உலக செய்திகள்

தைவான் விவகாரத்தில் எந்த சமரசமும் கிடையாது - சீனா + "||" + China vows no concessions on Taiwan after Biden comments

தைவான் விவகாரத்தில் எந்த சமரசமும் கிடையாது - சீனா

தைவான் விவகாரத்தில் எந்த சமரசமும் கிடையாது - சீனா
தைவான் தங்கள் நாட்டின் பிரிக்கமுடியாத பகுதி என்று சீனா தெரிவித்துள்ளது.
பிஜீங்,

சீனாவில் கடந்த 1949-ல் நடந்த உள்நாட்டு போருக்கு பிறகு தைவான் தனி நாடாக உருவானது. ஆனாலும் தைவான் தங்கள் நாட்டின்ஒருங்கிணைந்த பகுதி என அதிபர் ஜின்பிங் தலைமையிலான சீன அரசு கூறி வருகிறது. அதுமட்டும் இன்றி தேவை ஏற்பட்டால் தைவானை கைப்பற்ற, படை பலத்தை பயன்படுத்த தயங்கமாட்டோம் எனவும் சீனா கூறி வருகிறது. 

இந்த சூழலில் அண்மை காலமாக தைவான் மற்றும் சீனா இடையே ராணுவ பதற்றம் தொடர்ந்து அதிகரித்து வருகிறது. சீனா தங்கள் மீது எப்போது வேண்டுமானாலும் படையெடுக்கும் என தைவான் அச்சத்தில் உள்ளது.

இதற்கிடையில், சீனா தைவானை தாக்கினால் நாங்கள் நிச்சயம் பாதுகாப்பு அளிப்போம் என அமெரிக்க ஜனாதிபதி ஜோ பைடன் நேற்று தெரிவித்தார்.

இந்நிலையில், அமெரிக்க அதிபர் ஜோ பைடனின் கருத்துக்கு சீனா பதிலடி கொடுத்துள்ளது. 

இது தொடர்பாக சீன வெளியுறவுத்துறை அமைச்சகத்தின் செய்தித்தொடர்பாளர் நேற்று வாங் வென்பின் செய்தியாளர்களிடம் கூறுகையில், சீனாவின் இறையான்மை, பிராந்திய ஒருமைப்பாடு மற்றும் பிற முக்கிய நலன்கள் குறித்த பிரச்சினைகள் வரும்போது சீனா சமரசம் செய்யவோ? அல்லது விட்டுக்கொடுக்கவோ? இடமில்லை. 

தேசிய இறையாண்மை மற்றும் பிராந்திய ஒருமைப்பாட்டைப் பாதுகாக்க சீன மக்களின் வலுவான உறுதிப்பாடு, உறுதியான விருப்பம் மற்றும் வலிமையான திறனை யாரும் குறைத்து மதிப்பிட வேண்டாம். 

தைவான் சீனாவின் பிரிக்கமுடியாத பகுதியாகும். தைவான் சீனாவின் உள்நாட்டு விவகாரம். இதில் வெளிநாடுகள் தலையிட அவசியமில்லை’ என்றார்.

தொடர்புடைய செய்திகள்

1. இந்தியாவின் பாதுகாப்புக்கு அச்சுறுத்தல் சீனா கடும் ஆட்சேபம்
இந்தியாவின் பாதுகாப்புக்கு சீனா மிகப்பெரிய அச்சுறுத்தலாக விளங்குகிறது என்று பாதுகாப்புப் படைகளின் தலைமைத் தளபதி ஜெனரல் பிபின் ராவத் கூறியதற்கு சீனா கடும் ஆட்சேபம் தெரிவித்துள்ளது.
2. போர்க்கப்பல் தயாரிப்பில் இந்தியா முன்னணியில் உள்ளது; மத்திய அமைச்சர் ராஜ்நாத்சிங்
சில பொறுப்பற்ற நாடுகள், கடல்சார் தொடர்புடைய சர்வதேச ஒப்பந்தத்தை மீறுவதாக சீனாவை ராஜ்நாத்சிங் மறைமுகமாக சாடினார்.
3. காணாமல் போன டென்னிஸ் வீராங்கனை... சீனாவுக்கு சர்வதேச ஒலிம்பிக் சங்கம் எச்சரிக்கை!
சீன டென்னிஸ் வீராங்கனை காணாமல் போன சம்பவம் சர்வதேச அளவில் பெரும் சலசலப்பை ஏற்படுத்தி உள்ளது.
4. “சீனாவுடன் ஆரோக்கியமான போட்டியை மட்டுமே அமெரிக்கா எதிர்பார்க்கிறது” - ஜோ பைடன்
சீனாவுடன் ஆரோக்கியமான போட்டியை மட்டுமே அமெரிக்கா எதிர்பார்க்கிறது என ஜின்பிங்கிடம் ஜோ பைடன் தெரிவித்துள்ளார்.
5. சீனா அனுப்பிய செயற்கைக்கோள்; சுற்றுவட்டப்பாதையில் வெற்றிகரமாக நிலைநிறுத்தம்
சீனா அனுப்பிய செயற்கைக்கோள் அதன் சுற்றுவட்டப்பாதையில் வெற்றிகரமாக நிலைநிறுத்தப்பட்டதாக தெரிவிக்கப்பட்டுள்ளது.