இலங்கை 20 ஓவர் போட்டி அணியில் மலிங்காவுக்கு இடம் இல்லை


இலங்கை 20 ஓவர் போட்டி அணியில் மலிங்காவுக்கு இடம் இல்லை
x
தினத்தந்தி 15 Dec 2017 10:45 PM GMT (Updated: 15 Dec 2017 8:25 PM GMT)

இலங்கை 20 ஓவர் போட்டி அணியில் மலிங்காவுக்கு இடம் இல்லை இலங்கை அணி நேற்று அறிவிக்கப்பட்டது.

இந்தியா-இலங்கை அணிகள் இடையிலான 3-வது மற்றும் கடைசி ஒருநாள் கிரிக்கெட் போட்டி விசாகப்பட்டினத்தில் நாளை நடக்கிறது. இதன்பிறகு இந்தியாவுக்கு எதிராக மூன்று 20 ஓவர் போட்டிகளில் இலங்கை அணி விளையாடுகிறது. முதலாவது 20 ஓவர் போட்டி வருகிற 20-ந்தேதி கட்டாக்கில் நடக்கிறது. 20 ஓவர் தொடருக்கான இலங்கை அணி நேற்று அறிவிக்கப்பட்டது. மூத்த வேகப்பந்து வீச்சாளர் 34 வயதான மலிங்காவுக்கு அணியில் இடம் கிடைக்கவில்லை. அவர் நீக்கப்படவில்லை; ஓய்வு அளிக்கப்பட்டுள்ளது என்று அணிக்கு ஒப்புதல் அளித்த இலங்கை விளையாட்டுத்துறை மந்திரி தயாஸ்ரீ ஜெயசேகரா கூறியுள்ளார். சுரங்கா லக்மல், திரிமன்னேவுக்கும் ஓய்வு அளிக்கப்பட்டுள்ளது.

இலங்கை 20 ஓவர் போட்டி அணி வருமாறு:- திசரா பெரேரா (கேப்டன்), தரங்கா, மேத்யூஸ், குசல் பெரேரா, குணதிலகா, டிக்வெல்லா, குணரத்னே, சமரவிக்ரமா, ஷனகா, சதுரங்கா டி சில்வா, பதிரானா, அகிலா தனஞ்ஜெயா, நுவான் பிரதீப், விஷ்வா பெர்னாண்டோ, சமீரா.

Next Story