வாக்குறுதிகளை நிறைவேற்ற வேண்டும்: தலீபான்களுக்கு ஐ.நா. பொதுச்செயலாளர் வேண்டுகோள்!


கோப்புப்படம்
x
கோப்புப்படம்
தினத்தந்தி 12 Oct 2021 2:37 AM GMT (Updated: 12 Oct 2021 2:47 AM GMT)

பெண்கள் மற்றும் சிறுமிகளுக்கு அளித்த வாக்குறுதிகளை நிறைவேற்ற வேண்டும் என்று தலீபான்களுக்கு ஐ.நா.சபையின் பொதுச் செயலாளர் வேண்டுகோள் விடுத்துள்ளார்.

நியூயார்க்,

ஐ.நா.சபையின் பொதுச் செயலாளர் ஆண்டனியோ குட்டரெஸ் பெண்கள் மற்றும் சிறுமிகளின் உரிமைகளை கடைபிடிக்குமாறு  தலீபான்களுக்கு வேண்டுகோள் விடுத்துள்ளார். தலீபான்கள் அவர்கள் அளித்த வாக்குறுதியை கடைபிடிக்க வேண்டும் அவர் தெரிவித்துள்ளார்.

அவர் தெரிவித்துள்ள செய்தியில், தலீபான்கள் ஆட்சி பொறுப்பேற்ற பின்,  பெண்கள், குழந்தைகள், சிறுபான்மையினர், முன்னாள் அரசு அலுவலகர்கள் உள்ளிட்ட ஆப்கன் குடிமக்களிடம் அவர்களின் உரிமைகள் பாதுகாக்கப்படும் என்று வாக்குறுதி அளித்திருந்தனர். அந்த வாக்குறுதிகளை கடைபிடிக்குமாறு தலீபான்களிடம் கடுமையாக வேண்டுகோள் விடுக்கிறேன்.

அவர்கள் பெண்கள் மற்றும் சிறுமிகளுக்கு அளித்த வாக்குறுதிகளை நிறைவேற்ற வேண்டும். மேலும், சர்வதேச மனித உரிமைகள் மற்றும் மனிதாபிமான சட்டம் ஆகியவற்றின் கீழ் தங்கள் கடமைகளை நிறைவேற்ற வேண்டும் என்று ஆண்டனியோ குட்டரெஸ் தெரிவித்தார். 

Next Story