தோனி ஒரு மிகச்சிறந்த கேப்டன் : ஹா்பஜன் புகழாரம்

புதுடில்லி,

சூதாட்ட புகார் காரணமாக இரண்டு ஆண்டுகளுக்கு  விதிக்கப்பட்ட தடை நீங்கியதையடுத்து சென்னை சூப்பர் கிங்ஸ் அணி இந்த ஆண்டு ஐபில் தொடரில் பங்கேற்கிறது. சென்னை சூப்பர் கிங்ஸ் அணிக்கு தோனி மீண்டும் தலைமை தாங்க உள்ளார். கடந்த ஆண்டு வரை மும்பை அணிக்காக விளையாடிய ஹர்பஜன் சிங், வரும் தொடரில்  சென்னை சூப்பர் கிங்ஸ் அணிக்காக விளையாட உள்ளார். 

இந்த நிலையில் தோனியின் கேப்டன்ஷிப் திறமையை பற்றியும் அவரது ஆட்டத்திறன் பற்றியும் ஹர்பஜன் சிங் வெகுவாக புகழ்ந்துள்ளார்.  

இது குறித்து ஹர்பஜன் சிங் கூறியிருப்பதாவது:-

ஆட்டத்தின் போக்கை நன்றாக தோனி புரிந்து கொள்கிறார். அதனால் தான் விளையாட்டில் மிகச்சிறந்த வீராக திகழ்கிறார். மேலும், சென்னை சூப்பர் கிங்ஸ் அணிக்காக கோப்பையை வெல்ல இந்த முறை ஒரு புதிய இலக்கை நோக்கி பணியாற்றுவதற்காக நான் காத்திருக்கிறேன். இதுவரை மும்பை இந்திய அணிக்காக 10 வருடமாக விளையாடி வந்துள்ளேன் தற்போது தோனியின் தலைமையில் சென்னை அணிக்காக விளையாடுவது மிகவும் மகிழ்ச்சி அடைகிறேன்” என கூறினார்.