உலக செய்திகள்

இந்தியாவுடனான எல்லை பிரச்சினையில் மூன்றாம் தரப்புக்கு இடமில்லை; சீனா கொந்தளிப்பு + "||" + "No Space For Third Party": US Support For India Rattles China

இந்தியாவுடனான எல்லை பிரச்சினையில் மூன்றாம் தரப்புக்கு இடமில்லை; சீனா கொந்தளிப்பு

இந்தியாவுடனான எல்லை பிரச்சினையில் மூன்றாம் தரப்புக்கு இடமில்லை;  சீனா கொந்தளிப்பு
இந்திய மக்கள் அச்சுறுத்தல்களை சந்திப்பதால், அமெரிக்கா அவர்களுடன் நிற்கும் என சீனாவை குறிவைத்து அமெரிக்க வெளியுறவுத்துறை மந்திரி நேற்று பேசியிருந்தார்.
புதுடெல்லி,

உலகின் இருபெரும் ஜனநாயக நாடுகளான இந்தியாவுக்கும், அமெரிக்காவுக்கும் இடையே  கடந்த 2018- ஆம் ஆண்டு முதல்,  இந்திய, அமெரிக்க வெளியுறவு மற்றும் ராணுவ மந்திரிகள் இடையே ‘2 பிளஸ் 2’ பேச்சுவார்த்தை நடைபெற்று வருகிறது.

அந்த வரிசையில் அமெரிக்கா- இந்தியா இடையேயான மூன்றாவது ‘2 பிளஸ் 2’ பேச்சுவார்த்தைக்காக நேற்று நடைபெற்றது. இந்த பேச்சுவார்த்தையில் அமெரிக்க வெளியுறவுத்துறை மந்திரி மைக் பாம்பியோ ராணுவ மந்திரி  மார்க் எஸ்பர்,  மத்திய வெளியுறவு மந்திரி எஸ்.ஜெய்சங்கர், ராணுவ மந்திரி ராஜ்நாத் சிங், அமெரிக்க ஆகியோர் கலந்து கொண்டனர்.

இந்த பேச்சுவார்த்தைக்குப் பிறகு  அமெரிக்க வெளியுறவு மந்திரி மைக் பாம்பியோ செய்தியாளர்களுக்குப் பேட்டி அளித்தார். அப்போது அவர் கூறுகையில்,, “இந்திய மக்கள் தங்கள் இறையாண்மைக்கும், சுதந்திரத்துக்கும் அச்சுறுத்தல்களை சந்திப்பதால், அமெரிக்கா அவர்களுடன் நிற்கும். சீன கம்யூனிஸ்டு கட்சியால் ஏற்படும் அச்சுறுத்தல்கள் மட்டுமல்லாமல் ஒட்டுமொத்த பாதுகாப்பு அச்சுறுத்தல்களை கையாள்வதற்கான உறவுகளை நாங்கள் பலப்படுத்துகிறோம்” என்று கூறினார்.

கல்வான் பள்ளத்தாக்கில் சீன படையினருடன் கடந்த ஜூன் மாதம் நடந்த மோதலில் வீர மரணம் அடைந்த இந்திய ராணுவ வீரர்கள் உள்பட உலகின் மிகப்பெரிய ஜனநாயகத்துக்காக உயிர்த்தியாகம் செய்த வீரர்களை கவுரவிப்பதற்கான போர் நினைவுச்சின்னத்தை பார்வையிட்டதாகவும் மைக் பாம்பியோ தெரிவித்தார்.

சீனா கொந்தளிப்பு

அமெரிக்காவின் இந்த கருத்து சீனாவுக்கு கடும் கோபத்தை ஏற்படுத்தியுள்ளது. டெல்லியில் உள்ள சீன தூதரகம் இது குறித்து அறிக்கை ஒன்றை வெளியிட்டுள்ளது. அதில் கூறப்பட்டுள்ளதாவது:-  இந்தியா- சீனா இடையேயான எல்லை பிரச்சினை இரு தரப்பு விவகாரம். இந்த விவகாரத்தில் மூன்றாம் தரப்பு தலையிடும் பேச்சுக்கே இடம் இல்லை. தங்கள் வேறுபாடுகளை சீனாவும் இந்தியாவும் தீர்த்துக்கொள்ளும். சீனா குறித்து தவறான தகவல்களை பரப்புவதை அமெரிக்கா நிறுத்த வேண்டும்” என்று தெரிவிக்கப்பட்டுள்ளது. 


தொடர்புடைய செய்திகள்

1. 2-வது ஒருநாள் கிரிக்கெட் போட்டி: ஆஸ்திரேலிய அணி சிறப்பான தொடக்கம்
இந்தியாவுக்கு எதிரான 2-வது ஒருநாள் கிரிக்கெட் போட்டியில் ஆஸ்திரேலிய அணி சிறப்பான துவக்கம் பெற்றுள்ளது.
2. அபோதாபாத்தை நினைவு படுத்துகிறோம் ”ஐநாவுக்கு பாகிஸ்தான் வழங்கிய ஆவணங்கள் அனைத்தும் பொய்யானவை -இந்தியா
அபோதாபாத்தை நினைவு படுத்துகிறோம் ஐநாவுக்கு பாகிஸ்தான் வழங்கிய ஆவணங்கள் அனைத்தும் பொய்யானவை என இந்தியா கூறி உள்ளது.
3. மொபைல் செயலிகளுக்கு தொடர்ந்து இந்திய தடை ; சீனா கடும் எதிர்ப்பு
தங்கள் நாட்டின் மொபைல் செயலிகளுக்கு தொடர்ந்து இந்திய தடை விதித்து வருவதற்கு சீனா கடும் எதிர்ப்பு தெரிவித்துள்ளது.
4. அத்துமீறி கடல் எல்லைக்குள் நுழைந்த அமெரிக்க போர்க்கப்பலை விரட்டி அடித்த ரஷிய போர்க்கப்பல்
அத்துமீறி தங்களது கடல் எல்லைக்குள் நுழைந்த அமெரிக்க போர்க்கப்பலை ரஷிய போர்க்கப்பல் துரத்திச் சென்ற விரட்டித்ததாக அந்நாட்டு பாதுகாப்பு அமைச்சகம் தெரிவித்துள்ளது.
5. சீனாவில் 3 நகரங்களில் புதிதாக கொரோனா பாதிப்பு : லட்சக்கணக்கானோருக்கு பரிசோதனை
உலகில் முதன் முதலாக தொற்று பாதிப்பு வெளிப்பட்ட சீனாவில், இதுவரை 86 ஆயிரம் பேருக்கு கொரோனா உறுதி செய்யப்பட்டுள்ளது.