கிரிக்கெட்

ஒரு மாநிலத்துக்கு ஒரு வாக்கு முறை: லோதா பரிந்துரையை நீக்கியது சுப்ரீம் கோர்ட் + "||" + BCCI case: Supreme Court dumps 'one state, one vote' policy

ஒரு மாநிலத்துக்கு ஒரு வாக்கு முறை: லோதா பரிந்துரையை நீக்கியது சுப்ரீம் கோர்ட்

ஒரு மாநிலத்துக்கு ஒரு வாக்கு முறை: லோதா பரிந்துரையை நீக்கியது சுப்ரீம் கோர்ட்
லோதா குழுவின் முக்கியப் பரிந்துரையான ஒரு மாநிலத்துக்கு ஒரு வாக்கு முறை என்கிற அம்சம் தற்போது நீக்கப்பட்டுள்ளது. #BCCI
புதுடெல்லி

ஐபிஎல் மேச்ட்  பிக்ஸிங் வழக்கின் ஒரு பகுதியாக பிசிசிஐயை மறுசீரமைப்பு செய்வதற்காக ஓய்வு பெற்ற நீதிபதி லோதா தலைமையில் ஒரு குழுவை அமைத்தது சுப்ரீம் கோர்ட்.  அதைத் தொடர்ந்து லோதா குழு அளித்த பரிந்துரைகளை அப்படியே ஏற்றுக்கொண்ட சுப்ரீம் கோர்ட் , அதை உடனடியாக அமல்படுத்துமாறு பிசிசிஐக்கு உத்தரவிட்டது. 

லோதா குழு பரிந்துரைகளில் பலவற்றுக்கு பிசிசிஐ அதிகாரிகள் மற்றும் மாநில கிரிக்கெட் சங்கங்கள் பல எதிர்ப்பு தெரிவித்து வரும் நிலையில் இதுகுறித்த வழக்கின் விசாரணை மூன்று நீதிபதிகள் கொண்ட அமர்வு முன்பு சுப்ரீம் கோர்ட்டில்  இன்று நடைபெற்றது.

ஒரு மாநிலத்துக்கு ஒரு வாக்கு முறை, பிசிசிஐ நிர்வாகிகளின் பதவிகளுக்கு ஒவ்வொரு 3 ஆண்டுகளுக்கும் இடையே இளைப்பாறல் காலம் போன்ற முக்கியமான விஷயங்களில் திருத்தங்கள் கொண்டுவந்துள்ளது சுப்ரீம் கோர்ட். 

அதன்படி லோதா குழுவின் முக்கியப் பரிந்துரையான ஒரு மாநிலத்துக்கு ஒரு வாக்கு முறை என்கிற அம்சம் தற்போது நீக்கப்பட்டுள்ளது. குஜராத்தைச் சேர்ந்த சவுராஷ்டிரா, வதோதரா மற்றும் மஹாராஷ்டிராவைச் சேர்ந்த மும்பை, விதர்பா ஆகிய அணிகளுக்கு முழு உறுப்பினர் அந்தஸ்து அளிக்கப்பட்டுள்ளன. ரயில்வே, சர்வீசஸ், பல்கலைக்கழகங்களின் சங்கம் போன்றவை தங்களுடைய முழு உறுப்பினர் பதவிகளைத் தக்கவைத்துக்கொண்டுள்ளன.

ஒரே பதவியில் மீண்டும் போட்டியிடும்போதுதான் இளைப்பாறல் காலம் தேவைப்படுகிறது. அதே நபர், வேறு பதவிக்குப் போட்டியிட்டால் இளைப்பாறல் காலம் தேவையில்லை. தொடர்ந்து இரு பதவிகளுக்குப் போட்டியிடலாம் என்று  நீதிமன்றம் கூறியுள்ளது.

நான்கு வாரங்களுக்குள் இந்தத் திருத்தங்களைக் கொண்ட சட்ட வரைவைப் பதிவு செய்யும்படியும் பிசிசிஐக்கு ஆணையிடப்பட்டுள்ளது. பிசிசிஐ சட்டவிதிகளை 30 நாள்களுக்குள் மாநில சங்கங்கள் அமல்படுத்த வேண்டும் என்றும் உத்தரவிட்டு உள்ளது.

தொடர்புடைய செய்திகள்

1. டோனி, சுரேஷ் ரெய்னா, ரோகித் அதிக சிக்சர்கள் சாதனை படைக்கப்போவது யார்?
ஐபிஎல் போட்டியில் அதிக சிக்சர்கள் சாதனையை படைக்கப்போவது யார் என்பது தெரியவரும்.
2. முகமது ஷமிக்கு எதிராக கொல்கத்தா காவல்துறை குற்றப்பத்திரிகை தாக்கல்
முகமது ஷமிக்கு எதிராக கொல்கத்தா காவல்துறை குற்றப்பத்திரிகை தாக்கல் செய்துள்ளது.
3. ஐபிஎல் போட்டி : 25 ஆயிரம் ரசிகர்களுக்கு ரூ. 500 க்கு டிக்கெட் - டேவிட் வார்னர்
12-வது ஐபிஎல் போட்டியில் ரசிகர்களுக்கு இன்ப அதிர்ச்சி அளிக்கும் வகையில் 25 ஆயிரம் ரசிகர்களுக்கு 500 ரூபாய்க்கு டிக்கெட் வழங்கப்போவதாக சன் ரைசர்ஸ் ஹைதராபாத் அணி அறிவித்துள்ளது. இதை அந்த அணியின் வீரர் டேவிட் வார்னர் பகிர்ந்துள்ளார்.
4. பிசிசிஐ வீரர்கள் ஒப்பந்தம்: ஷிகர் தவான், புவனேஷ்குமாருக்கு பின்னடைவு
வீரர்களுக்கான ஒப்பந்த விவரத்தை பிசிசிஐ இன்று வெளியிட்டுள்ளது. இதில், ஷிகர் தவான், புவனேஷ் குமார் ஆகியோர் ஏ பிளஸ் கிரேடில் இடம் பெறவில்லை.
5. தன் பெயர் சூட்டப்பட்ட பெவிலியனைத் திறந்து வைக்க டோனி மறுப்பு
தன் பெயர் சூட்டப்பட்ட பெவிலியனைத் திறந்து வைக்க டோனி மறுப்பு தெரிவித்து விட்டார்.