கிரிக்கெட்

‘சர்வதேச கிரிக்கெட்டில் இருந்து ஓய்வு பெறும் திட்டம் இல்லை’ இங்கிலாந்து வேகப்பந்து வீச்சாளர் ஆண்டர்சன் பேட்டி + "||" + 'From international cricket No Retirement Plan ' Anderson interviewed

‘சர்வதேச கிரிக்கெட்டில் இருந்து ஓய்வு பெறும் திட்டம் இல்லை’ இங்கிலாந்து வேகப்பந்து வீச்சாளர் ஆண்டர்சன் பேட்டி

‘சர்வதேச கிரிக்கெட்டில் இருந்து ஓய்வு பெறும் திட்டம் இல்லை’ இங்கிலாந்து வேகப்பந்து வீச்சாளர் ஆண்டர்சன் பேட்டி
‘சர்வதேச கிரிக்கெட் போட்டியில் இருந்து உடனடியாக ஓய்வு பெறும் திட்டம் எதுவும் இல்லை’ என்று இங்கிலாந்து டெஸ்ட் அணியின் வேகப்பந்து வீச்சாளர் ஜேம்ஸ் ஆண்டர்சன் தெரிவித்தார்.

லண்டன், 

‘சர்வதேச கிரிக்கெட் போட்டியில் இருந்து உடனடியாக ஓய்வு பெறும் திட்டம் எதுவும் இல்லை’ என்று இங்கிலாந்து டெஸ்ட் அணியின் வேகப்பந்து வீச்சாளர் ஜேம்ஸ் ஆண்டர்சன் தெரிவித்தார்.

ஆண்டர்சன் சாதனை

இங்கிலாந்து டெஸ்ட் கிரிக்கெட் அணியின் முன்னணி வேகப்பந்து வீச்சாளரான ஜேம்ஸ் ஆண்டர்சன், சமீபத்தில் நடந்த இந்தியாவுக்கு எதிரான 5 ஆட்டங்கள் கொண்ட டெஸ்ட் போட்டி தொடரில் 24 விக்கெட்டுகள் வீழ்த்தி கலக்கினார். கடந்த செவ்வாய்க்கிழமை லண்டன் ஓவல் மைதானத்தில் முடிந்த இந்தியாவுக்கு எதிரான கடைசி டெஸ்ட் போட்டியில் இங்கிலாந்து பந்து வீச்சாளர் ஜேம்ஸ் ஆண்டர்சன் கடைசி விக்கெட்டாக முகமது ‌ஷமியை போல்டு செய்தார்.

இதன் மூலம் ஆண்டர்சன் 143 டெஸ்டில் விளையாடி மொத்தம் 564 விக்கெட்டுகள் கைப்பற்றினார். மேலும் டெஸ்ட் போட்டியில் அதிக விக்கெட்டுகள் வீழ்த்தியவர்கள் வரிசையில் 4–வது இடத்தில் இருந்த ஆஸ்திரேலிய முன்னாள் வேகப்பந்து வீச்சாளர் மெக்ராத்தை பின்னுக்கு தள்ளி அந்த இடத்தை ஆண்டர்சன் தன்வசப்படுத்தினார். அத்துடன் டெஸ்ட் போட்டியில் அதிக விக்கெட்டுகள் வீழ்த்திய வேகப்பந்து வீச்சாளர் என்ற பெருமையை மெக்ராத்திடம் (563 விக்கெட்டுகள், 124 டெஸ்டில்) இருந்து தட்டிப் பறித்து தனக்கு சொந்தமாக்கினார். டெஸ்ட் கிரிக்கெட்டில் அதிக விக்கெட்டுகள் வீழ்த்தியவர்கள் வரிசையில் முரளிதரன் (இலங்கை), வார்னே (ஆஸ்திரேலியா), கும்பிளே (இந்தியா) ஆகியோர் முறையே முதல் மூன்று இடங்களில் உள்ளனர்.

மெக்ராத் தான் சிறந்த பவுலர்

சாதனை படைத்த 36 வயதான இங்கிலாந்து வேகப்பந்து வீச்சாளரான ஜேம்ஸ் ஆண்டர்சன் அளித்த ஒரு பேட்டியில் கூறியிருப்பதாவது:–

டெஸ்ட் போட்டியில் அதிக விக்கெட்டுகள் வீழ்த்தியதில் மெக்ராத்தின் சாதனையை நான் முறியடித்து இருந்தாலும், என்னை விட சிறந்த பவுலர் மெக்ராத் தான். பவுன்ஸ், ஸ்விங் செய்வது, தளர்வின்றி கடுமையாக பந்து வீசுவது, துல்லியமாக, ஆக்ரோ‌ஷமாக செயல்படுவது உள்ளிட்ட எல்லா வி‌ஷயங்களிலும் மெக்ராத் என்னை விட உயர்வானவர். அவரது பந்து வீச்சின் அனைத்து அம்சங்களையும் ஆராய்ந்து தான் எனது கருத்தை தெரிவிக்கிறேன்.

