உலக செய்திகள்

பாகிஸ்தான் சிறையிலிருந்த 20 இந்திய மீனவர்கள் விடுதலை + "||" + Pakistan Jail Releases 20 Indian Fishermen; Taken to Wagah Border for Handover Tomorrow

பாகிஸ்தான் சிறையிலிருந்த 20 இந்திய மீனவர்கள் விடுதலை

பாகிஸ்தான்  சிறையிலிருந்த 20 இந்திய மீனவர்கள் விடுதலை
20 இந்திய மீனவர்கள் பாகிஸ்தான் சிறையிலிருந்து விடுதலை செய்யப்பட்டு நாளை அதிகாரிகளிடம் ஒப்படைக்கப்பட உள்ளனர்.

லாகூர்,

பாகிஸ்தான் கடல் எல்லைக்குள் அத்துமீறி மீன்பிடித்த குற்றச்சாட்டில்  20 இந்திய மீனவர்கள் 4 ஆண்டு சிறை தண்டனை பெற்றனர். தற்போது அவர்கள் சிறையில் இருந்து விடுவிக்கப்பட்டு நாளை வாகா எல்லையில் இந்திய அதிகாரிகளிடம் ஒப்படைக்கப்படுவார்கள் என்று மூத்த சிறை அதிகாரி ஒருவர் தெரிவித்தார். 

சிறை கண்காணிப்பாளர் இர்ஷாத் ஷா கூறுகையில், தண்டனை பெற்றவர்கள் பெரும்பாலும் குஜராத்தைச் சேர்ந்த மீனவர்கள்.  நான்கு வருடங்கள் சிறையில் இருந்த அவர்கள், தற்போது அரசாங்கத்தின் நல்லெண்ணச் செயலாக விடுவிக்கப்பட்டுள்ளனர், என்று இர்ஷாத் ஷா கூறினார். எதி டிரஸ்ட் அறக்கட்டளை என்ற  இலாப நோக்கற்ற சமூக நல அமைப்பானது, மீனவர்களை லாகூரில் உள்ள வாகா எல்லைக்கு கொண்டு செல்வதற்கான ஏற்பாடுகளை மேற்கொண்டது. அங்கிருந்து அவர்கள் நாளை இந்திய அதிகாரிகளிடம் ஒப்படைக்கப்படுவார்கள்.

பாகிஸ்தான் அரசாங்கம் கடந்த ஆண்டு தொடக்கத்தில் 20 இந்திய மீனவர்களையும், 2019 ஏப்ரலில் 100 இந்திய மீனவர்களையும்  நல்லெண்ணச் செயலாக விடுவித்து இருந்தது. பாகிஸ்தான் மற்றும் இந்தியாவைச் சேர்ந்த மீனவர்கள் பொதுவாக எல்லை தாண்டி மீன்பிடிப்பதற்காக கைது செய்யப்பட்டடு சிறைகளில் அடைக்கப்படுவது வழக்கமாக நடைபெற்று வருகிறது.

அரபிக்கடலில் பகுதியில் இரு நாடுகளுக்கு இடையே தெளிவான எல்லைக் கோடு இல்லாததால், இருநாட்டு மீனவர்களும் எல்லை தாண்டிவிடுவது தொடர்கதையாக இருப்பது குறிப்பிடத்தக்கது.

தொடர்புடைய செய்திகள்

1. சார்க் மாநாடு விவகாரம்: இந்தியா மீது பாகிஸ்தான் குற்றச்சாட்டு
இந்தியா பாகிஸ்தான் நாடுகளுக்கு இடையேயான உறவு விரிசலால் சார்க் மாநாடு நடத்தப்படவில்லை.
2. எல்லை கட்டுப்பாட்டு பகுதியில் பாகிஸ்தான் ராணுவ வீரர் சுட்டுக்கொலை
எல்லை கட்டுப்பாட்டு பகுதியில் கொல்லப்பட்ட பாகிஸ்தான் ராணுவ வீரரின் உடலை எடுத்துச்செல்லுமாறு அந்நாட்டை வலியுறுத்தியுள்ளோம் என இந்திய ராணுவம் தெரிவித்துள்ளது.
3. இந்தியா, பாகிஸ்தான் இடையே அணுசக்தி நிறுவனங்களின் பட்டியல் பரிமாற்றம்
இந்தியா, பாகிஸ்தான் இடையே 1988-ம் ஆண்டு, டிசம்பர் 31-ந் தேதி ஒரு ஒப்பந்தம் கையெழுத்தானது.
4. 19 வயதுக்குட்பட்டோருக்கான கிரிக்கெட்: இந்தியாவை வென்றது பாகிஸ்தான்
19 வயதுக்கு உட்பட்டோருக்கான கிரிக்கெட் போட்டியின் விறுவிறுப்பான ஆட்டத்தில் பாகிஸ்தான் அணி இந்தியாவை வென்றது.
5. ஆசிய சாம்பியன்ஸ் கோப்பை ஆக்கி: இந்திய அணி பாகிஸ்தானை வீழ்த்தி 2-வது வெற்றி
இந்திய அணி 3-1 என்ற கோல் கணக்கில் பாகிஸ்தானை வீழ்த்தி 2-வது வெற்றியை தனதாக்கியது.