குறுகிய வடிவிலான கிரிக்கெட்டில் கோலியை விட ரோகித் சர்மா சிறந்தவர்

மும்பை,

நான் இப்படி கூறுவது விராட் கோலியின் ரசிகர்களுக்கு பிடிக்காமல் இருக்கலாம். ஆனால் தற்போது ரோகித் சர்மா சிறந்த பேட்ஸ்மேன் என்பதை சொல்லித் தான் ஆக வேண்டும். விராட் கோலி ஒரு சிறந்த பேட்ஸ்மேன் என்பதில் துளியும் சந்தேகமில்லை. அவர் இந்தியாவின் சிறந்த டெஸ்ட் பேட்ஸ்மேனாக விளங்குகிறார். ஆனால் குறுகிய வடிவிலான போட்டி (ஒரு நாள் மற்றும் 20 ஓவர் போட்டி) என்று வரும் போது கோலியை விட ரோகித் சர்மா முந்துகிறார்.

இந்த ஆண்டில் குறுகிய வடிவிலான கிரிக்கெட் போட்டிகளில் ரோகித் சர்மாவின் பேட்டிங் நம்ப முடியாத அளவுக்கு இருந்தது. அவர் பலவீனமான இலங்கைக்கு எதிராகத் தான் அதிகமாக விளையாடினார் என்று நீங்கள் சொல்லலாம். அப்படி பார்த்தால், விராட் கோலிக்கும் அது பொருந்தும். வீரராக ஆடினாலும் கேப்டனாக ஆடினாலும் தற்சமயம் குறைந்த ஓவர் போட்டிகளில் தான் சிறந்தவர் என்பதை ரோகித் சர்மா நிரூபித்து இருக்கிறார்.

சிறிய ஓய்வுக்கு பிறகு களம் திரும்ப உள்ள விராட் கோலி தென்ஆப்பிரிக்க மண்ணில் நிறைய ரன்கள் குவிப்பார் என்று உறுதியாக நம்புகிறேன்.

இவ்வாறு சந்தீப் பட்டீல் கூறினார்.