கிரிக்கெட்

ஆசிய கோப்பை கிரிக்கெட்: பாகிஸ்தான்–ஹாங்காங் இன்று மோதல் + "||" + Asian Cup Cricket: Pakistan-Hong Kong Confrontation Today

ஆசிய கோப்பை கிரிக்கெட்: பாகிஸ்தான்–ஹாங்காங் இன்று மோதல்

ஆசிய கோப்பை கிரிக்கெட்: பாகிஸ்தான்–ஹாங்காங் இன்று மோதல்
ஆசிய கோப்பை கிரிக்கெட்டை வெற்றியுடன் தொடங்கும் முனைப்பில் உள்ள பாகிஸ்தான் அணி, ஹாங்காங்கை இன்று எதிர்கொள்கிறது.

துபாய், 

ஆசிய கோப்பை கிரிக்கெட்டை வெற்றியுடன் தொடங்கும் முனைப்பில் உள்ள பாகிஸ்தான் அணி, ஹாங்காங்கை இன்று எதிர்கொள்கிறது.

பாகிஸ்தான்–ஹாங்காங்

6 அணிகள் இடையிலான ஆசிய கோப்பை கிரிக்கெட் தொடரில் துபாயில் இன்று (ஞாயிற்றுக்கிழமை) நடக்கும் 2–வது லீக் ஆட்டத்தில் பாகிஸ்தான்–ஹாங்காங் அணிகள் மோதுகின்றன. முன்னாள் சாம்பியனான பாகிஸ்தான் அணி பந்து வீச்சு, பேட்டிங் இரண்டிலும் வலுவாக விளங்குகிறது. அது மட்டுமின்றி ஐக்கிய அரபு அமீரகம் பாகிஸ்தானுக்கு உள்ளூர் போன்றது. இதனால் இங்குள்ள சீதோஷ்ண நிலை அவர்களுக்கு சாதகமாக இருக்கும். அனுபவம் இல்லாத ஹாங்காங்கை பாகிஸ்தான் துவம்சம் செய்வதற்கு ஆயத்தமாக உள்ளது. முதலில் பேட் செய்தால் 300 ரன்களுக்கு மேல் குவிப்பார்கள் என்று எதிர்பார்க்கப்படுகிறது.

2014–ம் ஆண்டில் சர்வதேச ஒரு நாள் போட்டி அந்தஸ்து பெற்ற கத்துக்குட்டி அணியான ஹாங்காங் இந்த ஆண்டு தொடக்கத்தில் அந்த அந்தஸ்தை பறிகொடுத்தது. இருப்பினும் தகுதி சுற்றில் எழுச்சி பெற்ற ஹாங்காங் அணி, சிங்கப்பூர், நேபாளம், ஐக்கிய அரபு அமீரகம் ஆகிய அணிகளை வீழ்த்தி அதன் மூலம் ஆசிய போட்டிக்கு தகுதி பெற்று இருக்கிறது.

பேட்டிங்கில் கேப்டன் அன்சூமான் ராத், பாபர் ஹயாத், நிஜாகட் கான் ஆகியோரைத் தான் ஹாங்காங் மலை போல் நம்பி இருக்கிறது. முன்னணி அணிகளுக்கு அதிர்ச்சி அளிக்க ஹாங்காங் ஆர்வம் காட்டினாலும், 50 ஓவர்களை முழுமையாக தாக்குப்பிடித்தாலே பெரிய வி‌ஷயமாக இருக்கும். ஏற்கனவே பாகிஸ்தானை இரண்டு முறை சந்தித்து, இரண்டிலும் தோல்வியை சந்தித்து இருக்கிறது.

வீரர்கள் விவரம்

போட்டிக்கான இரு அணிகளின் உத்தேச பட்டியல் வருமாறு:–

பாகிஸ்தான்: சர்ப்ராஸ் அகமது (கேப்டன்), இமாம் உல்–ஹக், பஹார் ஜமான், பாபர் அசாம், சோயிப் மாலிக், ஆசிப் அலி, பஹீம் அஷ்ரப், ஹசன் அலி, ‌ஷதப் கான், முகமது அமிர், ஜூனைத் கான் அல்லது ‌ஷகீன் அப்ரிடி.

ஹாங்காங்: அன்சூமான் ராத் (கேப்டன்), பாபர் ஹயாத், கின்ஜித் ஷா, கிறிஸ்டோபர் கர்டர், இசான் கான், அய்ஜாஸ் கான், ஸ்காட் மெக்கெச்னி, தன்விர் அப்சல், இசான் நவாஸ், நதீம் அகமது, நிஜாகட் கான்.

இந்திய நேரப்படி மாலை 5 மணிக்கு தொடங்கும் இந்த ஆட்டத்தை ஸ்டார் ஸ்போர்ட்ஸ் 1, ஸ்டார் ஸ்போர்ட்ஸ் தமிழ் சேனல்கள் நேரடி ஒளிபரப்பு செய்கின்றன.


தொடர்புடைய செய்திகள்

1. 2019 நாடாளுமன்றத் தேர்தலில் காங்கிரஸ் கரீனாவை களமிறக்குகிறது?
2019 நாடாளுமன்றத் தேர்தலில் கரீனா கபூரை களமிறக்க வேண்டும் என்ற கோரிக்கையை காங்கிரஸ் தலைவர்கள் முன்வைத்துள்ளனர்.
2. மத்தியில் காங்கிரஸ் ஆட்சி அமைந்ததும் மக்கள் நலத்திட்டங்கள் அனைத்தும் நிறைவேற்றப்படும் அமைச்சர் நமச்சிவாயம் நம்பிக்கை
மத்தியில் காங்கிரஸ் ஆட்சி அமைந்ததும் கவர்னர் மாற்றப்படுவார். மாநில அந்தஸ்து, வேலைவாய்ப்பு உள்ளிட்ட மக்களின் நலத்திட்டங்கள் அனைத்தும் நிறைவேற்றப்படும் என்று அமைச்சர் நமச்சிவாயம் நம்பிக்கை தெரிவித்தார்.
3. கூட்டணி ஆட்சியை கவிழ்க்க மாட்டோம் காங்கிரஸ், ஜனதாதளம்(எஸ்) தலைவர்கள் கவலைப்பட வேண்டாம் எடியூரப்பா சொல்கிறார்
கூட்டணி ஆட்சியை கவிழ்க்க முயற்சிக்க மாட்டோம் என்றும், காங்கிரஸ், ஜனதா தளம்(எஸ்) கட்சிகளின் தலைவர்கள் கவலைப் பட வேண்டாம் என்றும் எடியூரப்பா தெரிவித்துள்ளார்.
4. பிரச்சினைகளை தீர்க்க இந்தியாவும் பாகிஸ்தானும் பேச்சுவார்த்தையில் ஈடுபட வேண்டும் : ஐநா
இந்தியாவும் பாகிஸ்தானும் தங்கள் பிரச்சினைகளை பேசித் தீர்த்துக்கொள்ள வேண்டும் என்று ஐநா தெரிவித்துள்ளது.
5. பாகிஸ்தானில் சுப்ரீம் கோர்ட்டு புதிய தலைமை நீதிபதி பதவி ஏற்பு
பாகிஸ்தான் சுப்ரீம் கோர்ட்டின் தலைமை நீதிபதியாக பணியாற்றி வந்த மியான் சாகிப் நிசார் ஓய்வு பெற்றார். இதையடுத்து புதிய தலைமை நீதிபதியாக ஆசிப் சயீத்கான் கோசா நியமிக்கப்பட்டார்.