முத்தரப்பு பெண்கள் 20 ஓவர் கிரிக்கெட்: இந்தியா-ஆஸ்திரேலியா இன்று மோதல்

மும்பை,

இந்தியா, ஆஸ்திரேலியா, இங்கிலாந்து ஆகிய மூன்று அணிகளுக்கு இடையேயான 20 ஓவர் கிரிக்கெட் தொடர் இந்தியாவில் இன்று தொடங்கி வருகிற 31-ந்தேதி வரை நடக்கிறது. இதில் ஒவ்வொரு அணியும் மற்ற அணியுடன் தலா 2 முறை மோத வேண்டும். லீக் முடிவில் முதல் 2 இடங்களை பிடிக்கும் அணிகள் இறுதிப்போட்டிக்கு முன்னேறும். மும்பை பிராபோர்ன் ஸ்டேடியத்தில் இன்று (காலை 10 மணி) நடக்கும் தொடக்க லீக் ஆட்டத்தில் ஹர்மன்பிரீத் கவுர் தலைமையிலான இந்திய அணி, மெக் லேனிங் தலைமையிலான ஆஸ்திரேலியாவுடன் மோதுகிறது. சமீபத்தில் ஒரு நாள் தொடரை 0-3 என்ற கணக்கில் ஆஸ்திரேலியாவிடம் பறிகொடுத்த இந்திய அணி அதற்கு பதிலடி கொடுக்குமா? என்று ரசிகர்கள் எதிர்பார்க்கிறார்கள்.

போட்டிக்கான இந்திய அணி வருமாறு:- ஹர்மன்பிரீத் கவுர் (கேப்டன்), மந்தனா, மிதாலிராஜ், வேதா கிருஷ்ணமூர்த்தி, ஜெமிமா ரோட்ரிக்ஸ், அனுஜா பட்டீல், தீப்தி ஷர்மா, தனியா பாட்டியா, பூனம் யாதவ், ஜூலன் கோஸ்வாமி, ஷிகா பான்டே, பூஜா வஸ்ட்ராகர், ரும்லி தார், மோனா மேஷ்ரம், ராஜேஷ்வரி கெய்க்வாட்.