உலக செய்திகள்

உலக வர்த்தக அமைப்பில் சீனா மீது ஆஸ்திரேலியா புகார் + "||" + Australia takes China to WTO over its trade sanctions on Australian wines

உலக வர்த்தக அமைப்பில் சீனா மீது ஆஸ்திரேலியா புகார்

உலக வர்த்தக அமைப்பில் சீனா மீது ஆஸ்திரேலியா புகார்
சீனாவில் இருந்து கொரோனா வைரஸ் பரவ ஆரம்பித்தபோது பல நாடுகள் அந்த நாட்டை விசாரணை கூண்டில் நிற்க வைக்க விரும்பின. அவற்றில் ஒன்று ஆஸ்திரேலியா.
நோய்த்தொற்று உருவானது குறித்து சீனாவிடம் விசாரணை நடத்த ஆஸ்திரேலியா தொடர்ந்து வற்புறுத்தியது. இதன் எதிரொலியாக கடந்த ஆண்டு, ஆஸ்திரேலியாவில் இருந்து இறக்குமதி செய்யப்படும் ஒயின் மீது சீனா 218 சதவீதம் வரி விதித்தது. இதனை கொரோனா குற்றச்சாட்டுக்கான பழிவாங்கும் நடவடிக்கை என ஆஸ்திரேலியா கூறியது. ஆனால் வர்த்தக முறைகேடு காரணமாக வரி விதிப்பு அதிகப்படுத்தப்பட்டதாக சீனா தெரிவித்தது. ஆஸ்திரேலிய ஒயின் ஏற்றுமதியில் சீனா முதலிடம் வகிக்கும் சூழலில், இந்த வரி விதிப்பால் ஆஸ்திரேலியாவில் உள்ள ஒயின் தொழிற்சாலைகள் மிகவும் மோசமாக பாதிக்கப்பட்டுள்ளன. ஒயின் மீதான வரி விதிப்பை ரத்து செய்யும்படி சீனாவிடம் ஆஸ்திரேலியா பலமுறை வலியுறுத்தியும் சீனா அதனை கண்டு கொள்ளவில்லை.

இந்த நிலையில் இந்த விவகாரத்தில் சீனா மீது ஆஸ்திரேலியா உலக வர்த்தக அமைப்பில் முறைப்படி புகார் அளித்துள்ளது.‌ இதுபற்றி ஆஸ்திரேலியாவின் வர்த்தக மந்திரி டான் தெஹான் கூறுகையில் ‘‘ஆஸ்திரேலியா ஒயின் மீதான சீன வரி குவிப்பு தொடர்பாக உலக வர்த்தக அமைப்பில் நடவடிக்கை எடுப்பதன் மூலம் ஆஸ்திரேலிய ஒயின் தயாரிப்பாளர்களின் நலன்களை அரசு பாதுகாக்கும். ஆஸ்திரேலியாவின் ஒயின் தயாரிப்பாளர்களுடன் நடந்த விரிவான ஆலோசனையை தொடர்ந்து சர்ச்சையை தீர்க்கும் பணியை தொடங்க முடிவு எடுக்கப்பட்டது’’ என‌ கூறினார்.

தொடர்புடைய செய்திகள்

1. கொரோனா வைரஸ் குறித்த விசாரணையை சீனா நிராகரிப்பது பொறுப்பற்றது - அமெரிக்கா கருத்து
கொரோனா வைரசின் தோற்றம் குறித்த 2-ம் கட்ட விசாரணையை சீனா நிராகரிப்பது பொறுப்பற்றது என அமெரிக்கா தெரிவித்துள்ளது.
2. சீனாவில் மீண்டும் கொரோனா பரவல்: புதிதாக 25 பேருக்கு தொற்று உறுதி
சீனாவில் கடந்த சில தினங்களாக மீண்டும் கொரோனா பரவல் தலைகாட்டத் துவங்கியுள்ளது.
3. ஐ.நா.வின் மியான்மர் தீர்மானம் இந்தியா புறக்கணிப்பு ஆசியான் முயற்சிக்கு ஆதரவு
மியான்மரில் தற்போது நிலவும் சூழ்நிலைக்கு தீர்வு காண முயலும் ஆசியான் அமைப்பின் முயற்சிகளுக்கும் எந்த பலனையும் அளிக்காது என ஐ.நா.,விற்கான இந்தியாவின் நிரந்தர பிரதிநிதி திருமூர்த்தி கூறினார்.
4. 28 மணி நேரத்தில் கட்டிமுடிக்கப்பட்ட 10 மாடி கட்டிடம் 4 நிமிட வீடியோ
சீனாவில் 28 மணி நேரத்தில் கட்டிமுடிக்கப்பட்ட 10 மாடி கட்டிடம் அதுகுறித்து விளக்கும் 4 நிமிட வீடியோ
5. அமெரிக்காவுக்கு தப்பி சென்ற சீன உளவுத்துறை துணை அமைச்சர் ; உகான் ஆய்வக தகவல்களை வெளியிட்டார்
சீனாவில் இருந்துதப்பிய சீன உளவுத்துறை துணை அமைச்சர். உகான் ஆய்வகம் பற்றி அனைத்து தகவல்களையும் அமெரிக்காவிடம் வழங்கி உள்ளதாக தகவல்கள் வெளியாகி உள்ளது.