உலக செய்திகள்

பெகாசஸ் உளவு விவகாரம்; இஸ்ரேலுக்கு அழுத்தம் தரும் பிரான்ஸ் + "||" + French President Macron calls Israel PM over alleged use of Pegasus spyware by Morocco

பெகாசஸ் உளவு விவகாரம்; இஸ்ரேலுக்கு அழுத்தம் தரும் பிரான்ஸ்

பெகாசஸ் உளவு விவகாரம்; இஸ்ரேலுக்கு அழுத்தம் தரும் பிரான்ஸ்
இஸ்ரேல் நிறுவனமான என்.எஸ்.ஓ. தயாரித்த 'பெகாசஸ் ஸ்பைவேர்' என்கிற மென்பொருள் மூலம் உலகம் முழுவதும் 50,000 செல்போன்கள் உளவு பார்க்கப்பட்டதாகவும், உலகின் 14 நாடுகளைச் சேர்ந்த தற்போதைய மற்றும் முன்னாள் தலைவர்கள் இதில் இலக்காக வைக்கப்பட்டதாகவும் கடந்த வாரம் செய்தி வெளியானது.
இந்த விவகாரம் உலக முழுவதும் கடும் அதிர்வலைகளை ஏற்படுத்தியிருக்கிறது.பெகாசஸ் மூலம் மொராக்கோ நாட்டின் பாதுகாப்பு படைகள் பிரான்ஸ் அதிபர் மேக்ரானை உளவு பார்த்ததாக செய்திகள் 
வெளியாகியுள்ளன. ஆனால் மொராக்கோ நாட்டு அரசு இதனை மறுத்துள்ளது. அதேபோல், என்.எஸ்.ஒ. நிறுவனமும் இதுகுறித்து வெளியான செய்திக்கு மறுப்பு தெரிவித்துள்ளது. இந்த நிலையில், இந்த விவகாரம் தொடர்பாக பிரான்ஸ் அதிபர் மேக்ரான் இஸ்ரேல் பிரதமர் நப்தலி பென்னட்டை தொலைபேசியில் தொடர்புகொண்டு பேசினார்.

இது குறித்து இஸ்ரேல் அரசு ஊடகம் வெளியிட்ட செய்தி குறிப்பில் ‘‘இந்த பிரச்சினை தீவிரமாக எடுத்து கொள்ளப்பட்டது என்பதை உறுதி செய்யும்படி மேக்ரான், பென்னட்டிடம் வலியுறுத்தினார். அதற்கு, இந்த குற்றச்சாட்டுகள் தான் பதவியேற்பதற்கு முன்பாக வந்தவை என கூறிய பென்னட் எனினும் தேவையான நடவடிக்கைகள் எடுக்கப்பட்டு, இந்த பிரச்சினைக்கு தீர்வு காணப்படும் என உறுதியளித்தார்’’ என்று கூறப்பட்டுள்ளது.

தொடர்புடைய செய்திகள்

1. பெகாசஸ் உளவு விவகாரம்: சிறப்பு விசாரணை குழு அமைக்க பத்திரிகை ஆசிரியர்கள் சங்கம் சுப்ரீம் கோர்ட்டில் மனு
பெகாசஸ் விவகாரத்தை சிறப்பு விசாரணை குழு அமைத்து விசாரிக்க பத்திரிகை ஆசிரியர்கள் சங்கம் சுப்ரீம் கோர்ட்டில் மனுத்தாக்கல் செய்துள்ளது.
2. பெகாசஸ் உளவு விவகாரம்: சுப்ரீம் கோர்ட்டில் வரும் 5-ந்தேதி விசாரணை
பெகாசஸ் உளவு விவகாரம் தொடர்பாக சுப்ரீம் கோர்ட்டில் தாக்கல் செய்யப்பட்ட மனு மீதான விசாரணை வரும் 5-ந்தேதி நடைபெற உள்ளது.
3. பெகாசஸ் உளவு விவகார மனுக்கள் மீது ஆகஸ்ட் முதல் வாரம் விசாரணை -சுப்ரீம் கோர்ட்
பெகாசஸ் உளவு விவகாரம் தொடர்பாக தாக்கல் செய்யப்பட்ட மனுக்களை ஆகஸ்ட் முதல்வாரத்தில் விசாரிக்க சுப்ரீம் கோர்ட் தலைமை நீதிபதி ஒப்புதல் அளித்துள்ளார்.
4. பெகாசஸ் உளவு விவகாரம்: மேற்கு வங்காளத்தில் ஓய்வு பெற்ற நீதிபதிகள் குழு அமைப்பு
பெகாசஸ் உளவு விவகாரம் தொடர்பாக விசாரணை நடத்த ஓய்வு பெற்ற நீதிபதிகள் கொண்ட ஒரு குழுவை மேற்கு வங்காள முதல்-மந்திரி மம்தா பானர்ஜி அமைத்துள்ளார்.
5. பெகாசஸ் செல்போன் உளவு விவகாரம்: விசாரணை நடத்த ஓய்வு பெற்ற நீதிபதிகள் தலைமையில் குழு- மம்தா பானர்ஜி
பெகாசஸ் செல்போன் உளவு விவகாரம் குறித்து விசாரணை நடத்த மேற்கு வங்காள முதல் மந்திரி மம்தா பானர்ஜி ஓய்வு பெற்ற நீதிபதிகள் தலைமையில் குழுவை அமைத்துள்ளார்.