கிரிக்கெட்

ஆ‌ஷஸ் கடைசி டெஸ்ட் இங்கிலாந்து அணி 346 ரன்கள் குவிப்பு + "||" + The last Test of Ashes England team 346 runs scored

ஆ‌ஷஸ் கடைசி டெஸ்ட் இங்கிலாந்து அணி 346 ரன்கள் குவிப்பு

ஆ‌ஷஸ் கடைசி டெஸ்ட் இங்கிலாந்து அணி 346 ரன்கள் குவிப்பு
ஆ‌ஷஸ் கடைசி டெஸ்ட் கிரிக்கெட் போட்டியில் இங்கிலாந்து அணி முதல் இன்னிங்சில் 346 ரன்கள் குவித்து ஆட்டம் இழந்தது.

சிட்னி,

ஆ‌ஷஸ் கடைசி டெஸ்ட் கிரிக்கெட் போட்டியில் இங்கிலாந்து அணி முதல் இன்னிங்சில் 346 ரன்கள் குவித்து ஆட்டம் இழந்தது.

இங்கிலாந்து அணி 346 ரன்கள்

இங்கிலாந்து–ஆஸ்திரேலியா அணிகள் இடையிலான 5–வது மற்றும் கடைசி ஆ‌ஷஸ் டெஸ்ட் கிரிக்கெட் போட்டி சிட்னியில் நடந்து வருகிறது. இதில் முதலில் ஆடிய இங்கிலாந்து அணி முதல் நாள் ஆட்டம் முடிவில் 5 விக்கெட் இழப்புக்கு 233 ரன்கள் எடுத்து இருந்தது. டேவிட் மலான் 55 ரன்னுடன் களத்தில் இருந்தார்.

நேற்று 2–வது நாள் ஆட்டம் நடந்தது. தொடர்ந்து ஆடிய இங்கிலாந்து அணியின் விக்கெட்டுகள் சீரான இடைவெளியில் வீழ்ந்தன. 112.3 ஓவர்களில் இங்கிலாந்து அணி முதல் இன்னிங்சில் 346 ரன்கள் எடுத்து ‘ஆல்–அவுட்’ ஆனது. அதிகபட்சமாக கேப்டன் ஜோரூட் 83 ரன்னும், டேவிட் மலான் 62 ரன்னும் எடுத்தனர். ஆஸ்திரேலிய அணி தரப்பில் கம்மின்ஸ் 4 விக்கெட்டும், மிட்செல் ஸ்டார்க், ஹேசில்வுட் தலா 2 விக்கெட்டும் கைப்பற்றினார்கள்.

6 ஆயிரம் ரன்களை கடந்து ஸ்டீவன் சுமித் சாதனை

பின்னர் முதல் இன்னிங்சை ஆடிய ஆஸ்திரேலிய அணியின் தொடக்க ஆட்டக்காரர் பான்கிராப்ட் ரன் எதுவும் எடுக்காமலும், டேவிட் வார்னர் 56 ரன்னிலும் ஆட்டம் இழந்தனர். நேற்றைய ஆட்ட நேரம் முடிவில் ஆஸ்திரேலிய அணி முதல் இன்னிங்சில் 67 ஓவர்களில் 2 விக்கெட் இழப்புக்கு 193 ரன்கள் எடுத்தது. உஸ்மான் கவாஜா 91 ரன்னுடனும் (204 பந்துகளில் 7 பவுண்டரி, ஒரு சிக்சருடன்), கேப்டன் ஸ்டீவன் சுமித் 44 ரன்னுடனும் (88 பந்துகளில் 3 பவுண்டரியுடன்) களத்தில் உள்ளனர். இங்கிலாந்து அணி தரப்பில் ஜேம்ஸ் ஆண்டர்சன், ஸ்டூவர்ட் பிராட் தலா ஒரு விக்கெட் வீழ்த்தினார்கள்.

ஆஸ்திரேலிய கேப்டன் ஸ்டீவன் சுமித் 26 ரன்னை எட்டுகையில் டெஸ்ட் போட்டியில் 6 ஆயிரம் ரன்களை கடந்தார். தனது 111–வது இன்னிங்சில் ஸ்டீவன் சுமித் 6,000 ரன்கள் இலக்கை எட்டினார். இதன் மூலம் இந்த மைல் கல்லை வேகமாக எட்டிய 2–வது வீரர் என்ற சாதனையை கேரி சோபர்ஸ்சுடன் (வெஸ்ட்இண்டீஸ்) பகிர்ந்து கொண்டார். இந்த வகையில் ஆஸ்திரேலியா ஜாம்பவான் பிராட்மேன் 68 இன்னிங்சில் 6 ஆயிரம் ரன்களை கடந்ததே சாதனையாக உள்ளது. இன்று (சனிக்கிழமை) 3–வது நாள் ஆட்டம் நடக்கிறது.



தொடர்புடைய செய்திகள்

1. இலங்கைக்கு எதிரான ஒரு நாள் கிரிக்கெட்: இங்கிலாந்து அணி வெற்றி
இலங்கை – இங்கிலாந்து அணிகள் இடையிலான 2–வது ஒரு நாள் கிரிக்கெட் போட்டி தம்புல்லாவில் நேற்று நடந்தது.
2. இங்கிலாந்து - இலங்கை ஒரு நாள் போட்டி மழையால் ரத்து
இங்கிலாந்து - இலங்கை அணிகள் இடையிலான ஒரு நாள் போட்டி மழையால் ரத்து செய்யப்பட்டது.
3. இங்கிலாந்து - இலங்கை அணிகள் மோதும் முதலாவது ஒருநாள் கிரிக்கெட் இன்று தொடக்கம்
இங்கிலாந்து - இலங்கை அணிகள் மோதும் முதலாவது ஒருநாள் கிரிக்கெட் போட்டி இன்று நடக்கிறது.
4. இங்கிலாந்துக்கு எதிரான ஒருநாள் கிரிக்கெட்: இலங்கை அணியில் இருந்து மேத்யூஸ் நீக்கம்
ஆசிய கோப்பை கிரிக்கெட் போட்டியில் இலங்கை அணி லீக் சுற்றில் 2 ஆட்டங்களிலும் தோல்வி கண்டு முதல் சுற்றுடன் வெளியேறியது.
5. இங்கிலாந்தில் மீண்டும் பயங்கரம்: உணவகத்தில் 2 பேர் மீது நச்சுப்பொருள் தாக்குதல்
இங்கிலாந்து உணவகம் ஒன்றில் உணவு சாப்பிட்டுக் கொண்டிருந்த ரஷியர் உள்பட 2 பேர் மீது நச்சுப் பொருள் தாக்குதல் நடத்தப்பட்டது.