கிரிக்கெட்

இந்தியா-வெஸ்ட் இண்டீஸ் மோதல்: சென்னையில் 20 ஓவர் கிரிக்கெட் போட்டி + "||" + India-West Indies clash: 20 over cricket match in Chennai

இந்தியா-வெஸ்ட் இண்டீஸ் மோதல்: சென்னையில் 20 ஓவர் கிரிக்கெட் போட்டி

இந்தியா-வெஸ்ட் இண்டீஸ் மோதல்: சென்னையில் 20 ஓவர் கிரிக்கெட் போட்டி
இந்தியா-வெஸ்ட் இண்டீஸ் அணிகள் மோதும் 20 ஓவர் கிரிக்கெட் போட்டி ஒன்று சென்னையில் நவம்பர் மாதம் நடக்கிறது.
மும்பை,

இங்கிலாந்து டெஸ்ட் தொடர் முடிந்ததும் இந்திய கிரிக்கெட் அணி ஐக்கிய அரபு அமீரகத்தில் நடக்கும் ஆசிய கோப்பை கிரிக்கெட்டில் (செப்.15-28) பங்கேற்கிறது. அதன் பிறகு வெஸ்ட் இண்டீஸ் கிரிக்கெட் அணி அக்டோபர், நவம்பர் மாதங்களில் இந்தியாவில் சுற்றுப்பயணம் மேற்கொண்டு 2 டெஸ்ட், 5 ஒரு நாள் போட்டி மற்றும் மூன்று 20 ஓவர் போட்டிகளில் விளையாடுகிறது. இதற்கான போட்டி அட்டவணையை இந்திய கிரிக்கெட் வாரியம் நேற்று அதிகாரபூர்வமாக வெளியிட்டது.


இதன்படி இந்தியா-வெஸ்ட் இண்டீஸ் அணிகள் இடையிலான முதலாவது டெஸ்ட் போட்டி ராஜ்கோட்டிலும் (அக்.4-8), 2-வது டெஸ்ட் போட்டி ஐதராபாத்திலும் (அக்.12-16) நடைபெறுகிறது.

அதைத் தொடர்ந்து ஒரு நாள் போட்டிகள் முறையே கவுகாத்தி (அக்.21), இந்தூர் (அக்.24), புனே (அக்.27), மும்பை (அக்.29), திருவனந்தபுரம் (நவ.1) ஆகிய நகரங்களிலும், 20 ஓவர் போட்டிகள் கொல்கத்தா (நவ.4), லக்னோ (நவ.6), சென்னை (நவ.11) ஆகிய இடங்களிலும் நடத்தப்படுகிறது.

சென்னை சேப்பாக்கம் எம்.ஏ.சிதம்பரம் ஸ்டேடியத்தில் 20 ஓவர் போட்டி நடத்தப்படுவது இது 2-வது முறையாகும். இதற்கு முன்பு 2012-ம் ஆண்டு இந்தியா-நியூசிலாந்து அணிகள் மோதிய ஆட்டம் இங்கு நடந்தது.

வெஸ்ட் இண்டீஸ் தொடர் நிறைவடைந்ததும் இந்திய அணி உடனடியாக ஆஸ்திரேலியாவுக்கு பயணித்து மூன்று 20 ஓவர் போட்டி, 4 டெஸ்ட் மற்றும் மூன்று ஒரு நாள் போட்டிகளில் விளையாட இருக்கிறது.


தொடர்புடைய செய்திகள்

1. ராசிபுரம் அருகே லாரிகள் மோதல்; டிரைவர், கிளனர் பலி
ராசிபுரம் அருகே லாரிகள் மோதிக்கொண்ட விபத்தில் டிரைவர், கிளனர் பலியாகினர்.
2. கோழி குஞ்சுகள் பக்கத்து வீட்டில் நுழைந்த விவகாரம்; இரு தரப்பினர் மோதலில் 12 பேர் காயம்
கோழி குஞ்சுகள் பக்கத்து வீட்டில் நுழைந்த விவகாரத்தில் இரு தரப்பினர் மோதி கொண்டதில் 12 பேர் காயம் அடைந்தனர்.
3. நஷ்ட ஈடு விவகாரம்: இந்தியாவிற்கு எதிரான பாகிஸ்தானின் புகாரை தள்ளுபடி செய்தது சர்வதேச கிரிக்கெட் வாரியம்
இந்திய கிரிக்கெட் வாரியத்திடம் நஷ்ட ஈடு கோரிய பாகிஸ்தான் கிரிக்கெட் வாரியத்தின் புகாரை சர்வதேச கிரிக்கெட் வாரியம் நிராகரித்தது.
4. பெட்ரோல் விலை லிட்டருக்கு 15 காசுகள் குறைவு, டீசல் விலையும் குறைவு
பெட்ரோல் விலை தொடர்ந்து சரிவடைந்து வருவது வாகன ஓட்டிகளுக்கு சற்று ஆறுதலை அளித்துள்ளது.
5. கஜா புயலால் பாதிக்கப்பட்ட மாவட்டங்களில் 1 லட்சம் மின்கம்பங்கள் சேதமடைந்துள்ளன : மின்வாரியம்
கஜா புயலால் பாதிக்கப்பட்ட மாவட்டங்களில் 1 லட்சம் மின்கம்பங்கள் சேதமடைந்துள்ளன என்று மின் வாரியம் தெரிவித்துள்ளது.