அயர்லாந்து விக்கெட் கீப்பர் ஓய்வு

அயர்லாந்து கிரிக்கெட் அணியின் விக்கெட் கீப்பர் நியல் ஓ பிரையன் சர்வதேச மற்றும் முதல்தர கிரிக்கெட்டில் இருந்து ஓய்வு பெறுவதாக நேற்று அறிவித்தார். அயர்லாந்து அணிக்காக 12 ஆண்டுகள் விளையாடி இருக்கும் 36 வயதான நியல் ஓ பிரையன் 103 ஒரு நாள் போட்டிகளிலும், 30 இருபது ஓவர் போட்டிகளிலும் ஆடியுள்ளார். அயர்லாந்து அணியின் அறிமுக டெஸ்டிலும் இடம் பிடித்து இருந்தார். 2007-ம் ஆண்டு உலக கோப்பையில் பாகிஸ்தானுக்கு அதிர்ச்சி அளித்த ஆட்டத்தில் நியல் ஓ பிரையன் 72 ரன்கள் எடுத்தது அவரது வாழ்க்கையில் மறக்க முடியாத இன்னிங்ஸ் ஆகும்.