உலக செய்திகள்

நேபாளம்: ஆளும் கட்சியில் இருந்து பிரதமர் கே.பி.சர்மா ஒலி நீக்கம் + "||" + Nepal PM KP Sharma Oli expelled from ruling Communist Party

நேபாளம்: ஆளும் கட்சியில் இருந்து பிரதமர் கே.பி.சர்மா ஒலி நீக்கம்

நேபாளம்: ஆளும் கட்சியில் இருந்து பிரதமர் கே.பி.சர்மா ஒலி நீக்கம்
நேபாள ஆளும் கட்சி உறுப்பினர் பதவியில் இருந்து பிரதமர் கே.பி. சர்மா ஒலி நீக்கப்பட்டுள்ளார்.
காத்மாண்டு:

நேபாள நாட்டின் பிரதமராக செயல்பட்டு வருபவர் கே.பி. சர்மா ஒலி. இவர் ஆளும் நேபாள கம்யூனிஸ்டு கட்சியின் தலைவராக இருந்து வருகிறார்.

இதற்கிடையில், பிரதமர் கே.பி. சர்மாவுக்கும், ஆளும் கட்சியின் நிர்வாகக்குழு தலைவர் புஷ்ப கமல் தஹார் பிரசந்தாவுக்கும் இடையே  அதிகார போட்டி ஏற்பட்டது. 

இதனால், பாராளுமன்றத்தை கலைக்க பிரதமர்  கே.பி. சர்மா ஒலி  கடந்த ஆண்டு 20-ம் தேதி பரிந்துரைத்தார். இதையடுத்து, வரும் ஏப்ரல் - மே மாதத்தில் தேர்தல் நடத்தவும் அதிபர் பித்யா தேவி பண்டாரி உத்தரவிட்டார்.

இந்த விவகாரத்தால் ஆளும் நேபாள கம்யூனிஸ்டு கட்சி  கே.பி. சர்மா ஒலி தலைமை மற்றும் புஷ்ப கமல் தஹார் தலைமை என 2 ஆக பிளவு பட்டது. 

பாராளுமன்றத்தை கலைக்க பிரதமர்  கே.பி. சர்மா ஒலி பிறப்பித்த உத்தரவை எதிர்த்து புஷ்ப கமல் தஹாரின் தலைமையிலான பிரிவு நேபாளம் முழுவதும் போராட்டம் நடைபெற்று வருகிறது. மேலும், நேபாள கம்யூனிஸ்டு கட்சி தலைவர் பதவியில் இருந்து கடந்த சில நாட்களுக்கு முன்னர் கே.பி.சர்மா ஒலி நீக்கப்பட்டார்.

இந்நிலையில், புஷ்ப கமல் தஹார் தலைமையிலான கம்யூனிஸ்டு கட்சியின் பிரிவின் மத்திய கமிட்டி கூட்டம் இன்று நடைபெற்றது. இந்த கூட்டத்தில் கே.பி. சர்மா ஒலியை நேபாள கம்யூனிஸ்டு கட்சியின் அடிப்படை உறுப்பினர் பதவியில் இருந்து நீக்க முடிவு எடுக்கப்பட்டது. 

இதையடுத்து, நேபாளம் கம்யூனிஸ்டு கட்சின் அடிப்படை உறுப்பினர் பதவியில் இருந்து  கே.பி. சர்மா ஒலி நீக்கப்படுவதாக புஷ்ப கமல் தஹார் தலைமையில் பிளவடைந்த கம்யூனிஸ்ட் கட்சியின் செய்தித்தொடர்பாளர் நாராயன் கஞ்ச் ஸ்ரீஸ்தா தெரிவித்துள்ளார்.

தொடர்புடைய செய்திகள்

1. நேபாளத்தில் போலீசார் துப்பாக்கியால் சுட்டதில் இந்தியர் உயிரிழப்பு
நேபாளத்தில் போலீசார் துப்பாக்கியால் சுட்டதில் இந்தியர் ஒருவர் உயிரிழந்தார்.
2. நேபாளத்தில் பாராளுமன்றத்தை கலைத்தது செல்லாது: நேபாள உச்ச நீதிமன்றம்
நேபாளத்தில் பாராளுமன்றத்தை கலைத்தது செல்லாது என அந்நாட்டு உச்ச நீதிமன்றம் அதிரடி தீர்ப்பளித்துள்ளது.
3. நேபாள அரசியல் குழப்பம்: இந்தியா உள்ளிட்ட நாடுகளிடம் அதரவு கோரும் பிரசண்டா !
நேபாள நாடாளுமன்றத்தை கடந்த ஆண்டு டிசம்பரில் கலைத்து பிரதமர் கேபி சர்மா ஒலி நடவடிக்கை எடுத்தார்.
4. நேபாள அரசியலில் குழப்பம்; ஆளும் கட்சியின் மூத்த தலைவர்களுடன் சீன உயர்மட்ட குழு பேச்சுவார்த்தை
நேபாள அரசியலில் குழப்பம் நீடித்து வரும் நிலையில் ஆளும் கட்சியின் மூத்த தலைவர்களுடன் சீன உயர் மட்ட குழு பேச்சுவார்த்தை நடத்தியது.
5. நேபாளத்தில் பாராளுமன்றம் கலைப்பு: அடுத்த ஆண்டு பொதுத்தேர்தல்
நேபாளத்தில் மந்திரிசபையின் பரிந்துரையை ஏற்ற ஜனாதிபதி, பாராளுமன்றத்தை கலைத்ததுடன், அடுத்த ஆண்டு தேர்தல் நடத்தப்படும் என்று அறிவித்துள்ளார்.