உலக செய்திகள்

கடவுளின் கைகள்; பிரேசிலில் கொரோனா நோயாளிகளுக்கு தொடுதல் முறையில் சிகிச்சை + "||" + Hands of God; Touch therapy for corona patients in Brazil

கடவுளின் கைகள்; பிரேசிலில் கொரோனா நோயாளிகளுக்கு தொடுதல் முறையில் சிகிச்சை

கடவுளின் கைகள்; பிரேசிலில் கொரோனா நோயாளிகளுக்கு தொடுதல் முறையில் சிகிச்சை
கொரோனா நோயாளிகளை வாட்டும் தனிமையை போக்க பிரேசிலில் கையுறையில் வென்னீர் நிரப்பி புதிய முறையில் சிகிச்சை அளிக்கப்படுகிறது.
பிரேசிலியா,

உலக நாடுகளில் கொரோனா பாதிப்புகளால் அதிக துயரங்களை சந்தித்து வரும் நாடுகளில் பிரேசிலும் ஒன்று.  அதிக உயிரிழப்புகளையும் அந்நாடு எதிர்கொண்டு வருகிறது.  நேற்று ஒரே நாளில் 4 ஆயிரத்திற்கும் மேற்பட்டோர் கொரோனா பாதிப்புகளுக்கு உயிரிழந்து உள்ளனர் என்பது வேதனை அளிக்கும் விசயம்.

இந்த நிலையில், தடுப்பூசி தவிர வேறு தீர்வு கிடைக்காத சூழலில் கொரோனா நோயாளிகள் அவதியடைந்து வருகின்றனர்.  எளிதில் பரவும் என்ற சூழலில் அவர்களை தொட்டு சிகிச்சை அளிப்பது இயலாத காரியம்.

இந்த நிலையில், கொரோனா பாதிப்பினால் தனிமைப்படுத்தப்பட்டு சிகிச்சை பெறும் நோயாளிகளுக்கு பிரேசிலில் புதுவித சிகிச்சை முறை அளிக்கப்படுகிறது.

இதன்படி, ஒருமுறை உபயோகப்படுத்தி விட்டு தூக்கியெறிய கூடிய 2 கையுறைகளை நர்சுகள் வென்னீரால் நிரப்புகின்றனர்.  இதன்பின், இரு கையுறைகளையும் ஒன்றாக இணைத்து விடுகின்றனர்.  இதனை தொடர்ந்து, இணைக்கப்பட்ட இரு கையுறைகளுக்கு நடுவே கொரோனா நோயாளியின் கைகளை வைக்கின்றனர். 
இதனால், தங்களது கைகளை யாரோ பிடித்திருக்கின்றனர் என்ற உணர்வு அவர்களுக்கு ஏற்படும்.  இந்த புகைப்படம் சமூக வலைதளத்தில் பரவி வருகிறது.  இதனை டுவிட்டரில் வெளியிட்ட நபர் கடவுளின் கைகள் என அதற்கு தலைப்பிட்டு உள்ளார். 

கொரோனா நோயாளிகளுக்கு சிகிச்சை அளிக்கும்பொழுது தொற்று பரவாமல் தடுக்க அவர்களை தனிமைப்படுத்தும் சூழலில், அவர்களுக்கு ஆதரவு அளிக்கும் வகையில் இந்த கையுறைகள் கைகளாக செயல்படுவது ஆறுதல் அளிக்கும்.

தொடர்புடைய செய்திகள்

1. கர்நாடகாவில் கொரோனாவுக்கு சிகிச்சை பெறுவோர்களின் எண்ணிக்கை 3 லட்சத்தை தாண்டியது
கர்நாடகாவில் கடந்த 24 மணி நேரத்தில் புதிதாக 31,830 பேருக்கு கொரோனா பாதிப்பு உறுதி செய்யப்பட்டுள்ளது.
2. அறுவை சிகிச்சை செய்து கொண்ட எடப்பாடி பழனிசாமி மருத்துவமனையில் இருந்து வீடு திரும்பினார்
குடல் இறக்க நோய்க்கு அறுவை சிகிச்சை செய்து கொண்ட முதல்-அமைச்சர் எடப்பாடி பழனிசாமி மருத்துவமனையில் இருந்து வீடு திரும்பினார்.
3. கொரோனா தொற்றுக்கு சிகிச்சை பெற்றுவந்த திமுக பொதுச்செயலாளர் துரைமுருகன் குணமடைந்தார்
சென்னையில் கொரோனா தொற்றுக்கு சிகிச்சை பெற்றுவந்த திமுக பொதுச்செயலாளர் துரைமுருகன் குணமடைந்து வீடு திரும்பினார்.
4. அப்பல்லோ மருத்துவமனையில் ஒரே நாளில் 4 ‘மிட்ராகிளிப்’ மருத்துவ சிகிச்சை இதய நோய் சிகிச்சை நிபுணர் டாக்டர் சாய் சதீஷ் சாதனை
சென்னை அப்பல்லோ மருத்துவமனையில், ஆசியாவில் முதல் முறையாக ஒரே நாளில் 4 ‘மிட்ராகிளிப்’ மருத்துவ சிகிச்சையை இதய நோய் சிகிச்சை நிபுணர் டாக்டர் சாய் சதீஷ் சாதனை படைத்துள்ளார்.
5. கொரோனா தொற்றுக்கு சிகிச்சை பெற்றுவந்த பாஜக எம்.பி., நந்த்குமார் உயிரிழப்பு: பிரதமர் மோடி இரங்கல்
கொரோனா தொற்றுக்கு சிகிச்சை பெற்றுவந்த பாஜக எம்.பி., நந்த்குமார் இன்று உயிரிழப்புக்கு பிரதமர் மோடி இரங்கல் தெரிவித்துள்ளார்.