உலக செய்திகள்

நைஜீரியாவில் விவசாயிகள் 40 பேர் கழுத்தை அறுத்து படுகொலை + "||" + Suspected extremists kill at least 40 farmers in Nigeria

நைஜீரியாவில் விவசாயிகள் 40 பேர் கழுத்தை அறுத்து படுகொலை

நைஜீரியாவில் விவசாயிகள் 40 பேர் கழுத்தை அறுத்து படுகொலை
நைஜீரியாவில் பயங்கரவாதிகளால் விவசாயிகள் 40 பேர் கழுத்தறுத்து படுகொலை செய்யப்பட்டனர்.
மயூடுகுரி, 

ஆப்பிரிக்க நாடுகளில் உள்ள போர்னோ மாகாணத்தில் பயங்கரவாதிகளின் ஆதிக்கம் மிகுதியாக உள்ளது. அங்கு இவர்கள் அப்பாவி கிராம மக்கள் மற்றும் பழங்குடியின மக்களை குறிவைத்து தொடர்ந்து பயங்கரவாத தாக்குதல்களை அரங்கேற்றி வருகின்றனர்.

இந்தநிலையில் 13 ஆண்டுகளுக்கு பிறகு போர்னோ மாகாணத்தில் உள்ளாட்சி அமைப்புகளுக்கு நேற்று முன்தினம் தேர்தல் நடைபெற்றது. இதனிடையே அந்த மாகாணத்தில் நெல் உற்பத்திக்கு பெயர்போன கரின் குவாஷேபே என்ற கிராமத்தில் வயல்களில் அறுவடை நடைபெற்றது. பெரும்பாலான விவசாயிகள் வாக்களிக்க செல்லாமல் வயல்களில் அறுவடையில் ஈடுபட்டிருந்தனர்.

இந்தநிலையில் கையில் பயங்கர ஆயுதங்களுடன் வந்த பயங்கரவாதிகள் வயல்களில் அறுவடையில் ஈடுபட்டிருந்த விவசாயிகளை சுற்றி வளைத்தனர். பின்னர் அவர்கள் கூர்மையான ஆயுதங்களை கொண்டு விவசாயிகளை கழுத்தை அறுத்து படுகொலை செய்தனர். இப்படி 40 விவசாயிகள் படுகொலை செய்யப்பட்டனர்.

40 விவசாயிகள் ஒரே சமயத்தில் கழுத்தை அறுத்து கொலை செய்யப்பட்ட சம்பவம் அந்த கிராம மக்களை சோகத்தில் ஆழ்த்தியுள்ளது. இதனிடையே இந்த பயங்கரவாத தாக்குதலுக்கு அந்த நாட்டின் அதிபர் முகமது புகாரி கடும் கண்டனம் தெரிவித்துள்ளார். இது குறித்து அவர் வெளியிட்டுள்ள அறிக்கையில் “போர்னோ மாகாணத்தில் பயங்கரவாதிகளால் எங்களின் கடின உழைப்பாளிகளான விவசாயிகள் கொல்லப்பட்டதை நான் கண்டிக்கிறேன். இந்த விவேகமற்ற கொலைகளால் முழு நாடும் பாதிக்கப்படுகிறது” என்றார்.

தொடர்புடைய செய்திகள்

1. நைஜீரியாவில் 300க்கு மேற்பட்ட மாணவர்கள் கடத்தல்
நைஜீரியாவில் பள்ளிக்கூடம் ஒன்றில் இருந்து 300க்கும் மேற்பட்ட மாணவர்கள் கடத்தப்பட்டு உள்ளனர்.
2. நைஜீரியாவில் துப்பாக்கி முனையில் 2 இந்தியர்கள் கடத்தல்
நைஜீரியாவில் மருந்துத் துறையில் வேலைபார்க்கும் 2 இந்திய தொழிலாளர்கள் துப்பாக்கி முனையில் கடத்தப்பட்டனர்.
3. நைஜீரியாவில் பயங்கரவாதிகள் வெறிச்செயல்; விவசாய தொழிலாளர்கள் 110 பேர் கொடூரமாக கொலை
நைஜீரியாவில் விவசாய பணியில் ஈடுபட்டுக்கொண்டிருந்த தொழிலாளர்கள் 110 பேரை போகோ ஹாரம் பயங்கரவாதிகள் கழுத்தறுத்து கொடூரமாக கொலை செய்துள்ளனர்.
4. நைஜீரியாவில் போராட்டத்தில் ஈடுபட்டவர்கள் மீது போலீஸ் துப்பாக்கிச்சூடு: 12 பேர் உயிரிழப்பு
நைஜீரியாவில் போலீசாரின் அத்துமீறல்களுக்கு எதிராக 2 வாரங்களுக்கும் மேலாக போராட்டம் நடைபெற்று வருகிறது.
5. நைஜீரியாவில் போராட்டக்காரர்கள் மீது துப்பாக்கிச்சூடு - ஊரடங்கு அமல்
நைஜீரியாவில் பாதுகாப்பு வீரர்களின் அத்துமீறல்களுக்கு எதிராக போராட்டம் நடைபெற்றது.