கிரிக்கெட்

இந்தியா-வெஸ்ட் இண்டீஸ் மோதும் 2-வது ஒரு நாள் போட்டி: இந்தூரில் இருந்து பரோடாவுக்கு மாற்றம்? + "||" + India-West Indies crash for 2nd ODI: Transition from Indore to Baroda?

இந்தியா-வெஸ்ட் இண்டீஸ் மோதும் 2-வது ஒரு நாள் போட்டி: இந்தூரில் இருந்து பரோடாவுக்கு மாற்றம்?

இந்தியா-வெஸ்ட் இண்டீஸ் மோதும் 2-வது ஒரு நாள் போட்டி:  இந்தூரில் இருந்து பரோடாவுக்கு மாற்றம்?
இந்தியா-வெஸ்ட் இண்டீஸ் மோதும் 2-வது ஒரு நாள் போட்டி இந்தூரில் இருந்து பரோடாவுக்கு மாற்றம் செய்யப்படுமா என தகவல் வெளியாகியுள்ளது.
இந்தூர்,

இந்தியாவுக்கு வந்துள்ள வெஸ்ட் இண்டீஸ் கிரிக்கெட் அணி 2 டெஸ்ட் 5 ஒரு நாள் போட்டி மற்றும் மூன்று 20 ஓவர் போட்டிகளில் விளையாடுகிறது. இதில் 2-வது ஒரு நாள் போட்டி மத்திய பிரதேச மாநிலம் இந்தூரில் உள்ள ஹோல்கர் ஸ்டேடியத்தில் வருகிற 24-ந்தேதி நடத்த திட்டமிடப்பட்டுள்ளது. ஆனால் இந்த போட்டி அங்கு நடப்பதில் தற்போது சிக்கல் உருவாகியுள்ளது.


இந்திய கிரிக்கெட் வாரியத்தின் புதிய விதிமுறைப்படி சம்பந்தப்பட்ட மாநில கிரிக்கெட் சங்கத்துக்கு மைதானத்தின் ஒவ்வொரு பிரிவிலும் 10 சதவீதத்திற்கு மேல் சலுகை டிக்கெட்டுகள் கொடுக்க முடியாது. இதன்படி இந்தூர் ஸ்டேடியத்தின் பெவிலியன் பகுதியில் மத்திய பிரதேச கிரிக்கெட் சங்கத்திற்கு 720 டிக்கெட்டுகள் மட்டுமே ஒதுக்க முடியும். ஆனால் ‘10 சதவீத இலவச டிக்கெட்டுகள் போதாது. பெவிலியனில் 1,250 டிக்கெட்டுகள் வேண்டும். மாநில கிரிக்கெட் சங்க உறுப்பினர்கள், முக்கியமான வி.ஐ.பி.க்கள், அரசு துறையைச் சேர்ந்தவர்களுக்கு இலவச டிக்கெட் கொடுக்க வேண்டி உள்ளது’ என்று மத்திய பிரதேச கிரிக்கெட் சங்கம் தரப்பில் கூறப்பட்டுள்ளது. அவ்வாறு தர முடியாது என்றால் போட்டியை தங்களால் நடத்த இயலாது என்றும் திட்டவட்டமாக கூறி விட்டனர். இதனால் இந்த போட்டியை வேறு இடத்திற்கு மாற்றுவது குறித்து இந்திய கிரிக்கெட் வாரியம் பரிசீலித்து வருகிறது. அனேகமாக இந்த ஆட்டம் குஜராத் மாநிலம் பரோடாவுக்கு மாற்றப்படலாம் என்று தெரிகிறது.



தொடர்புடைய செய்திகள்

1. ஆஸ்திரேலியாவுக்கு எதிரான 2-வது டெஸ்ட் : இந்திய அணி முதலில் பந்து வீச்சு
பெர்த் டெஸ்ட் போட்டியில் டாஸ் வென்ற ஆஸ்திரேலிய அணி முதலில் பேட்டிங்கை தேர்வு செய்துள்ளது.
2. இந்தியாவின் முதல் பசு பாதுகாப்புத்துறை மந்திரி சுயேட்சையிடம் படுதோல்வி
இந்தியாவின் முதல் பசு பாதுகாப்புத்துறை மந்திரி ராஜஸ்தானில் சுயேட்சையிடம் படுதோல்வி அடைந்தார்.
3. பாகிஸ்தானில் நடந்த சார்க் கூட்டத்தில் இருந்து இந்தியா வெளிநடப்பு
பாகிஸ்தானில் ஆக்கிரமிப்பு காஷ்மீர் அமைச்சர் முன்னிலையில் நடந்த சார்க் கூட்டத்தில் இருந்து இந்தியா வெளிநடப்பு செய்து உள்ளது.
4. பரபரப்பான கட்டத்தில் முதல் டெஸ்ட்; ஆஸ்திரேலியாவை ஆட்டம் காண வைத்த அஸ்வின், ஷமி!
அடிலெய்டில் நடந்து வரும் ஆஸ்திரேலியாவுக்கு எதிரான முதலாவது டெஸ்ட் போட்டி பரபரப்பான கட்டத்தை எட்டியுள்ளது.
5. இந்தியாவுக்கு எதிரான முதல் டெஸ்ட் : ஆஸ்திரேலிய அணி திணறல்
இந்தியாவுக்கு எதிரான முதல் டெஸ்ட் போட்டியில் ஆஸ்திரேலிய அணி திணறி வருகிறது.