லைவ் அப்டேட்ஸ்; உக்ரைனுக்கு மேலும் 820 மில்லியன் மதிப்பிலான ராணுவ உதவி - அமெரிக்கா அறிவிப்பு


லைவ் அப்டேட்ஸ்; உக்ரைனுக்கு மேலும் 820 மில்லியன் மதிப்பிலான ராணுவ உதவி - அமெரிக்கா அறிவிப்பு
x
தினத்தந்தி 1 July 2022 10:31 PM GMT (Updated: 2 July 2022 8:30 AM GMT)

உக்ரைன் ரஷியா இடையேயான போர் இன்று 129-வது நாளை எட்டியுள்ளது.


Live Updates

  • 2 July 2022 8:30 AM GMT


    உக்ரைனுக்கு எதிரான ரஷியா போர்

    டொனெட்ஸ்க் ஒப்லாஸ்ட் மாகாணத்தின் ஸ்லோவியன்ஸ் நகரில் ஒரே நாளில் 4 பொதுமக்கள் கொல்லப்பட்டனர் என்றும், 12 பேர் காயமடைந்துள்ளதாகவும் அம்மாநில கவர்னர் பாவ்லோ கிரிலென்கோ தகவல் தெரிவித்துள்ளார்.

  • 2 July 2022 7:58 AM GMT


    சர்வதேச விளையாட்டு அமைப்புகளில் இருந்து ரஷியா, பெலாரசின் உறுப்பினர் பதவியை ரத்து செய்ய 35 நாடுகள் கோரிக்கை விடுத்துள்ளன.

    மேலும் அமெரிக்கா, கனடா மற்றும் ஜப்பான் உள்பட 25 ஐரோப்பிய ஒன்றிய நாடுகள் மற்றும் 10 ஐரோப்பிய நாடுகள் அல்லாத நாடுகள் அதில் கையெழுத்திட்டுள்ளதாக தகவல் வெளியாகி உள்ளது. 

  • 2 July 2022 7:01 AM GMT


    கிராமடோர்ஸ்க்கை நோக்கி ரஷியா தொடர்ந்து குண்டு வீச்சு தாக்குதல் 

    ஸ்லோவியன்ஸ்க் அருகே தற்காப்பில் ஈடுபட்டிருக்கும் ரஷிய படைகள், கிராமடோர்ஸ்க்கை நோக்கி தொடர்ந்து குண்டு வீச்சில் ஈடுபட்டுள்ளதாக பொது பணியாளர் ஒருவர் தெரிவித்துள்ளார்.

    மேலும் கார்கிவ் அருகே உக்ரேனிய படைகளின் முன்னேற்றங்களைத் தடுக்க ரஷியப் படைகள் முயற்சிப்பதாகவும் தெரிவிக்கப்பட்டுள்ளது. இதனிடையே பெலாரஸ் அணி திரட்டல் பயிற்சியை ஜூன் 9ஆம் தேதி வரை நீட்டித்துள்ளதாகவும் கூறப்படுகிறது.

  • 2 July 2022 5:58 AM GMT


    கெர்சன் பிராந்தியத்தை கட்டுப்படுத்த ரஷியாவிடம் போதுமான படைகள் இல்லை - அமெரிக்கா தகவல்

    இதுதொடர்பாக அமெரிக்க தேசிய புலனாய்வு இயக்குனர் அவ்ரில் ஹைன்ஸ் கூறுகையில், “தெற்கு உக்ரைனில் பாகுபாடான நடவடிக்கையை ரஷியா எதிர்கொள்கிறது. கெர்சன் பிராந்தியத்தை கட்டுப்படுத்தும் முயற்சி ரஷியாவுக்கு கடும் சவாலாக உள்ளது” என்று அவர் தெரிவித்துள்ளார். 

  • 2 July 2022 4:48 AM GMT


    ஜபோரிஜியா அணுமின் நிலையத்தை ரஷிய எரிசக்தி அமைப்பில் நேரடியாக இணைக்க முயற்சி: போர் ஆய்வு நிறுவனம் தகவல்

    அணுமின் நிலையம் உக்ரைனுக்கு மின்சாரத்தை விற்கும் என்று முந்தைய ரஷியாவின் கூற்றுக்களுக்கு மாறாக, ஜபோரிஜியா அணுமின் நிலையத்தை ரஷிய எரிசக்தி அமைப்பில் நேரடியாக இணைக்க முயற்சிகள் நடப்பதாக போர் ஆய்வுக்கான நிறுவனம் ( ISW) தெரிவித்துள்ளது.

  • 2 July 2022 4:12 AM GMT

    பாம்பு தீவில் இருந்து ரஷியா பின்வாங்குவதற்கான காரணம்: உக்ரேன் மீதான தாக்குதல் பாதிப்பை பென்டகன் உறுதிப்படுத்துகிறது.

    பாம்பு தீவில் இருந்து ரஷியா வெளியேறியது “நன்மைக்கான தொடக்கம்” என்று கூறுவதில் எந்த நம்பகத்தன்மையும் இல்லை என்று அமெரிக்க பாதுகாப்புத் துறை நேற்று தெரிவித்துள்ளது. 

  • 2 July 2022 2:25 AM GMT


    உக்ரைனுக்கு 2022, 2023 ஆம் ஆண்டிற்காக 1 பில்லியன் யூரோக்களை நார்வே வழங்க உள்ளது.

    நேற்றைய தனது கீவ் நகரத்திற்கான பயணத்தின் போது நார்வே பிரதமர் ஜோனாஸ் கர் ஸ்டோர் இதனை அறிவித்தார்.

  • 2 July 2022 1:25 AM GMT


    உக்ரைனுக்கு 1 பில்லியன் யூரோக்களை வழங்கிய ஜெர்மனி

    கடந்த ஜூன் 25ஆம் தேதியன்று ஜெர்மனியால் வாக்குறுதியளிக்கப்பட்ட 1 பில்லியன் யூரோ மானியத்தைப் பெற்றதாக உக்ரைனின் நிதி அமைச்சகம் நேற்று அறிவித்தது.

    இந்த நிதியானது சமூக மற்றும் மனிதாபிமான செலவினங்களுக்கு நிதியளிக்க இராணுவச் சட்டத்தின் படி முன்னுரிமை அளிக்கப்படும் என்று தெரிவிக்கப்பட்டுள்ளது.

  • 1 July 2022 10:32 PM GMT

    உக்ரைன் மீது ரஷியா 129-வது நாளாக போர் தொடுத்து வருகிறது. இந்த போரில் பொதுமக்கள் உள்பட ஆயிரக்கணக்கானோர் உயிரிழந்துள்ளனர்.

    இதற்கிடையில், இந்த போரில் உக்ரைனுக்கு அமெரிக்கா மற்றும் ஐரோப்பிய நாடுகள் ஆதரவு தெரிவித்து வருகின்றன. உக்ரைனுக்கு ஆயுத உதவிகளை வழங்கி வருவதால் போர் தொடர்ந்து நீடித்து வருகிறது.

    இந்நிலையில், உக்ரைனுக்கு மேலும் 820 மில்லியன் அமெரிக்க டாலர்கள் மதிப்பிலான ராணுவ உதவிகள் வழங்க உள்ளதாக அமெரிக்கா அறிவித்துள்ளது.

    இதன் மூலம் ரஷியா போர் தொடுத்தது முதல் உக்ரைனுக்கு அமெரிக்கா வழங்கிய ராணுவ உதவிகள், நிவாரண உதவிகளின் மொத்த மதிப்பு 6.9 பில்லியன் அமெரிக்க டாலர்களாக அதிகரித்துள்ளது.


Next Story