமெரிக்காவுக்கு எதிரான நிலைப்பாட்டையே ஜோ பிடன் எடுத்து வருகிறார்.


கொரோனா வைரசால் அதிக அளவில் பாதிக்கப்பட்டிருந்தாலும், அமெரிக்காவில் உயிரிழப்பு சதவிகிதம் மிகவும் குறைவாக இருக்கிறது. அதிக அளவில் பரிசோதனைகள் மேற்கொள்ளப்படுவதாலேயே பாதிப்பு அதிகமாக காணப்படுகிறது. அமெரிக்காவுக்கு அடுத்தப்படியாக இந்தியா தான் மிக அதிக சோதனைகளைச் செய்து வருகிறது என கூறினார்.

ஜனாதிபதி தேர்தலில் ஜோ பிடன் வெற்றி பெற அதிக வாய்ப்புகள் உள்ளதாக கூறப்படும் நிலையில், 6 முக்கிய காரணிகளை முன்னிறுத்தி தனது பிரச்சாரத்தை தீவிரப்படுத்த டிரம்ப் திட்டமிட்டுள்ளார்.

அதன்படி தீவிர நடவடிக்கைகள் மூலம் கொரோனா பரவலை கட்டுப்படுத்தியதாக பிரச்சாரத்தில் ஈடுபடப் போவதாக டிரம்பின் குழுவினர் அறிவித்துள்ளனர். அமெரிக்காவை மீண்டும் வலிமையான பொருளாதார சக்தியாக மாற்றுவது, டிரம்ப் கறுப்பினத்தவருக்கு எதிரானவர் என்ற பிம்பத்தை உடைப்பது, சட்டம் ஒழுங்கை கட்டிக் காத்தது என்ற பிரச்சாரங்களை முன்னெடுக்க குடியரசுக் கட்சியினர் திட்டமிட்டுள்ளனர்.

மேலும் ஜனநாயக கட்சி வேட்பாளர் ஜோ பிடனை கடுமையாக தாக்குவது, யாருக்கு வாக்களிப்பது என்று முடிவு செய்யாமல் இருப்பவர்களின் வாக்குகளை கவருவது என வியூகம் வகுத்து பிரச்சாரத்தில் ஈடுபடுவது என டிரம்ப் குழுவினர் திட்டமிட்டுள்ளனர்.


தொடர்புடைய செய்திகள்

1. அமெரிக்க ஜனாதிபதி் வேட்பாளர் ஜோ பிடன் மகன் ஹண்டருக்கு சீன, உக்ரேனிய நிறுவனங்களுடன் தொடர்பு செனட் அறிக்கை
அமெரிக்க செனட் அறிக்கை ஒன்று ஜோ பிடன் மகன் ஹண்டருக்கு சீன, உக்ரேனிய நிறுவனங்களுடனான தொடர்புகளை வெளிப்படுத்துகிறது.
2. அமெரிக்க வெள்ளை மாளிகைக்கு விஷம் தடவிய கடிதம் அனுப்பப்பட்டதால் பரபரப்பு
அமெரிக்க வெள்ளை மாளிகைக்கு விஷம் தடவிய கடிதம் அனுப்பப்பட்டதால் பரபரப்பு ஏற்பட்டுள்ளது.
3. அமெரிக்காவில் டிக் டாக்கிற்கு தடை விதிக்கும் முடிவு ஒரு வாரம் தள்ளிவைப்பு
அமெரிக்காவில் டிக் டாக்கிற்கு தடை விதிக்கும் முடிவு ஒரு வாரம் தள்ளிவைக்கப்பட்டுள்ளது.
4. அமெரிக்காவில் டிக் டாக், வி-சாட் செயலிகளை பதிவிறக்கம் செய்ய தடை
அமெரிக்காவில் டிக் டாக், வி சாட் ஆகிய செயலிகளை பதிவிறக்கம் செய்ய டிரம்ப் நிர்வாகம் தடை விதித்துள்ளது.
5. அமெரிக்க அதிபர் டிரம்ப் மீது மாடல் நடிகை பாலியல் குற்றச்சாட்டு
அமெரிக்க அதிபர் டிரம்ப் மீது முன்னாள் மாடல் நடிகை பாலியல் குற்றச்சாட்டை முன்வைத்துள்ளது பரபரப்பை ஏற்படுத்தியுள்ளது.