வெஸ்ட் இண்டீஸ் அணியில் புதுமுக வீரர் ஷெர்மன் லீவிஸ்

ஜாசன் ஹோல்டர் தலைமையிலான வெஸ்ட் இண்டீஸ் கிரிக்கெட் அணி அடுத்த மாதம் இந்தியாவுக்கு வந்து 2 டெஸ்ட், 5 ஒரு நாள் போட்டி மற்றும் மூன்று 20 ஓவர் போட்டிகளில் விளையாடுகிறது. இந்தியா-வெஸ்ட் இண்டீஸ் மோதும் முதலாவது டெஸ்ட் போட்டி அக்டோபர் 4-ந்தேதி ராஜ்கோட்டில் தொடங்குகிறது. இந்த டெஸ்ட் தொடருக்கான வெஸ்ட் இண்டீஸ் அணியில் இடம் பெற்றிருந்த வேகப்பந்து வீச்சாளர் அல்ஜாரி ஜோசப், முதுகு காயத்தில் இருந்து இன்னும் முழுமையாக மீளவில்லை. இதனால் அவருக்கு பதிலாக புதுமுக வேகப்பந்து வீச்சாளர் ஷெர்மன் லீவிஸ் சேர்க்கப்பட்டு இருக்கிறார்.