உலக செய்திகள்

ஐரோப்பிய தலைவர்களை உளவு பார்த்த அமெரிக்கா... பைடன் சிக்குவாரா? அதிர்ச்சி தகவல் வெளியீடு + "||" + The United States spying on European leaders ... Will Python be caught? Shock information release

ஐரோப்பிய தலைவர்களை உளவு பார்த்த அமெரிக்கா... பைடன் சிக்குவாரா? அதிர்ச்சி தகவல் வெளியீடு

ஐரோப்பிய தலைவர்களை உளவு பார்த்த அமெரிக்கா... பைடன் சிக்குவாரா? அதிர்ச்சி தகவல் வெளியீடு
ஜெர்மன் அதிபர் மெர்கல் உள்பட ஐரோப்பிய நாட்டு தலைவர்களை அமெரிக்கா உளவு பார்த்த தகவல் வெளிவந்துள்ளது.
கோபன்ஹேகன்,

அமெரிக்காவின் நட்பு நாடுகளில் ஒன்றான டென்மார்க், இணையவசதிக்காக கடலுக்கு அடியில் பல இடங்களில் கேபிள்களை பதித்து பயன்படுத்தி வருகிறது.  இதன்வழியே சுவீடன், நார்வே, ஜெர்மனி, நெதர்லாந்து மற்றும் இங்கிலாந்து போன்ற நாடுகளும் தகவல் பரிமாற்றத்தில் ஈடுபட்டு வருகின்றன.

இந்நிலையில், கடந்த 2014ம் ஆண்டு முதல் 2015ம் ஆண்டு வரையில், டென்மார்க் ராணுவ உளவு பிரிவு உள்நாட்டு புலனாய்வில் ஈடுபட்டது.  இதன் முடிவில், ஜெர்மனி நாட்டின் அதிபர் ஏஞ்சலா மெர்கல் உள்பட ஐரோப்பிய நாட்டு தலைவர்களை அமெரிக்கா உளவு பார்த்த அதிர்ச்சி தகவல் கிடைத்துள்ளது.

அமெரிக்க தேசிய பாதுகாப்பு முகமை, டென்மார்க் கேபிள் வழியே உளவு அமைப்புடன் இணைந்து சுவீடன், நார்வே, பிரான்ஸ் மற்றும் ஜெர்மனி ஆகிய நாடுகளின் மூத்த அரசு அதிகாரிகளை உளவு பார்த்துள்ளது.  கடந்த 2012ம் ஆண்டு முதல் 2014ம்  ஆண்டு வரையில் இது நடந்துள்ளது.

ஜெர்மனியின் அதிபர் தவிர, அந்நாட்டில் அப்போது வெளியுறவு துறை மந்திரியாக இருந்த பிராங்க்-வால்டர் ஸ்டீன்மெயர் மற்றும் முன்னாள் எதிர்க்கட்சி தலைவர் பீர் ஸ்டீன்பிரக் ஆகியோரையும் உளவு பார்த்திருக்கிறது.

டென்மார்க் இணையதள கேபிள்களில் இருந்து குறுஞ்செய்திகள், தொலைபேசி அழைப்புகள் மற்றும் இணையதளத்தில் அதிகம் தேடப்பட்டவை, சாட்கள் மற்றும் பிற செய்தி பகிர்வு சேவைகள் என எல்லாவற்றையும் இடைமறித்து விரிவான தரவுகளை அமெரிக்கா பெற்றுள்ளது தெரிய வந்துள்ளது.

இந்த வழக்கில், அமெரிக்க அதிபராக தற்போதுள்ள ஜோ பைடன் முக்கிய குற்றவாளியென பைடன் துணை அதிபராக இருந்த காலகட்டத்திலேயே, எட்வர்டு ஸ்னோடென் என்ற சமூக ஆர்வலர் குரல் கொடுத்து வந்தது குறிப்பிடத்தக்கது.  ஸ்னோடென், தேசிய பாதுகாப்பு முகமையில் ஒப்பந்த அடிப்படையிலான பணியில் இருந்தவர்.


தொடர்புடைய செய்திகள்

1. சி.ஐ.எஸ்.சி.இ. பாடத்திட்ட 10 மற்றும் 12-ம் வகுப்பு தேர்வு முடிவு இன்று வெளியீடு
சி.ஐ.எஸ்.சி.இ. பாடத்திட்ட 10 மற்றும் 12-ம் வகுப்பு தேர்வு முடிவு இன்று வெளியீடு.
2. பிளஸ்-2 வகுப்பு துணைத்தேர்வு எழுதும் தேர்வர்களுக்கான அறிவுரைகள் வெளியீடு
பிளஸ்-2 மாணவர்களுக்கான துணைத்தேர்வை எழுதும் தேர்வர்களுக்கான அறிவுரைகள் நேற்று வெளியிடப்பட்டன. அதில், குறைக்கப்பட்ட பாடத்திட்டங்களின்படியே தேர்வு நடைபெறும் என தெரிவிக்கப்பட்டுள்ளது.
3. பிளஸ்-2 மதிப்பெண் வெளியீடு எதிரொலி: பொறியியல், கலைக்கல்லூரிகளில் சேர 26-ந் தேதி முதல் விண்ணப்பிக்கலாம்
பொறியியல், கலைக்கல்லூரிகளில் சேர 26-ந் தேதி முதல் விண்ணப்பிக்கலாம் என்று உயர் கல்வித்துறை அமைச்சர் பொன்முடி அறிவித்துள்ளார்.
4. அரசு பஸ்களின் ஆயுட்காலம் 9 ஆண்டுகளாக அதிகரிப்பு அரசாணை வெளியீடு
அரசு பஸ்களின் ஆயுட்காலத்தை 6 ஆண்டுகளில் இருந்து 9 ஆண்டுகளாக அதிகரித்து தமிழக அரசு அரசாணை வெளியிட்டுள்ளது.
5. மதுரை மீனாட்சியம்மன் கோவிலில் வழிபடுவதற்கான வழிகாட்டு நெறிமுறைகள் வெளியீடு
மதுரை மீனாட்சியம்மன் கோவிலில் பக்தர்கள் வழிபடுவதற்கான வழிகாட்டு நெறிமுறைகள் வெளியிடப்பட்டு உள்ளன.