உலக செய்திகள்

அமெரிக்காவில் சீக்கியர் மீது இனவெறி தாக்குதல் + "||" + Racist attack on Sikhs in the United States

அமெரிக்காவில் சீக்கியர் மீது இனவெறி தாக்குதல்

அமெரிக்காவில் சீக்கியர் மீது இனவெறி தாக்குதல்
அமெரிக்காவின் நியூயார்க் மாகாணம் புரூக்ளின் நகரில் உள்ள ஒரு ஓட்டலில் ஊழியராக பணியாற்றி வருபவர் சீக்கிய இனத்தைச் சேர்ந்த சுமித் அலுவாலியா.

சம்பவத்தன்று சுமித் அலுவாலியா ஓட்டலில் பணியில் இருந்தபோது கறுப்பினத்தைச் சேர்ந்த ஒரு நபர் ஓட்டலுக்குள் வந்து வரவேற்பு அறையில் இருந்த பெண்ணிடம் தகராறில் ஈடுபட்டார். இதையடுத்து சுமித் அலுவாலியா, அந்த நபரை அணுகி ‘உங்களுக்கு என்ன உதவி வேண்டும்?’ கேட்டார். அப்போதும் அந்த நபர் தொடர்ந்து தகராறில் ஈடுபட்டதால் சுமித் அலுவாலியா ஓட்டல் காவலாளிகளை அழைத்தார்.

அப்போது அந்த நபர் தான் மறைத்து வைத்திருந்த சுத்தியலை எடுத்து சுமித் அலுவாலியாவை தாக்கினார்.‌ இதில் நிலைகுலைந்து போன சுமித் அலுவாலியா, அந்த நபரைப் பார்த்து ‘‘என்ன நடக்கிறது, நான் உங்கள் சகோதரன். என்னை ஏன் தாக்குகிறீர்கள்’’ என பரிதாபமாக கேட்டார்.‌ அதற்கு அந்த நபர் ‘‘எனக்கு உன்னை பிடிக்கவில்லை. உனது நிறம் ஒரே மாதிரி இல்லை’’ எனக்கூறி சுமித் அலுவாலியாவின் தலையில் சுத்தியலால் பல முறை அடித்தார். இதில் சுமித் அலுவாலியாவின் மண்டை உடைந்து ரத்தம் கொட்டியது. இதனைத்தொடர்ந்து தாக்குதல் நடத்திய கறுப்பினத்தைச் சேர்ந்த நபர் அங்கிருந்து தப்பி ஓடினார்.

இதையடுத்து சுமித் அலுவாலியா, சிகிச்சைக்காக ஆஸ்பத்திரியில் சேர்க்கப்பட்டார். தற்போது அவர் நலமாக இருப்பதாக தகவல்கள் தெரிவிக்கின்றன. தாக்குதல் நடத்திவிட்டு தப்பி ஓடிய நபரை போலீசார் வலைவீசி தேடி வருகின்றனர்.

இதனிடையே சுமித் அலுவாலியா மீது நடத்தப்பட்ட இந்த இனவெறி தாக்குதலுக்கு அமெரிக்காவில் உள்ள சீக்கிய அமைப்புகள் கடும் கண்டனம் தெரிவித்துள்ளன.

 


தொடர்புடைய செய்திகள்

1. அமெரிக்காவில் பாறை மீது மோதி படகு உடைந்து, கடலில் மூழ்கியது; 4 பேர் பலி
தென் அமெரிக்க நாடுகளைச் சேர்ந்த அகதிகள் மெக்சிகோ வழியாக அமெரிக்காவுக்குள் தஞ்சம் புகுந்து வருகின்றனர்.
2. அமெரிக்காவுடன் கைதிகள் பரிமாற்ற ஒப்பந்தம் உறுதியானதா? ஈரான் விளக்கம்
அணுசக்தி ஒப்பந்த விவகாரத்தில் ஈரானுக்கும் அமெரிக்காவுக்கும் இடையே உரசல் போக்கு நீடித்து வருகிறது. இந்தப் பிரச்சினைக்கு தீர்வு காண இரு தரப்பும் மறைமுக பேச்சுவார்த்தையில் ஈடுபட்டு வருகிறது.
3. விரோத கொள்கையை மாற்றிக் கொள்ளாவிட்டால் அமெரிக்கா மிக மோசமான விளைவுகளை எதிர்கொள்ளும்; வடகொரியா எச்சரிக்கை
அமெரிக்கா தனது விரோத கொள்கையை மாற்றிக் கொள்ளாவிட்டால் எதிர்காலத்தில் அந்த நாடு மிக மோசமான விளைவுகளை எதிர்கொள்ள நேரிடும் என வடகொரியா பகிரங்க எச்சரிக்கை விடுத்துள்ளது.
4. துபாயில் இருந்து 2 டேங்கர்கள்: அமெரிக்காவில் இருந்து 318 ஆக்சிஜன் செறிவூட்டிகள் டெல்லி வந்தடைந்தன
இந்தியாவில் பெருகி வரும் ஆக்சிஜன் தேவையை சமாளிப்பதற்காக அமெரிக்காவில் இருந்து 318 ஆக்சிஜன் செறிவூட்டிகள் டெல்லி கொண்டு வரப்பட்டன.
5. ஆப்கானிஸ்தானில் பயங்கரவாதிகளின் துப்பாக்கி சூட்டில் போலீஸ் தலைமை அதிகாரி பலி; ராக்கெட் தாக்குதலில் பொதுமக்கள் 15 பேர் படுகாயம்
ஆப்கானிஸ்தானில் தலீபான் பயங்கரவாதிகளுக்கும் அந்த நாட்டு அரசுக்கும் இடையே 20 ஆண்டுகளாக உள்நாட்டு போர் நடக்கிறது.