ஐ.பி.எல். கிரிக்கெட் பஞ்சாப் அணியின் போட்டி அட்டவணையில் மாற்றம்

மொகாலி,

11–வது ஐ.பி.எல். கிரிக்கெட் போட்டியில் கிங்ஸ் லெவன் பஞ்சாப் அணிக்குரிய தொடக்க கட்ட 3 லீக் ஆட்டங்கள் இந்தூரில் நடக்க இருந்தது. சில நடைமுறை சிக்கல் காரணமாக அங்கு நடக்க இருந்த இந்த 3 ஆட்டங்கள் மொகாலிக்கு மாற்றப்பட்டது. அந்த 3 ஆட்டங்களில் பஞ்சாப் அணி, டெல்லி டேர்டெவில்ஸ் (ஏப்ரல் 8), சென்னை சூப்பர் கிங்ஸ் (ஏப்ரல் 15), ஐதராபாத் சன் ரைசர்ஸ் (ஏப்ரல் 19) ஆகிய அணிகளை சந்திக்கிறது. அதேசமயம் மே மாதம் மொகாலியில் நடக்க இருந்த 4 லீக் ஆட்டங்கள் இந்தூருக்கு மாற்றப்பட்டு இருக்கிறது.