ஆன்மிகம்

சென்னையில் தமிழ் புத்தாண்டை முன்னிட்டு கோவில்களில் திரளான மக்கள் சாமி தரிசனம் + "||" + in Chennai On the eve of Tamil New Year Sami darshan of crowds in temples

சென்னையில் தமிழ் புத்தாண்டை முன்னிட்டு கோவில்களில் திரளான மக்கள் சாமி தரிசனம்

சென்னையில் தமிழ் புத்தாண்டை முன்னிட்டு கோவில்களில் திரளான மக்கள் சாமி தரிசனம்
தமிழ் புத்தாண்டையொட்டி கோவில்களில் சிறப்பு வழிபாடு நடந்தது. பக்தர்கள் வரிசையில் நின்று தரிசனம் மேற்கொண்டனர்.
சென்னை, 

சித்திரை முதல் நாளான தமிழ் புத்தாண்டு உலகம் முழுவதும் வாழும் தமிழ் நெஞ்சங்களால் நேற்று உற்சாகமாக கொண்டாடப்பட்டது. வாட்ஸ் அப் உள்ளிட்ட சமூக வலைத்தளங்கள் மூலம் தமிழ் புத்தாண்டு வாழ்த்து மழை பெய்த வண்ணமாக இருந்தது. இத்துடன் தமிழ் புத்தாண்டை வரவேற்கும் விதமாக வான்மகளின் சாரல் மழையும் பெய்து, சென்னையில் அனைவரின் மனங்களையும் குளிர்வித்தது.

தமிழ் புத்தாண்டையொட்டி தமிழ் கடவுளான முருகப்பெருமான் கோவில்களில் சிறப்பு அபிஷேகம் நடந்தது. சென்னையில் உள்ள வட பழனி முருகன் கோவிலில் நேற்று காலை முதலே பக்தர்கள் வரிசையில் நின்று சமூக இடைவெளியை கடைபிடித்து முருகப்பெருமானை வழிபட்டனர். இதேபோல் சென்னை மயிலாப்பூர் கபாலீஸ்வரர் கோவில், திருவல்லிக்கேணி பார்த்தசாரதி கோவில் உள்பட பல்வேறு கோவில்களில் சிறப்பு அபிஷேகம், தீபாராதனை நடந்தது.

இந்த நாளில் கனி காண்பது சிறப்புக்குரியது என்பதால் சென்னை ராஜா அண்ணாமலை அய்யப்பன் கோவிலில் விஷூக்கனி தரிசனம் நடைபெற்றது. இந்த நிகழ்வில், பக்தர்கள் சமூக இடைவெளியை பயன்படுத்தி தரிசனம் மேற்கொண்டனர். பல கோவில்களில் பக்தர்களுக்கு வெப்ப பரிசோதனை செய்து, கிருமி நாசினி கைகளில் தெளிக்கப்பட்டது.

வீடுகளிலும் பொதுமக்கள் வாசலில் அழகிய கோலமிட்டும், அறுசுவையில் உணவு தயார் செய்து அதை இறைவனுக்கு படைத்து வழிபட்ட காட்சிகளை பார்க்க முடிந்தது.

தொடர்புடைய செய்திகள்

1. முழு ஊரடங்கையொட்டி சென்னையில் 200 மின்சார ரெயில் சேவை குறைப்பு
முழு ஊரடங்கையொட்டி சென்னையில் மின்சார ரெயில் சேவையை குறைக்க வாய்ப்பு உள்ளதாக அதிகாரிகள் தெரிவித்துள்ளனர்.
2. முழு ஊரடங்கு காரணமாக சென்னையில் மெட்ரோ ரெயில் சேவை ரத்து
சென்னையில் மெட்ரோ ரெயில் சேவையும் தற்காலிகமாக ரத்து செய்யப்படுவதாக சென்னை மெட்ரோ ரெயில் நிறுவனம் அறிவித்துள்ளது.
3. பயணிகள் வரத்து குறைந்ததால் சென்னையில் 100 விமான சேவை மட்டுமே இயக்கம்
பயணிகள் வரத்து குறைந்ததால் சென்னையில் 100 உள்நாட்டு விமான சேவை மட்டுமே இயக்கப்படுகின்றன.
4. சென்னையில் கொரோனா பாதிப்பால் போலீஸ் ஏட்டு பலி உருவப்படத்துக்கு கமிஷனர் அஞ்சலி
கீழ்ப்பாக்கத்தில் உள்ள தனியார் ஆஸ்பத்திரியில் சிகிச்சைக்கு சேர்ந்தார். பின்னர் அவருக்கு நடந்த பரிசோதனையில் கொரோனா தொற்று இருப்பது உறுதியானது.
5. சென்னையில் கொரோனா தடுப்பு விதிகளை மீறியவர்களிடம் ரூ.4.12 கோடி அபராதம் வசூல்
சென்னையில் கொரோனா தடுப்பு விதிகளை மீறியவர்களிடம் ரூ.4.12 கோடி அபராதம் வசூல் மாநகராட்சி தகவல்.