உலக செய்திகள்

கொரோனா தடுப்பூசி: அமெரிக்க ஜனாதிபதி டிரம்புக்கும் அதிகாரிகளுக்கும் இடையே முரண்பாடு + "||" + Think He Made A Mistake:Trump Counters CDC Chief On Vaccine Timeline

கொரோனா தடுப்பூசி: அமெரிக்க ஜனாதிபதி டிரம்புக்கும் அதிகாரிகளுக்கும் இடையே முரண்பாடு

கொரோனா தடுப்பூசி:  அமெரிக்க ஜனாதிபதி டிரம்புக்கும் அதிகாரிகளுக்கும் இடையே முரண்பாடு
கொரோனா தடுப்பூசி விவகாரத்தில் அமெரிக்க ஜனாதிபதி டிரம்புக்கும் அதிகாரிகளுக்கும் இடையே முரண்பாடு ஏற்பட்டு உள்ளது.
வாஷிங்டன்

கொரோனாவுக்கான தடுப்பு மருந்தை உருவாக்கும் பணியில் உலக நாடுகள் தீவிரமாக ஈடுபட்டு வருகின்றன. அமெரிக்க தேர்தலில் கொரோனா தடுப்பூசி விவாதம் முக்கிய பங்கு வகிக்கிறது. நேற்று வாக்காளர்கள் சந்திப்பு கூட்டத்தில் பேசிய அமெரிக்க ஜனாதிபதி டிரம்ப். கொரோனாவுக்கான தடுப்பு மருந்து அடுத்த மாத இறுதிக்குள் தயாராகி விடும் என தெரிவித்தார்.

அமெரிக்க நோய் கட்டுப்பாட்டு மையத்தின் இயக்குநர் ராபர்ட் ரெட்ஃபீல்டு முகக்கவசம் மிக முக்கியமானது என தெரிவித்தார். கொரோனா தடுப்பூசியை விட முகக்கவசம் அணிவது அதிக பலன்களை கொடுக்கும் என கூறியிருந்தார். ஏனென்றால் அந்த தடுப்பூசியில் நோய் எதிர்ப்பு சக்தி எந்த அளவுக்கு இருக்கும் என்பது கேள்விக்குறியான ஒன்று என்று குறிப்பிட்டார். இந்தக் கருத்துக்கு அதிபர் டிரம்ப் மறுப்பு தெரிவித்துள்ளார். தடுப்பூசியை விட முகக்கவசம் பயனுள்ளதாக இருக்காது என்று கூறியுள்ளார்.

அவர் மேலும் கூறுகையில், முகக்கவசம் அணிவதில் நிறைய சிக்கல் உள்ளது. அதனை கவனமாக கையாள வேண்டியது அவசியம். தடுப்பூசியை விட முகக்கவசம் முக்கியமானது இல்லை. முகக்கவசம் அணிவதை நிறைய பேர் விரும்புவதில்லை. கொரோனாவுக்கு எதிரான தடுப்பூசி அதிக திறன் வாய்ந்ததாக இருக்கும். அதில் எந்த பிரச்சனையும் இருக்காது’என்றார்.

2020 தேர்தல் பிரச்சாரத்தின் மைய புள்ளியாக மாறியுள்ள தடுப்பூசி பிரச்சினையில் டிரம்பிற்கும் சுகாதார நிபுணர்களுக்கும் இடையிலான முரண்பாடு ஏற்பட்டு உள்ளது.

தொடர்புடைய செய்திகள்

1. இந்தியாவில் 100 தன்னார்வலர்களிடம் ரஷ்யாவின் தடுப்பூசியை பரிசோதிக்க திட்டம்
ஸ்புட்னிக் தடுப்பூசியின் இரண்டாம் கட்ட மருத்துவ பரிசோதனைகளை நடத்துவதற்கு டாக்டர் ரெட்டிஸ் ஆய்வகங்களுக்கு அனுமதி அளிக்கலாம் என டிசிஜிஐ யின் நிபுணர் குழு கடந்த வாரம் பரிந்துரை செய்திருந்தது.
2. சிறப்புத் தொழில்களுக்கு எச் -1 பி தற்காலிக வணிக விசாக்கள் வழங்க அமெரிக்கா தடை ; இந்தியர்கள் பாதிப்பு
சிறப்புத் தொழில்களுக்கு தற்காலிக வணிக விசாக்களை வழங்க வேண்டாம் என்று வெளியுறவுத்துறை முன்மொழிந்துள்ளது இது நூற்றுக்கணக்கான இந்தியர்களை பாதிக்கலாம் என கூறப்படுகிறது
3. சீனாவின் கொரோனா தடுப்பூசியை வாங்க மாட்டோம்- பிரேசில் அதிபர்
சீனாவின் உகான் நகரில் தான் கொரோனா வைரஸ் முதன் முதலாக கடந்த ஆண்டு இறுதியில் வெளிப்பட்டது.
4. கொரோனா தடுப்பூசி மருத்துவ பரிசோதனை: பிரேசிலில் தன்னார்வலர் உயிரிழப்பு
இங்கிலாந்தின் ஆக்ஸ்போர்டு பல்கலைக்கழகத்துடன் இணைந்து ஆஸ்ட்ரா செனகா நிறுவனம் கொரோனாவுக்கு எதிரான தடுப்பு மருந்தை தயாரித்தது. மருத்துவ பரிசோதனையில் இந்த மருந்து உள்ளது.
5. மெலனியா டிரம்புக்கு ’தொடர் இருமல்’ பிரசாரத்தை ரத்து செய்தார்
அமெரிக்க அதிபர் டொனால்டு டிரம்பின் மனைவி மெலனியா டிரம்ப் “தொடர் இருமல்” காரணமாக அதிபர் தேர்தலுக்கான தனது பிரசாரத்தை ரத்து செய்துள்ளார்.