ஜோதிடத்தில் மருத்துவம் : நட்சத்திரம் தரக்கூடிய நோய்கள்

வான்வெளியில் நிலைகொண்டிருக்கும் நட்சத்திரங்கள் பற்றியும், அவற்றில் ஜோதிடத்தை கணிக்கப் பயன்படும் 27 நட்சத்திரங்கள் குறித்தும், அந்த நட்சத்திரங்கள் தரும் நோய்கள் பற்றியும் பார்த்து வருகிறோம். 

இந்த நட்சத்திரமானது, ஆறு நட்சத்திரங் களின் கூட்டு அமைப்பாகும். புதன் கிரகத்தை அதிபதியாகக் கொண்ட இந்த நட்சத்திரம், வானத்தில் பாம்பு போல் தோற்றம் அளிக்கும். ராட்சச குணம் கொண்ட இந்த நட்சத்திரம், வலது பக்கம் இருக்கும். கீழ்நோக்கும் பார்வைத் தன்மை கொண்டது. இந்த நட்சத்திரத்தில் பிறந்தவர்களுக்கு, தோல் அரிப்பு, தசைப்பிடிப்பு, காய்ச்சல், காது கோளாறு, மூச்சுப் பிரச்சினை, தலைவலி, நெஞ்சுவலி போன்றவை உண்டாகக்கூடும்.

கேதுவை அதிபதியாகக் கொண்ட இந்த நட்சத்திரம், ஐந்து நட்சத்திரங்களின் கூட்டு அமைப்பாகும். வான்வெளியில் ஊஞ்சல் போல் தோற்றம் அளிக்கும். ராட்சச குணம் கொண்ட இந்த நட்சத்திரங்கள், இடது பக்கம் இருந்தாலும், கீழ் நோக்கும் பார்வை கொண்டவை. இந்த நட்சத்திரத்தில் பிறந்தவர்களுக்கு, வயிற்றுக்கோளாறு, தலைவலி, கண் பார்வைக் கோளாறு, உடல் வலி, கால், மூட்டு பிரச்சினை, செரிமான பிரச்சினை, ஒவ்வாமை நோய்கள் வந்து போகும்.

இது இரண்டு எண்ணிக்கை கொண்ட நட்சத்திரமாகும். சுக்ரனை அதிபதியாகக் கொண்ட இந்த நட்சத்திரம், மனித குணம் கொண்டவை. வானத்தில் கட்டில் போன்ற வடிவ அமைப்பில் இவை தென்படும். இடது பக்கமாக இருக்கும் இந்த நட்சத்திரமும், கீழ் நோக்கும் பார்வை கொண்டதுதான். இந்த நட்சத்திரத்தில் பிறந்தவர்களுக்கு, இதயக் கோளாறு, ஜலதோ‌ஷம், குடல்புண், மூலநோய், தலைவலி, உடல் கட்டிகள், தோல் வியாதி  போன்றவை வரக்கூடும்.

சூரியனை அதிபதியாகக் கொண்ட இந்த நட்சத்திரமும், இரண்டு மட்டுமே இருக்கக் கூடிய நட்சத்திரமாகும். வானத்தில் கட்டில் கால்கள் போல் வடிவமைப்புடன் காணப்படும். மனித குணம் கொண்டவை. இடது பக்கம் உள்ளவை. மேல்நோக்கும் பார்வை கொண்ட இந்த நட்சத்திரத்தில் பிறந்தவர்களுக்கு, பாதவெடிப்பு, சிறுநீர் பிரச்சினை, மூல நோய், வாயு தொல்லை, வாய் மற்றும் பற்கள் பிரச்சினை, ரத்த குறைபாடு, புதிய நோய்கள், உடல் பருமன் போன்றவை தாக்கக்கூடும்.

இந்த நட்சத்திரத்தின் அதிபதி சந்திரன் ஆவார். ஐந்து நட்சத்திரங்களின் கூட்டமாக காணப்படும் இந்த நட்சத்திரங்கள் தேவ குணம் கொண்டவை. வானத்தில் இவை உள்ளங்கை போன்று தோற்றம் அளிக்கும். வலது பக்கமாக இருக்கும். சம நோக்கும் பார்வை தன்மை கொண்டவை. இந்த நட்சத்திரத்தில் பிறந்தவர்களுக்கு பற்சிதைவு, காது கோளாறு, தோல் வியாதி, வாயு தொல்லை, சளி தொல்லை, சுவாசக் கோளாறு, குடல் புண்  போன்ற வியாதிகள் வரலாம்.

வான்வெளியில் முத்து போல் தோற்றம் அளிக்கும் இந்த நட்சத்திரம், வான் வெளியில் ஒரே நட்சத்திரமாக இருக்கக்கூடியது. செவ்வாய் இதன் அதிபதியாக உள்ளது. வலது பக்கமாக இருக்கும். சம நோக்கும் பார்வைத் தன்மை கொண்டவை. இது ராட்சச குணம் கொண்டதாகும். இந்த நட்சத்திரத்தில் பிறந்த வர்களுக்கு உடல் தசைப்பிடிப்பு, அஜீரணக் கோளாறு, வயிற்று வலி, கழுத்து வலி, வாயு தொல்லை, கண் கோளாறு, நரம்புத் தளர்வு போன்ற நோய்கள் உருவாகக்கூடும்.

ராகுவை அதிபதியாக கொண்டது சுவாதி நட்சத்திரம் என்றாலும், இது தேவ குணம் கொண்டது. ஒரே நட்சத்திரம் கொண்டது. வான்வெளியில் மாணிக்கம் போன்ற வடிவத்தில் காட்சி தரும். வலது பக்கம் இருக்கும். சமநோக்கும் பார்வை கொண்டது. இந்த நட்சத்திரத்தில் பிறந்தவர்களுக்கு குடல்புண், நெஞ்சில் சளி தொல்லை, மூல நோய், வாயு தொல்லை, ஒற்றை தலைவலி, கண் பார்வைக் கோளாறு, மூட்டு வலி போன்றவை தோன்றக்கூடும்.