போட்டிக்கு மெக்ராத் தயார் ஆகும் விதத்தை நான் கவனித்து இருக்கிறேன். அது எனக்கு உதவிகரமாக இருந்து இருக்கிறது. தற்போது சர்வதேச கிரிக்கெட் போட்டியில் இருந்து ஓய்வு பெறும் திட்டம் எதுவும் எனக்கு இல்லை. 2006–ம் ஆண்டு ஆ‌ஷஸ் போட்டி தொடரில் மெக்ராத் கலந்து கொள்ளும் போது ஓய்வு பெறும் எண்ணம் எதுவும் இல்லையாம். ஆனால் அந்த போட்டி தொடர் முடிவில் அவருக்கு ஓய்வு எண்ணம் உதித்து விடைபெற்றதாக கருத்து தெரிவித்ததை நான் படித்து இருக்கிறேன். அதுபோல் எனக்கும் நடக்கலாமே? அது யாருக்கு தெரியும்.

ஓய்வு எண்ணம் உதிக்கவில்லை

ஓய்வு எண்ணம் இதுவரை எனது மனதில் உதிக்கவில்லை. அது குறித்து நான் சிந்திப்பதும் கிடையாது. சிறந்த திறனை வெளிப்படுத்துவதிலும், அடுத்த போட்டி மற்றும் அடுத்த தொடர் குறித்து மட்டுமே கவனம் செலுத்தி வருகிறேன். இலங்கை போட்டி தொடருக்கு முன்பு எங்களுக்கு போதிய இடைவெளி இருக்கிறது. இலங்கை தொடரில் சிறப்பாக பந்து வீச முயற்சிப்பேன்.

இவ்வாறு ஆண்டர்சன் கூறினார்.



தொடர்புடைய செய்திகள்

1. டெஸ்ட் கிரிக்கெட்டில் அதிவேகமாக 200 விக்கெட்டுகளை வீழ்த்தி 82 ஆண்டு கால சாதனையை முறியடித்தார், யாசிர் ஷா
டெஸ்ட் கிரிக்கெட் போட்டியில் பாகிஸ்தான் அணியின் சுழற்பந்து வீச்சாளர் யாசிர் ஷா அதிவேகமாக 200 விக்கெட்டுகளை வீழ்த்தி 82 ஆண்டு கால சாதனையை முறியடித்தார்.
2. பெண்கள் 20 ஓவர் உலக கோப்பை கிரிக்கெட்: ஆஸ்திரேலிய அணி 4–வது முறையாக ‘சாம்பியன்’ இறுதி ஆட்டத்தில் இங்கிலாந்தை பந்தாடியது
பெண்கள் 20 ஓவர் உலக கோப்பை கிரிக்கெட் இறுதி ஆட்டத்தில் ஆஸ்திரேலிய அணி 8 விக்கெட் வித்தியாசத்தில் இங்கிலாந்தை பந்தாடி மகுடம் சூடியது.
3. இலங்கைக்கு எதிரான 3–வது டெஸ்ட்: வெற்றிப்பாதையில் இங்கிலாந்து
இலங்கை – இங்கிலாந்து அணிகள் இடையிலான 3–வது மற்றும் கடைசி டெஸ்ட் கிரிக்கெட் போட்டி கொழும்பில் நடந்து வருகிறது.
4. இங்கிலாந்துக்கு எதிரான கடைசி டெஸ்ட்: இலங்கை 240 ரன்னில் ஆல்–அவுட்
இலங்கை – இங்கிலாந்து அணிகள் இடையிலான 3–வது மற்றும் கடைசி டெஸ்ட் கிரிக்கெட் போட்டி கொழும்பில் நடந்து வருகிறது.
5. பெண்கள் 20 ஓவர் உலக கோப்பை கிரிக்கெட்: இங்கிலாந்து அணியிடம் தோல்வி கண்டு இந்தியா வெளியேறியது
பெண்கள் 20 ஓவர் உலக கோப்பை கிரிக்கெட் போட்டியின் அரைஇறுதி ஆட்டத்தில் இந்திய அணி 8 விக்கெட் வித்தியாசத்தில் இங்கிலாந்திடம் தோல்வி கண்டு வெளியேறியது.