உலக செய்திகள்

செயல்பாடுகள் மூலமே தலீபான்கள் மதிப்பிடப்படுவார்கள்: அமெரிக்கா + "||" + Taliban will be judged on its actions, not only its words: US after Doha talks

செயல்பாடுகள் மூலமே தலீபான்கள் மதிப்பிடப்படுவார்கள்: அமெரிக்கா

செயல்பாடுகள் மூலமே தலீபான்கள் மதிப்பிடப்படுவார்கள்: அமெரிக்கா
வார்த்தைகளால் அல்ல, செயல்பாடுகள் மூலமே தலீபான்கள் மதிப்பிடப்படுவார்கள் என்று அமெரிக்கா திட்டவட்டமாக தெரிவித்துள்ளது.
வாஷிங்டன், 

ஆப்கானிஸ்தானில் ஆட்சி மாற்றம் ஏற்பட்ட பிறகு முதல் முறையாக தலீபான் பயங்கரவாத அமைப்பின் பிரதிநிதிகளும், அமெரிக்க அரசின் மூத்த அதிகாரிகளும் கடந்த 9-ந்தேதி கத்தார் தலைநகர் தோகாவில் சந்தித்து பேசினர். அதன் தொடர்ச்சியாக நேற்று முன்தினமும் இருதரப்புக்கும் இடையில் பேச்சுவார்த்தை நடந்தது.

இந்தநிலையில் தலீபான்களுடனான பேச்சுவார்த்தை நேர்மறையாக அமைந்ததாகவும் எனினும் தலீபான்களின் செயல்பாடுகள் மூலமே அவர்கள் மதிப்பிடப்படுவார்கள் என்றும் அமெரிக்கா தெரிவித்துள்ளது.

இதுகுறித்து அமெரிக்க வெளியுறவு அமைச்சகத்தின் செய்தி தொடர்பாளர் நெட் பிரைஸ் கூறுகையில் ‘‘தலீபான் பிரதிநிதிகள் மற்றும் அமெரிக்க அதிகாரிகள் இடையிலான பேச்சுவார்த்தை நேர்மறையாகவும், தொழில் ரீதியாகவும் அமைந்தது. ஆப்கானிஸ்தான் சமூகத்தின் பல்வேறு அம்சங்களில் பெண்களின் பங்கேற்பு உட்பட பாதுகாப்பு பிரச்சினைகள் மற்றும் மனித உரிமைகள் உள்ளிட்டவற்றில் இந்த பேச்சுவார்த்தை கவனம் செலுத்தியது’’ என கூறினார். ஆப்கானிஸ்தான் மக்களுக்கு நேரடியாக அமெரிக்காவின் மனிதாபிமான உதவிகளை வழங்குவது பற்றியும் இரு தரப்பினரும் விவாதித்ததாக நெட் பிரைஸ் கூறினார்.

மேலும் அவர் ‘‘பேச்சுவார்த்தை சுமுகமாக அமைந்தாலும், தலீபான்களின் செயல்பாடுகள் மூலமாகவே அவர்கள் மதிப்பிடப்படுவார்கள், அவர்களின் வார்த்தைகளால் அல்ல என்பதை அமெரிக்கா மீண்டும் வலியுறுத்துகிறது’’ என தெரிவித்தார்.

தொடர்புடைய செய்திகள்

1. வாக்குறுதிகளை நிறைவேற்ற வேண்டும்: தலீபான்களுக்கு ஐ.நா. பொதுச்செயலாளர் வேண்டுகோள்!
பெண்கள் மற்றும் சிறுமிகளுக்கு அளித்த வாக்குறுதிகளை நிறைவேற்ற வேண்டும் என்று தலீபான்களுக்கு ஐ.நா.சபையின் பொதுச் செயலாளர் வேண்டுகோள் விடுத்துள்ளார்.
2. விண்ணில் இருந்து பூமியை ரசிக்கும் பறக்கும் பலூன் சுற்றுலா
குறைந்த கட்டணத்தில் விண்ணில் இருந்து பூமியை ரசிக்கும் பறக்கும் பலூன் சுற்றுலா திட்டத்தை வேர்ல்டு வியூ நிறுவனம் தொடங்கி உள்ளது.
3. ஆப்கானிஸ்தானில் தலீபான்களுக்கு ஆதரவாக பிரம்மாண்ட பொதுக்கூட்டம்
ஆப்கானிஸ்தானில் தலீபான்கள் ஆட்சியை கைப்பற்றியபிறகு அங்கு இதுபோன்ற ஒரு கூட்டம் நடப்பது இதுவே முதல் முறையாகும்.
4. ஆப்கானிஸ்தானில் முகச் சவரம் செய்ய தடை மீறினால் தண்டனை - தலீபான்கள் அறிவிப்பு
முகச் சவரம் செய்வது இஸ்லாமிய சட்டங்களை மீறுவதாக அமைந்துள்ளது. இந்தத் தடையை மீறுபவர்களுக்கு தண்டனை வழங்கப்படும் என தலீபான்கள் தெரிவித்து உள்ளனர்.
5. அமெரிக்காவின் எதிர்ப்பை மீறி ரஷ்யாவிடம் ஏவுகணை வாங்க முடிவு - துருக்கி அதிபர் தகவல்
ரஷியாவிடம் இருந்து எஸ்400 ஏவுகணை அமைப்பை வாங்க முடிவு செய்திருப்பதாக துருக்கி அதிபர் தாயீப் எர்டோகன் அறிவித்துள்ளார்.