உலக செய்திகள்

மும்பை தாக்குதல் குற்றவாளி ராணாவை நாடு கடத்த அமெரிக்க அரசு ஆதரவு + "||" + US supports deportation of Mumbai attack convict Rana

மும்பை தாக்குதல் குற்றவாளி ராணாவை நாடு கடத்த அமெரிக்க அரசு ஆதரவு

மும்பை தாக்குதல் குற்றவாளி ராணாவை நாடு கடத்த அமெரிக்க அரசு ஆதரவு
கடந்த 2008-ம் ஆண்டு மும்பையில் பாகிஸ்தான் பயங்கரவாதிகள் நடத்திய தாக்குதல்களில் 166 பேர் பலியானார்கள்.
இதுதொடர்பாக தேடப்பட்ட லஷ்கர் இ தொய்பா பயங்கரவாதி டேவிட் கோல்மன் ஹெட்லி, அவருடைய நண்பரும், கனடா குடியுரிமை பெற்ற பாகிஸ்தானிய தொழிலதிபருமான தஹாவுர் ராணா ஆகியோர் சில ஆண்டுகளுக்கு முன்பு அமெரிக்காவில் கைது செய்யப்பட்டனர்.ராணாவை தலைமறைவு குற்றவாளியாக அறிவித்துள்ளதால், அவரை நாடு கடத்தி இந்தியாவிடம் ஒப்படைக்குமாறு அமெரிக்க அரசை இந்திய அரசு கேட்டுக்கொண்டது.

இதுதொடர்பாக லாஸ் ஏஞ்சல்ஸ் நகரில் உள்ள அமெரிக்க மாவட்ட கோர்ட்டில் இந்தியா தாக்கல் செய்த வழக்கு நிலுவையில் உள்ளது. ராணாவை நாடு கடத்த அமெரிக்க அரசு ஏற்கனவே ஆதரவு தெரிவித்து இருந்தது. இந்தநிலையில், புதிதாக பொறுப்பேற்றுள்ள ஜோ பைடன் அரசு சார்பில் கோர்ட்டில் புதிதாக ஒரு மனு தாக்கல் செய்யப்பட்டுள்ளது.அதில், ‘‘குற்றவாளிகளை நாடு கடத்த இந்தியா-அமெரிக்கா இடையே ஏற்கனவே ஒப்பந்தம் உள்ளது. ராணாவை நாடு கடத்தும் கோரிக்கை, இந்த ஒப்பந்த விதிகளுக்கு உட்பட்டு இருக்கிறது. ஆகவே, 
அவரை நாடு கடத்தும் கோரிக்கையை அமெரிக்க அரசு எப்போதும் ஆதரிக்கிறது’’ என்று கூறப்பட்டுள்ளது. இம்மனு, ஜூன் 24-ந் தேதி விசாரணைக்கு வரும் என்று நீதிபதி ஜாக்குலின் சூல்ஜியன் தெரிவித்தார்.

தொடர்புடைய செய்திகள்

1. மும்பை தாக்குதல் சதிகாரர் லக்விக்கு 15 ஆண்டு சிறை - பாகிஸ்தான் கோர்ட்டுஅதிரடி தீர்ப்பு
மும்பை தாக்குதல் சதிகாரர் ஜாகி உர் ரகுமான் லக்விக்கு பயங்கரவாத நிதி உதவி வழக்கில் 15 ஆண்டு சிறை தண்டனை விதித்து பாகிஸ்தான் கோர்ட்டு தீர்ப்பு அளித்தது.
2. மும்பை பயங்கரவாத தாக்குதல்: மூளையாக செயல்பட்ட லக்விக்கு 15 ஆண்டுகள் சிறை- பாகிஸ்தான் நீதிமன்றம்
மும்பை பயங்கரவாத தாக்குதலுக்கு மூளையாக செயல்பட்ட லஷ்கர்-இ-தொய்பாவின் தலைவர் லக்விக்கு பாகிஸ்தான் நீதிமன்றம்15 ஆண்டுகள் சிறைத் தண்டனை விதித்து உள்ளது.
3. மும்பை தாக்குதல் வழக்கில் மூளையாக செயல்பட்ட தீவிரவாதி பாகிஸ்தானில் கைது
மும்பை தாக்குதல் வழக்கில் மூளையாக செயல்பட்ட தீவிரவாதி ஜாகி உர் ரகுமான் பாகிஸ்தானில் கைது செய்யப்பட்டுள்ளார்.
4. மும்பை தாக்குதல் குற்றவாளி ராணாவை விடுதலை செய்ய அமெரிக்க அரசு எதிர்ப்பு
மும்பை தாக்குதல் தலைமறைவு குற்றவாளியான ராணாவை விடுதலை செய்ய அமெரிக்க அரசு எதிர்ப்பு தெரிவித்துள்ளது.
5. பாக். பயங்கரவாதிகள் ஏற்படுத்திய ஆறாத ரணத்தின் 12-ம் ஆண்டு நினைவு தினம்
பாகிஸ்தான் பயங்கரவாதிகள் 10 பேர் 12 ஆண்டுகளுக்கு முன்பு இதேநாள் கடல் மார்க்கமாக ஊடுருவி 3 நாட்கள் நடத்திய மிருகத்தன தாக்குதலால் ஒட்டுமொத்த தேசமே ஸ்தம்பித்து போனது.