உலக செய்திகள்

100வது நாள் முடிவில் 20 கோடி பேருக்கு கொரோனா தடுப்பூசிகள்; அமெரிக்க அதிபர் பைடன் + "||" + Corona vaccines for 200 million people by the end of the 100th day; US President Biden

100வது நாள் முடிவில் 20 கோடி பேருக்கு கொரோனா தடுப்பூசிகள்; அமெரிக்க அதிபர் பைடன்

100வது நாள் முடிவில் 20 கோடி பேருக்கு கொரோனா தடுப்பூசிகள்; அமெரிக்க அதிபர் பைடன்
பதவியேற்று 100வது நாள் முடிவில் 20 கோடி பேருக்கு கொரோனா தடுப்பூசிகள் போடப்பட்டு இருக்கும் என அமெரிக்க அதிபர் பைடன் கூறியுள்ளார்.
வாஷிங்டன்,

அமெரிக்காவில் கொரோனா பாதிப்புகள் தொடர்ந்து அதிகரித்து வருகின்றன.  இதனால் தடுப்பூசி போடும் பணிகள் தீவிரப்படுத்தப்பட்டு உள்ளன.  அமெரிக்க அதிபர் ஜோ பைடன் வெள்ளை மாளிகையில் பேசும்பொழுது, வருகிற 19ந்தேதிக்குள் 18 வயது பூர்த்தியான ஒவ்வொருவரும் கொரோனா தடுப்பூசி போட்டு கொள்ள தகுதியானவர்களாக ஆகி விடுவார்கள் என கூறியுள்ளார்.

இனி குழப்பம் விளைவிக்கும் விதிகளோ, கட்டுப்பாடுகளோ கிடையாது என்றும் அவர் கூறியுள்ளார்.

இதன்படி வருகிற 19ந்தேதிக்கு பின்னர் வயது வந்தவர்கள் அனைவரும் கொரோனா தடுப்பூசியை போட்டு கொள்ள தகுதியானவர்கள் ஆகின்றனர்.  அதற்கு முன் நாட்டிலுள்ள மூத்த குடிமக்கள் கொரோனா தடுப்பூசியை போட்டு கொள்ள வேண்டும் என பைடன் வலியுறுத்தி உள்ளார்.

தொடர்ந்து பைடன் கூறும்பொழுது, தனது 75 நாட்கள் பதவி காலத்தில், 15 கோடி டோஸ்கள் வரை தடுப்பூசி போடப்பட்டு உள்ளன.  இதுவரை 75 சதவீத மூத்த குடிமக்களுக்கு ஒரு டோஸ் போடப்பட்டு உள்ளது.

தன்னுடைய 100வது நாள் பதவி காலம் முடிவில் 20 கோடி பேருக்கு தடுப்பூசிகள் போடப்பட்டு இருக்கும் என எதிர்நோக்கி இருக்கிறேன் என்று கூறியுள்ளார்.

எனினும், அமெரிக்காவில் கொரோனாவின் புதிய வகைகளுடன் கொரோனா பாதிப்புகள் தொடர்ந்து அதிகரித்து வருகின்றன என எச்சரிக்கை விடுத்த பைடன், வயது வந்த அனைவரும் முழு அளவில் தடுப்பூசிகளை எடுத்து கொள்வதற்கு பல மாதங்கள் எடுத்து கொள்ளும் என கூறியுள்ளார்.

பொதுமக்கள் சமூக இடைவெளியை பின்பற்றுதல் மற்றும் முக கவசங்களை அணிந்து கொள்ளுதல் வேண்டும் என்றும் அவர் வலியுறுத்தி உள்ளார்.

தொடர்புடைய செய்திகள்

1. தேர்தல் ஆணைய அறிவுறுத்தலின் பேரிலேயே பணிபுரிகிறோம்; சி.ஆர்.பி.எப். இயக்குனர் ஜெனரல் பேட்டி
தேர்தல் ஆணைய அறிவுறுத்தலின் பேரிலேயே துணை ராணுவ படையினர் பணிபுரிகின்றனர் என சி.ஆர்.பி.எப். இயக்குனர் ஜெனரல் கூறியுள்ளார்.
2. பற்றாக்குறை: மராட்டியத்தில் தடுப்பூசி போடும் பணிகள் தற்காலிக நிறுத்தம்
மராட்டியத்தில் கொரோனா தடுப்பூசி பற்றாக்குறை என கூறி தடுப்பூசி போடும் பணிகள் தற்காலிகமாக நிறுத்தி வைக்கப்பட்டு உள்ளன.
3. பா.ஜ.க., ஆர்.எஸ்.எஸ். விஷம் போன்றவர்கள்; தமிழகம், புதுச்சேரிக்குள் அனுமதிக்காதீர்: மல்லிகார்ஜுன கார்கே பேட்டி
பா.ஜ.க., ஆர்.எஸ்.எஸ். விஷம் போன்றவர்கள் என்றும் தமிழகம், புதுச்சேரிக்குள் அவர்களை அனுமதிக்காதீர் என்றும் காங்கிரஸ் மூத்த தலைவர் மல்லிகார்ஜுன கார்கே பேட்டியில் கூறியுள்ளார்.
4. பாஸ்டேக் உதவியால் ரூ.20 ஆயிரம் கோடி மதிப்பிலான எரிபொருள் சேமிப்பு; மத்திய மந்திரி கட்காரி
பாஸ்டேக் உதவியால் ரூ.20 ஆயிரம் கோடி மதிப்பிலான எரிபொருள் சேமிக்கப்பட்டு உள்ளது என மத்திய மந்திரி கட்காரி கூறியுள்ளார்.
5. காதலர் தினத்தில் 15 நக்சலைட்டுகளுக்கு திருமணம் செய்து வைத்த போலீசார்
சத்தீஷ்காரில் காதலர் தினத்தில் 15 நக்சலைட்டுகளுக்கு போலீசார் திருமணம் செய்து வைத்துள்ளனர்.