உலக செய்திகள்

சீனா: 480 கி.மீ. வழிமாறி வந்த களைப்பு - ஓய்வு எடுக்கும் யானைகள் + "||" + Walking across China is quite tiring! Elephant herd takes a snooze after embarking on 300-mile trek since escaping from a nature reserve

சீனா: 480 கி.மீ. வழிமாறி வந்த களைப்பு - ஓய்வு எடுக்கும் யானைகள்

சீனா: 480 கி.மீ. வழிமாறி வந்த களைப்பு - ஓய்வு எடுக்கும் யானைகள்
சீனாவில் உள்ள நகரத்திற்குள் 15 காட்டு யானைகள் கூட்டமாக நுழைந்துள்ளன.
பீஜிங்,

சீனாவின் தென்கிழக்கு பகுதியில் யோனன் மாகாணம் அமைந்துள்ளது. வனப்பகுதிகள் அருகே அமைந்துள்ள அந்த மாகாணத்தின் ஹூன்னிங் நகரத்திற்குள் கடந்த 3-ம் தேதி 15 காட்டு யானைகள் தீடிரென நுழைந்தன.

அந்த காட்டு யானைகள் சீன நகரின் சாலைகள், வீடுகளில் சாதாரணமாக சுற்றித்து வருகின்றன. கடைகளில் கிடைக்கும் பழங்களை உணவாக உட்கொள்ளும் காட்டுயானைகள் பொதுமக்களை விரட்டியும் வருகிறது.

காட்டுயானை கூட்டம் வழக்கமான வனப்பகுதி செல்வதற்கு பதிலாக எதிர்திசையில் திசையில் 480 கிலோமீட்டர் தூரம் (300 மைல்கள்) பயணம் செய்து தவறுதலாக மக்கள் வசிக்கும் நகர்பகுதிக்குள் நுழைந்துள்ளது. 

இந்த காட்டு யானைகள் கடந்த ஏப்ரல் 16-ம் தேதி தனது பயணத்தை தொடங்கி 480 கிலோமீட்டர்கள் பயணித்து ஹூன்னிங் நகரத்திற்குள் நுழைந்துள்ளன.

நகரங்களில் சுற்றித்திரியும் அந்த யானைகளை மீண்டும் வனப்பகுதியிலேயே திரும்பி விட வனத்துறையினர், போலீஸ் அதிகாரிகள் தீவிர முயற்சி மேற்கொண்டு வருகின்றனர். பல்வேறு சாலைகளில் பயணிக்க பயணிகளுக்கு கட்டுப்பாடுகள் விதிக்கப்பட்டுள்ளது. யானைகளுக்கு உணவாக அன்னாசி பழங்களும் அளிக்கப்பட்டு வருகிறது. காட்டு யானைகள் நடமாடுவதால் மக்கள் கவனமாக இருக்கும் படி அதிகாரிகள் அறிவுறுத்தியுள்ளனர்.     

இந்நிலையில், நகர்பகுதியில் சுற்றித்திரிந்த யானைகள் நகருக்கு அருகே உள்ள காட்டுப்பகுதிக்கு சென்று ஓய்வு எடுக்கின்றன. தற்போது, காட்டுப்பகுதிக்குள் ஓய்வெடுக்கும் அந்த 15 யானைகளையும் டிரோன் கேமரா மூலம் அதிகாரிகள் கண்காணித்து வருகின்றனர். 

480 கிலோ மீட்டர் பயணம் செய்த களைப்பில் காட்டுப்பகுதிக்குள் யானைகள் வனப்பகுதிக்குள் ஒய்யாரமாக ஓய்வு எடுக்கும் புகைப்படங்கள் தற்போது வெளியாகியுள்ளது. இந்த புகைப்படங்கள் தற்போது சமூகவலைதளத்தில் வைரலாகி வருகிறது.
Related Tags :

தொடர்புடைய செய்திகள்

1. சீனாவில் மீண்டும் கொரோனா பரவல்; புதிதாக 35 பேருக்கு தொற்று உறுதி
சீனாவில் கடந்த சில நாட்களாக மீண்டும் கொரோனா பரவல் அதிகரித்து வருகிறது.
2. சீனாவில் மீண்டும் அதிகரிக்கும் கொரோனா; புதிதாக 48 பேருக்கு தொற்று உறுதி
சீனாவில் கடந்த சில நாட்களாக மீண்டும் கொரோனா பரவல் அதிகரித்து வருகிறது.
3. சீனாவில் கொட்டித் தீர்த்த மழை; பலி எண்ணிக்கை 33 ஆக உயர்வு
சீனாவில் கொட்டித் தீர்த்த மழையால் ஏற்பட்ட வெள்ளத்தில் சிக்கி 33 பேர் பலியாகியுள்ளனர்.
4. கனமழை வெள்ளத்தில் சிக்கிய சீனாவின் ஹெனான் மாகாணம்: 12 பேர் பலி
மத்திய சீனாவின் ஹெனான் மாகாணத்தில் பெய்த கனமழையால் ஏற்பட்ட வெள்ளத்தில் சிக்கி 12 பேர் பரிதாபமாக பலியாகினர்.
5. சீனாவில் சற்று குறைந்த கொரோனா பாதிப்பு; புதிதாக 22 பேருக்கு தொற்று உறுதி
சீனாவில் நேற்று முன்தினம் 65 பேருக்கு கொரோனா தொற்று உறுதி செய்யப்பட்டிருந்தது.