<
விண்ணில் இருந்து பூமியை ரசிக்கும் பறக்கும் பலூன் சுற்றுலா
image courtesy: dailymail.co.uk
குறைந்த கட்டணத்தில் விண்ணில் இருந்து பூமியை ரசிக்கும் பறக்கும் பலூன் சுற்றுலா திட்டத்தை வேர்ல்டு வியூ நிறுவனம் தொடங்கி உள்ளது.
வாஷிங்டன்
அமெரிக்காவின் அரிசோனாவை தளமாகக் கொண்ட வேர்ல்டு வியூ (World View) என்னும் நிறுவனம், சுற்றுசூழலுக்கு உகந்த முறையில் பலூன் தொழில்நுட்பம் மூலம் வாடிக்கையாளர்களை விண்வெளி சுற்றுலாவுக்கு அழைத்து செல்ல திட்டமிட்டுள்ளது.
வெப்ப காற்றில் இயங்கும் பலூனை போல் இல்லாமல், ஹீலியம் வாயுவை பயன்படுத்தி பலூனை மெல்ல மெல்ல பல ஆயிரம் அடி உயரத்துக்கு பறக்கவிட திட்டமிடப்பட்டுள்ளது.
2024 ஆம் அண்டு முதல் தொடங்கும் சுற்றுலா சேவையில் முற்கட்டமாக சீன பெருஞ்சுவர், எகிப்து பிரமிட், அமேசான் காடுகள் உள்ளிட்ட இடங்களை விண்ணிலிருந்து பார்க்கும் வகையில் பயணங்கள் ஏற்பாடு செய்யவேர்ல்டு வியூ திட்டமிட்டுள்ளது.
இந்த பயணம் ஆறு முதல் எட்டு மணி நேரம் நீடிக்கும் மற்றும் பயணிகளை குறைந்தது 100,000 அடி (30,000 மீட்டர்) உயரத்திற்கு அழைத்துச் செல்லும்.
வெர்ஜின் கெலக்டிக் (Virgin Galactic) , புளு ஆரிஜின் (Blue Origin) போன்ற நிறுவனங்கள் விண்வெளி சுற்றுலா செல்ல 2 லட்சம் அமெரிக்க டாலர் வசூலிக்கும் நிலையில், பலூனில் சென்று பார்க்க வேர்ல்டு வியூ நிறுவனம் 50 ஆயிரம் டாலர் நிர்ணயத்துள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
