கிரிக்கெட்

20 ஓவர் கிரிக்கெட்டில் 20–வது சதம் அடித்து கெய்ல் சாதனை + "||" + Gayle's record of 20th century in 20 over cricket

20 ஓவர் கிரிக்கெட்டில் 20–வது சதம் அடித்து கெய்ல் சாதனை

20 ஓவர் கிரிக்கெட்டில் 20–வது சதம் அடித்து கெய்ல் சாதனை
வங்காளதேச பிரிமியர் லீக் 20 ஓவர் கிரிக்கெட் போட்டி டாக்காவில் நடந்தது. இதில் நேற்று நடந்த இறுதிப்போட்டியில் ரங்பூர் ரைடர்ஸ் அணி 57 ரன்கள் வித்தியாசத்தில் டாக்கா டைனமிட்ஸ் அணியை வீழ்த்தி சாம்பியன் பட்டத்தை கைப்பற்றியது

டாக்கா,

வங்காளதேச பிரிமியர் லீக் 20 ஓவர் கிரிக்கெட் போட்டி டாக்காவில் நடந்தது. இதில் நேற்று நடந்த இறுதிப்போட்டியில் ரங்பூர் ரைடர்ஸ் அணி 57 ரன்கள் வித்தியாசத்தில் டாக்கா டைனமிட்ஸ் அணியை வீழ்த்தி சாம்பியன் பட்டத்தை கைப்பற்றியது. இந்த போட்டியில் ரங்பூர் ரைடர்ஸ் அணியில் இடம் பிடித்து ஆடிய வெஸ்ட்இண்டீஸ் அணியின் அதிரடி ஆட்டக்காரர் கிறிஸ் கெய்ல் 69 பந்துகளில் 5 பவுண்டரி, 18 சிக்சருடன் 146 ரன்கள் எடுத்து ஆட்டம் இழக்காமல் இருந்தார். வங்காளதேச பிரிமியர் லீக் போட்டியில் கெய்ல் அடித்த 5–வது சதம் இதுவாகும். ஒட்டுமொத்த 20 ஓவர் போட்டியில் கெய்ல் விளாசிய 20–வது சதம் இதுவாகும். இதன் மூலம் 20 ஓவர் போட்டியில் 20 சதம் அடித்த முதல் வீரர் என்ற சிறப்பை கெய்ல் பெற்றார். அத்துடன் அவர் ஒரு ஆட்டத்தில் அதிக சிக்சர் (18) அடித்த வீரர் என்ற சாதனையும் படைத்துள்ளார். இதற்கு முன்பு 2013–ம் ஆண்டில் பெங்களூரு ராயல் சேலஞ்சர்ஸ் அணிக்காக ஆடுகையில் புனே அணிக்கு எதிரான ஆட்டத்தில் கெய்ல் 17 சிக்சர்கள் விளாசியதே சாதனையாக இருந்தது. தனது சொந்த சாதனையை தகர்த்து புதிய சாதனை படைத்தார்.

குறுகிய வடிவிலான கிரிக்கெட்டில் அரிய சாதனைகள் படைக்கும் உங்களை 20 ஓவர் கிரிக்கெட்டின் டான் பிராட்மேன் என்று அழைக்கலாமா? என்று கெய்லிடம் கேட்டதற்கு, ‘20 ஓவர் கிரிக்கெட் போட்டியில் எல்லா நேரங்களிலும் நானே சிறந்த பேட்ஸ்மேன்’ என்று பதிலளித்தார்.


தொடர்புடைய செய்திகள்

1. இந்திய அணிக்கு 289 ரன்களை வெற்றி இலக்காக நிர்ணயித்தது ஆஸ்திரேலியா
சிட்னியில் நடைபெற்று வரும் முதல் ஒருநாள் கிரிக்கெட் போட்டியில் ஆஸ்திரேலிய அணி 288 ரன்களை சேர்த்துள்ளது.
2. ஆஸ்திரேலியாவுக்கு எதிரான முதல் ஒருநாள் கிரிக்கெட் போட்டி: இந்திய அணி முதலில் பந்து வீச்சு
ஆஸ்திரேலியாவுக்கு எதிரான முதல் ஒருநாள் கிரிக்கெட் போட்டியில் இந்திய அணி முதலில் பந்து வீசி வருகிறது.
3. வீழ்வோம் என்று நினைத்தாயோ...!
சென்னையில் பெய்ய வேண்டிய மழை சிட்னியில் பெய்து தொலைத்து விட்டது. இந்தியா ஆஸ்திரேலியாவின் மென்னியைப் பிடிக்க முயன்று கொண்டிருக்கையில் மழை ஆட்டத்தின் மென்னியையே பிடித்து விட்டது.
4. ஆஸ்திரேலிய டெஸ்ட் தொடரில் ஆயிரத்திற்கும் அதிகமான பந்துகளை சந்தித்து புஜாரா சாதனை
இந்திய வீரர் 30 வயதான புஜாரா சிட்னி டெஸ்டில் 130 ரன்கள் (250 பந்து) குவித்து அமர்க்களப்படுத்தியுள்ளார்.
5. கிளப் உலக கோப்பை கால்பந்து: 4–வது முறையாக கோப்பையை வென்று ரியல்மாட்ரிட் அணி சாதனை
கிளப் அணிகளுக்கான உலக கோப்பை கால்பந்து போட்டியில் ரியல்மாட்ரிட் அணி 4–வது முறையாக கோப்பையை வென்று சாதனை படைத்துள்ளது.