<
பிரேசிலில் கொரோனா உயிரிழப்பு எண்ணிக்கை 2.25 லட்சத்தை தாண்டியது
பிரேசிலில் கொரோனா பாதிப்பால் உயிரிழந்தவர்கள் எண்ணிக்கை 2.25 லட்சத்தை தாண்டியுள்ளது.
பிரேசிலா,
சீனாவின் உகான் நகரில் கடந்த 2019- ஆம் ஆண்டு டிசம்பர் மாதம் முதன் முதலாக வெளிப்பட்ட கொரோனா வைரஸ் உலகம் முழுவதையும் உலுக்கியது. கொரோனாவால் அதிகம் பாதித்த நாடுகளின் பட்டியலில் அமெரிக்காதான் உள்ளது. இந்த பட்டியலில் இந்தியாவுக்கு அடுத்த இடத்தில் அதாவது 3-வது இடத்தில் தென் அமெரிக்க நாடான பிரேசில் உள்ளது.
பிரேசிலில் கொரோனா வைரஸ் பரவல் தொடர்ந்து அதிகமாக காணப்படுகிறது. பிரேசிலில் கடந்த 24 மணி நேரத்தில் கொரோனா பாதிப்பு காரணமாக 595- பேர் உயிரிழந்துள்ளனர். அந்நாட்டில் இதுவரை உயிரிழந்தவர்கள் எண்ணிக்கை 2 லட்சத்து 25 ஆயிரத்தை தாண்டியுள்ளது.
அதேபோல், ஒரே நாளில் 24, 591- பேருக்கு தொற்று பாதிப்பு உறுதி செய்யப்பட்டுள்ளது. இதுவரை கொரோனா பாதித்தவர்கள் எண்ணிக்கை 92 லட்சத்தை தாண்டிவிட்டது. கொரோனாவில் இருந்து 8 மில்லியனுக்கும் மேற்பட்டோர் குணம் அடைந்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
