கிரிக்கெட்

இந்திய அணிக்கு ஐ.சி.சி. டெஸ்ட் சாம்பியன்ஷிப் விருது கேப்டன் கோலி பெற்றார் + "||" + ICC for Indian team Captain Kohli won the Test Championship awar

இந்திய அணிக்கு ஐ.சி.சி. டெஸ்ட் சாம்பியன்ஷிப் விருது கேப்டன் கோலி பெற்றார்

இந்திய அணிக்கு ஐ.சி.சி. டெஸ்ட் சாம்பியன்ஷிப் விருது கேப்டன் கோலி பெற்றார்
டெஸ்ட் கிரிக்கெட் தரவரிசையில் முதலிடம் வகிக்கும் அணி இந்தியா.
கேப்டவுன்,

ஆண்டுதோறும் ஏப்ரல் 3-ந்தேதி நிலவரப்படி டெஸ்ட் கிரிக்கெட் தரவரிசையில் முதலிடம் வகிக்கும் அணிக்கு சர்வதேச கிரிக்கெட் கவுன்சில் (ஐ.சி.சி.) சார்பில் சாம்பியன்ஷிப் பட்டத்துடன், ரூ.6½ கோடி பரிசுத்தொகை வழங்கப்படுவது வழக்கம். தற்போது டெஸ்ட் தரவரிசையில் இந்தியா 121 புள்ளிகளுடன் முதலிடத்திலும், தென்ஆப்பிரிக்கா 115 புள்ளிகளுடன் 2-வது இடத்திலும், ஆஸ்திரேலியா 104 புள்ளிகளுடன் 3-வது இடத்திலும் உள்ளன.


அடுத்த ஒரு மாதத்தில் நடக்கும் டெஸ்ட் போட்டிகளின் முடிவுகளால் இந்திய அணியின் ‘நம்பர் ஒன்’ இடத்துக்கு எந்தவித ஆபத்தும் இல்லை. அதாவது ஏப்ரல் 3-ந்தேதி அன்றும் இந்திய அணியே ‘நம்பர் ஒன்’ இடத்தில் நீடிப்பது உறுதியாகி விட்டதால், ஐ.சி.சி. டெஸ்ட் சாம்பியன்ஷிப்புக்குரிய கதாயுதம் மற்றும் ரூ.6½ கோடி ஊக்கத்தொகை இந்திய கேப்டன் கோலியிடம் வழங்கப்பட்டது. கேப்டவுனில் நேற்று முன்தினம் இரவு நடந்த நிகழ்ச்சியில் இதை ஐ.சி.சி. சார்பில் முன்னாள் வீரர்கள் சுனில் கவாஸ்கர், ஷான் பொல்லாக் ஆகியோர் வழங்கினர்.

விராட் கோலி கூறுகையில், ‘2-வது முறையாக இந்த கதாயுதத்தை பெறுவதை சிறப்பு வாய்ந்தாக கருதுகிறேன். டெஸ்ட் கிரிக்கெட்டில் எங்களது வெற்றிப்பயணத்துக்கு கிடைத்த அங்கீகாரம் இது. கடந்த இரு ஆண்டுகளாக டெஸ்ட் போட்டியில் நாங்கள் விளையாடி வரும் விதம் உண்மையிலேயே பெருமை அளிக்கிறது. சிறப்பான ஆட்டமே தரவரிசையில் எதிரொலித்து இருக்கிறது. இதற்காக அணி வீரர்கள், பயிற்சி உதவியாளர்கள் மற்றும் ஆதரவாக இருந்த ரசிகர்களுக்கு நன்றி தெரிவித்துக் கொள்கிறேன். ஒரு டெஸ்ட் அணியாக எங்களது 80 சதவீத திறமை தான் வெளிப்பட்டு இருக்கிறது என்று சொல்வேன். உலகத்தரம் வாய்ந்த அணியாக தொடர வேண்டும் என்றால், 100 சதவீதம் திறமையை காட்ட வேண்டும். அடுத்து வரும் தொடர்களை (இங்கிலாந்து, ஆஸ்திரேலியாவுக்கு எதிரான டெஸ்ட் தொடர்) ஆவலோடு எதிர்நோக்கி உள்ளோம்’ என்றார்.


தொடர்புடைய செய்திகள்

1. இந்தியாவுக்கு எதிரான 20 ஓவர் கிரிக்கெட்: ‘போட்டி தொடரை முழுமையாக இழந்தது மோசமானதாகும்’ - வெஸ்ட்இண்டீஸ் கேப்டன் பிராத்வெய்ட் கருத்து
‘இந்தியாவுக்கு எதிரான 20 ஓவர் போட்டி தொடரை நாங்கள் முழுமையாக இழந்தது மோசமானதாகும்’ என்று வெஸ்ட்இண்டீஸ் அணி கேப்டன் பிராத்வெய்ட் தெரிவித்தார்.
2. மியான்மரில் துறைமுகம் கட்டும் சீனா ! உன்னிப்பாக கவனித்து வரும் இந்தியா
இந்தியாவின் அண்டை நாடுகளில் ஒன்றான மியான்மரில் துறைமுகம் கட்டுவதற்கு சீனா ஒப்பந்தம் ஏற்படுத்தியுள்ளது.
3. தலிபான்களுடன் இந்தியா நேரடியாக பேச்சு நடத்தவில்லை - மத்திய அரசு
ரஷியாவில் நடைபெறும் கூட்டத்தில் அதிகாரப்பூர்வமற்ற முறையில் பங்கேற்கிறோமே தவிர, தலிபான்களுடன் இந்தியா நேரடியாக பேச்சு நடத்தவில்லை என மத்திய அரசு தெரிவித்துள்ளது.
4. 2-வது 20 ஓவர் கிரிக்கெட்: ரோகித் சர்மா சதம் அடித்து அசத்தல் ! இந்திய அணி 195 ரன்கள் குவிப்பு
வெஸ்ட் இண்டீஸ் அணிக்கு எதிரான 2-வது 20 ஓவர் கிரிக்கெட் போட்டியில் இந்திய அணி 195 ரன்கள் குவித்துள்ளது.
5. வெஸ்ட் இண்டீஸ் அணிக்கு எதிரான 2-வது 20 ஓவர் கிரிக்கெட் போட்டி: இந்திய அணி பேட்டிங்
வெஸ்ட் இண்டீஸ் அணிக்கு எதிரான 2-வது 20 ஓவர் கிரிக்கெட் போட்டியில் இந்திய அணி முதலில் பேட்டிங் செய்து வருகிறது.