ரஷ்யாவில் கொரோனா பாதிப்பில் இருந்து குணமடைந்தோர் எண்ணிக்கை 39 லட்சத்தை தாண்டியது
ரஷ்யாவில் இதுவரை கொரோனாவால் பாதிக்கப்பட்டவர்களின் எண்ணிக்கை 43,12,181 ஆக அதிகரித்துள்ளது.
மாஸ்கோ,
உலக அளவில் கொரோனா பாதிப்பில் முதலிடத்தில் அமெரிக்காவும், இரண்டாம் இடத்தில் இந்தியாவும், மூன்றாவது இடத்தில் பிரேசிலும் உள்ளன. கொரோனாவால் அதிகம் பாதிக்கப்பட்ட நாடுகள் வரிசையில் ரஷ்யா தற்போது 4-வது இடத்தில் உள்ளது.
இந்நிலையில், ரஷ்யாவில் கடந்த 24 மணி நேரத்தில் 11,022 பேருக்கு கொரோனா தொற்று உறுதி செய்யப்பட்டுள்ளதாக அந்நாட்டு சுகாதாரத்துறை தெரிவித்துள்ளது. இதன் மூலம் அங்கு இதுவரை கொரோனாவால் பாதிக்கப்பட்டவர்களின் எண்ணிக்கை 43,12,181 ஆக அதிகரித்துள்ளது.
மேலும், கொரோனாவால் ஒரே நாளில் 441 பேர் பலியான நிலையில், அங்கு உயிரிழந்தோரின் மொத்த எண்ணிக்கை 88,726 ஆக உயர்ந்துள்ளது. கொரோனாவால் பாதிப்பில் இருந்து 15,207 பேர் நேற்று டிஸ்சார்ஜ் செய்யப்பட்டநிலையில், இதுவரை 39,00,348 பேர் குணமடைந்துள்ளனர். ரஷ்யாவில் தற்போது 3,23,107 பேர் கொரோனா தொற்றுக்கு சிகிச்சை பெற்று வருகின்றனர்.
Related Tags :
Next Story