கிரிக்கெட்

ஆசியக் கோப்பை போட்டி இந்தியாவுக்கு சாதகமாக மாற்றியமைக்கப்பட்டுள்ளது -சர்பராஸ் அகமது + "||" + Sarfraz miffed by skewed Asia Cup scheduling

ஆசியக் கோப்பை போட்டி இந்தியாவுக்கு சாதகமாக மாற்றியமைக்கப்பட்டுள்ளது -சர்பராஸ் அகமது

ஆசியக் கோப்பை போட்டி இந்தியாவுக்கு சாதகமாக மாற்றியமைக்கப்பட்டுள்ளது -சர்பராஸ் அகமது
ஆசியக் கோப்பை தொடருக்கான அட்டவணை இந்தியாவுக்கு சாதகமாக மாற்றியமைக்கப்பட்டுள்ளதாக பாகிஸ்தான் கேப்டன் சர்பராஸ் அகமது குற்றஞ்சாட்டியுள்ளார்.
துபாய்

ஆசியக் கோப்பை  கிரிக்கெட் போட்டிகள்  துபாய் மற்றும் அபுதாபியில் நடைபெற்று வருகிறது. இலங்கை, ஹாங்காங் அணிகள் தோல்வி காரணமாக வெளியேறியுள்ளன.

இதனால் இந்தியா, பாகிஸ்தான், வங்கதேசம் மற்றும் ஆப்கானிஸ்தான் அணி அடுத்தச் சுற்றுக்கு தகுதி பெற உள்ளன. இன்றைய போட்டியில் இந்தியா-பாகிஸ்தான் அணிகள் மோதுகின்றன.

இந்நிலையில், பாகிஸ்தான் அணித்தலைவர் சர்பராஸ் அகமது பரபரப்பு குற்றச்சாட்டு ஒன்றை முன்வைத்துள்ளார். நிருபர்களுக்கு பேட்டி  அளித்த அவர் கூறியதாவது:-

‘இந்த தொடருக்காக முதலில் வெளியிடப்பட்ட கால அட்டவணையில், இந்தியா சில போட்டிகளில் அபுதாபியில் விளையாடும் வகையில் இருந்தது.

ஆனால், தற்போது அனைத்துப் போட்டிகளும் துபாயில் விளையாடும் வகையில் இந்தியாவுக்கு சாதமாக மாற்றியமைக்கப்பட்டுள்ளது. போட்டி என்பது அனைவருக்கும் சமமாக இருக்க வேண்டும். இந்தியா, பாகிஸ்தான் என்ற அணிகள் எல்லாம் பார்க்கக் கூடாது.

அட்டவணையை மாற்றியது தொடர்பாக ஆசியக் கிரிக்கெட் சங்கத்தின் தலையீடு அதிகமாக இருந்திருக்கக் கூடும். இந்த விவகாரம் தொடர்பாக பாகிஸ்தான் கிரிக்கெட் வாரியம் விசாரணை மேற்கொண்டு வருகிறது’ என தெரிவித்துள்ளார்.

அதன் பின்னர் சர்பராஸ் அகமதின் குற்றச்சாட்டுக்கு பதிலளித்த பி.சி.சி.ஐ-யின் மூத்த உறுப்பினர் ஒருவர் கூறுகையில்,

‘அபுதாபியில் இருக்கும் ஐயாத் மைதானத்தை விட துபாயில் இருக்கும் சர்வதேச கிரிக்கெட் மைதானம் மிகப் பெரியது. ஏறக்குறைய 30 ஆயிரம் பார்வையாளர்கள் போட்டியை நேரில் கண்டுகளிக்கலாம்.

அதிகப்படியான ரசிகர்கள் போட்டியை கண்டு மகிழ வேண்டும் என்பதற்காகவே இந்தியா, பாகிஸ்தான், வங்கதேசம் அணிகள் விளையாடும் போட்டிகள் துபாயில் நடத்தப்படுகிறது’ என தெரிவித்துள்ளார்.


தொடர்புடைய செய்திகள்

1. ஆஸ்திரேலியாவுக்கு எதிரான வெற்றி டிவி நேரலையில் அசிங்கமாக பேசிய ரவிசாஸ்திரி
ஆஸ்திரேலியாவுக்கு எதிரான வெற்றி டிவி நேரலையில் அசிங்கமாக பேசிய ரவிசாஸ்திரிக்கு எதிராக விமர்சனம் எழுந்துள்ளது.
2. அசாருதீனுக்கு ஒரு நியாயம் எனக்கு ஒரு நியாயமா? : ஸ்ரீசாந்த் குமுறல்
இந்திய கிரிக்கெட் அணியின் முன்னாள் கேப்டன் அசாருதீனுக்கு ஒரு நியாயம் எனக்கு ஒரு நியாயமா? என்று வேகப்பந்து வீச்சாளர் ஸ்ரீசாந்த் சுப்ரீம் கோர்ட்டுக்கு கேள்வி எழுப்பியுள்ளார்.
3. ஆஸ்திரேலியாவுக்கு எதிரான முதல் டெஸ்டில் புஜாரா சதம்
ஆஸ்திரேலியாவுக்கு எதிரான முதல் டெஸ்டில் புஜாரா சதம் அடித்து உள்ளார்.
4. அனைத்து கிரிக்கெட்டில் இருந்தும் கவுதம் கம்பீர் ஓய்வு; அரசியலில் இன்னிங்சை தொடங்குகிறார்
இந்திய கிரிக்கெட் அணியின் தொடக்க வீரர் கவுதம் கம்பீர், அனைத்து வித கிரிக்கெட்டில் இருந்தும் ஓய்வு பெறப்போவதாக அறிவித்துள்ளார்.
5. ஒரே ஓவரில் 6 சிக்சர்கள் ஒரே திசையில் அடித்த இளம் வீரர்
ஆஸ்திரேலியாவில் நடைபெற்ற 19 வயதிற்கு உட்பட்டோருக்கான கிரிக்கெட் போட்டியில் இளம் வீரர் ஒருவர் ஒரே ஓவரில் 6 சிக்சர்களை ஒரே திசையில் விளாசி அசத்தியுள்ளார்.