கிரிக்கெட்

ஐ.பி.எல். கிரிக்கெட்: சென்னை அணிக்கு பதிலடி கொடுக்குமா கொல்கத்தா? - இன்று மோதல் + "||" + IPL Cricket: Will Chennai take revenge for Kolkata? - Confrontation today

ஐ.பி.எல். கிரிக்கெட்: சென்னை அணிக்கு பதிலடி கொடுக்குமா கொல்கத்தா? - இன்று மோதல்

ஐ.பி.எல். கிரிக்கெட்: சென்னை அணிக்கு பதிலடி கொடுக்குமா கொல்கத்தா? - இன்று மோதல்
சென்னை சூப்பர் கிங்ஸ்-கொல்கத்தா நைட் ரைடர்ஸ் அணிகள் இன்று மோதுகின்றன.
கொல்கத்தா,

ஐ.பி.எல். 20 ஓவர் கிரிக்கெட் போட்டியில் கொல்கத்தாவில் இன்று இரவு நடைபெறும் லீக் ஆட்டத்தில் சென்னை சூப்பர் கிங்ஸ்-கொல்கத்தா நைட் ரைடர்ஸ் அணிகள் மோதுகின்றன.

ஐ.பி.எல். 20 ஓவர் கிரிக்கெட் போட்டி தொடரில் கொல்கத்தா ஈடன் கார்டன் மைதானத்தில் இன்று (வியாழக்கிழமை) இரவு நடைபெறும் 33-வது லீக் ஆட்டத்தில் முன்னாள் சாம்பியன்களான சென்னை சூப்பர் கிங்ஸ்-கொல்கத்தா நைட் ரைடர்ஸ் அணிகள் பலப்பரீட்சை நடத்துகின்றன.

டோனி தலைமையிலான சென்னை அணி வழக்கம் போல இந்த சீசனிலும் வலுவான அணியாக விளங்கி வருகிறது. இதுவரை 8 ஆட்டத்தில் விளையாடி இருக்கும் சென்னை அணி 6 வெற்றி, 2 தோல்வியுடன் புள்ளி பட்டியலில் முதலிடத்தில் உள்ளது.

சென்னை அணியின் பேட்டிங்கில் டோனி, ஷேன் வாட்சன், அம்பத்தி ராயுடு ஆகியோர் கலக்கி வருகிறார்கள். சுரேஷ்ரெய்னா எதிர்பார்த்தபடி சோபிக்கவில்லை. வெய்ன் பிராவோ பேட்டிங் மற்றும் பந்து வீச்சில் நல்ல நிலையில் உள்ளார். சென்னை அணியின் பேட்டிங்குடன் ஒப்பிடுகையில் பந்து வீச்சு சற்று பலம் குறைந்ததாகவே உள்ளது. கடந்த லீக் ஆட்டத்தில் கே.எம். ஆசிப், நிகிடி, ரவீந்திர ஜடேஜா ஆகியோர் விக்கெட்டுகளை வீழ்த்தினார்கள். முந்தைய லீக் ஆட்டத்தில் சென்னை அணியில் 4 வீரர்கள் மாற்றம் செய்யப்பட்டாலும், அந்த ஆட்டத்தில் 13 ரன் வித்தியாசத்தில் டெல்லி அணியை வீழ்த்தி பலத்தை நிரூபித்தது.

தினேஷ் கார்த்திக் தலைமையிலான கொல்கத்தா அணி 8 ஆட்டத்தில் ஆடி 4 வெற்றி, 4 தோல்வியை சந்தித்துள்ளது. கடந்த லீக் ஆட்டத்தில் கொல்கத்தா அணி 6 விக்கெட் வித்தியாசத்தில் பெங்களூரு அணியை சாய்த்து இருந்தது.

கொல்கத்தா அணி கிறிஸ் லின், ஆந்த்ரே ரஸ்செல், சுனில் நரின் ஆகியோரின் அதிரடி ஆட்டத்தையே அதிகம் நம்பி இருக்கிறது. இந்த 3 பேரும் நிலைத்து நின்று விட்டால் எதிரணிக்கு அச்சுறுத்தலாக விளங்குவார்கள் என்பதில் சந்தேகமில்லை. ராபின் உத்தப்பா, இளம் வீரர் சுப்மான் கில் ஆகியோர் பேட்டிங்கில் ஏமாற்றம் அளித்து வருகிறார்கள். பேட்டிங்கில் மட்டுமின்றி பந்து வீச்சிலும் சுனில் நரின் சிறப்பாக செயல்பட்டு வருகிறார்.

சென்னையில் நடந்த இந்த இரு அணிகள் இடையிலான முந்தைய லீக் ஆட்டத்தில் கொல்கத்தா அணி 5 விக்கெட் வித்தியாசத்தில் சென்னையிடம் தோல்வி கண்டது. அந்த தோல்விக்கு சொந்த மண்ணில் பதிலடி கொடுக்க கொல்கத்தா அணி தீவிரம் காட்டும். அதேநேரத்தில் புள்ளி பட்டியலில் முதல் இடத்தில் நீடிக்க சென்னை அணி முனைப்பு காட்டும். வலுவான சென்னை அணியை கொல்கத்தா அணி எப்படி சமாளிக்க போகிறது என்பதை பொறுத்து இருந்து தான் பார்க்க வேண்டும். வெற்றிக்காக இரு அணிகளும் மல்லுக்கட்டும் என்பதால் இந்த ஆட்டம் ரசிகர்களுக்கு விருந்து படைப்பதாக அமையும் எனலாம்.

ஐ.பி.எல். போட்டி வரலாற்றில் இரு அணிகளும் இதுவரை 17 முறை நேருக்கு நேர் சந்தித்துள்ளன. இதில் சென்னை அணி 11 முறையும், கொல்கத்தா அணி 6 தடவையும் வெற்றி பெற்று இருக்கின்றன. இன்று இரவு 8 மணிக்கு தொடங்கும் இந்த போட்டியை ஸ்டார் ஸ்போர்ட்ஸ் டெலிவிஷன் நேரடியாக ஒளிபரப்பு செய்கிறது.

தொடர்புடைய செய்திகள்

1. ஜெயலலிதாவிற்கு மெரினாவில் நினைவு மண்டபம் கட்டுவதற்கு தடை இல்லை: சென்னை ஐகோர்ட்
ஜெயலலிதாவிற்கு மெரினாவில் நினைவு மண்டபம் கட்டுவதற்கு தடை இல்லை என்று சென்னை ஐகோர்ட் உத்தரவிட்டுள்ளது.
2. சென்னை, திருவள்ளூர், காஞ்சீபுரம் மாவட்டங்களில் மாணவர் காவல் படை அமைப்பு தொடக்கம் 6,072 பேர் உறுப்பினர்களாக சேர்ந்தனர்
சென்னை, காஞ்சீபுரம், திருவள்ளூர் மாவட்டங்களில் மாணவர் காவல் படை புதிதாக தொடங்கப்பட்டுள்ளது. இந்த அமைப்பில் 138 பள்ளிகளில் இருந்து 6,072 மாணவ-மாணவிகள் உறுப்பினர்களாக சேர்ந்துள்ளனர்.
3. பாபநாசம் அருகே, முன்விரோதத்தில் இருதரப்பினர் மோதல்; பெண்ணுக்கு கத்திக்குத்து 3 பேர் கைது
பாபநாசம் அருகே முன்விரோதத்தில் இருதரப்பினர் இடையே ஏற்பட்ட மோதலில் பெண்ணுக்கு கத்திக்குத்து விழுந்தது. இதுதொடர்பாக 3 பேரை போலீசார் கைது செய்தனர்.
4. சென்னை தலைமைச் செயலகத்தில் ஓ.பன்னீர்செல்வம் அறையில் யாகம் நடந்தது உண்மையா? பரபரப்பு தகவல்கள்
சென்னை தலைமைச் செயலகத்தில் துணை முதல்-அமைச்சர் ஓ.பன்னீர்செல்வம் அறையில் யாகம் நடந்தது உண்மையா? என்பது குறித்து பரபரப்பு தகவல்கள் வெளியாகியுள்ளன.
5. சென்னை-தூத்துக்குடி இடையே ரூ.13,200 கோடியில் 8 வழிச்சாலை திட்டம் மத்திய அரசு ஒப்புதல்
சென்னை-தூத்துக்குடி இடையே ரூ.13,200 கோடியில் 8 வழிச்சாலை திட்டத்தை செயல்படுத்த மத்திய அரசு ஒப்புதல் வழங்கியுள்ளது.

அதிகம் வாசிக்கப்பட்டவை