கிரிக்கெட்

நியூசிலாந்துக்கு எதிரான 2-வது 20 ஓவர் கிரிக்கெட்: பாகிஸ்தான் அணி அபார வெற்றி, தொடரையும் கைப்பற்றியது + "||" + 2nd ODI against New Zealand: Pakistan won the match and the series

நியூசிலாந்துக்கு எதிரான 2-வது 20 ஓவர் கிரிக்கெட்: பாகிஸ்தான் அணி அபார வெற்றி, தொடரையும் கைப்பற்றியது

நியூசிலாந்துக்கு எதிரான 2-வது 20 ஓவர் கிரிக்கெட்: பாகிஸ்தான் அணி அபார வெற்றி, தொடரையும் கைப்பற்றியது
நியூசிலாந்துக்கு எதிரான 2-வது 20 ஓவர் கிரிக்கெட் போட்டியில் பாகிஸ்தான் அணி 6 விக்கெட் வித்தியாசத்தில் வெற்றி பெற்று தொடரையும் கைப்பற்றியது.
துபாய்,

பாகிஸ்தான்-நியூசிலாந்து அணிகள் இடையிலான 2-வது 20 ஓவர் கிரிக்கெட் போட்டி துபாயில் நேற்று முன்தினம் இரவு நடந்தது. இதில் முதலில் பேட் செய்த நியூசிலாந்து அணி 7 விக்கெட் இழப்புக்கு 153 ரன்கள் சேர்த்தது. அதிகபட்சமாக காலின் முன்ரோ, கோரி ஆண்டர்சன் தலா 44 ரன்கள் எடுத்தனர்.


அடுத்து களம் இறங்கிய பாகிஸ்தான் அணி 19.4 ஓவர்களில் 4 விக்கெட் இழப்புக்கு 154 ரன்கள் எடுத்து 6 விக்கெட் வித்தியாசத்தில் அபார வெற்றி பெற்றது. பாபர் அசாம் 40 ரன்களும், ஆசிப் அலி 38 ரன்களும், முகமது ஹபீஸ் ஆட்டம் இழக்காமல் 34 ரன்களும் விளாசினர்.

இந்த வெற்றியின் மூலம் பாகிஸ்தான் அணி 3 ஆட்டங்கள் கொண்ட 20 ஓவர் போட்டித் தொடரை 2-0 என்ற கணக்கில் வசப்படுத்தியது. அபுதாபியில் நடந்த முதலாவது ஆட்டத்தில் பாகிஸ்தான் அணி 2 ரன் வித்தியாசத்தில் வெற்றி கண்டு இருந்தது. 20 ஓவர் போட்டித் தொடரை பாகிஸ்தான் அணி தொடர்ச்சியாக 11-வது முறையாக வென்றுள்ளது. அத்துடன் 20 ஓவர் போட்டியில் 11 ஆட்டங்களில் தொடர்ச்சியாக இலக்கை வெற்றிகரமாக விரட்டிப்பிடித்து (சேசிங்) பாகிஸ்தான் சாதனை படைத்துள்ளது.

இவ்விரு அணிகள் இடையிலான 3-வது மற்றும் கடைசி 20 ஓவர் போட்டி துபாயில் இன்று நடக்கிறது. இரவு 9.30 மணிக்கு தொடங்கும் இந்த போட்டியை சோனி இ.எஸ்.பி.என். சேனல் நேரடியாக ஒளிபரப்பு செய்கிறது.



தொடர்புடைய செய்திகள்

1. நியூசிலாந்துக்கு எதிரான முதலாவது டெஸ்ட்: வெற்றியை நோக்கி பாகிஸ்தான்
நியூசிலாந்துக்கு எதிரான முதலாவது டெஸ்ட் போட்டியில், பாகிஸ்தான் அணி வெற்றி பெற சாதகமான சூழல் ஏற்பட்டுள்ளது.
2. நியூசிலாந்துக்கு எதிரான டெஸ்ட் கிரிக்கெட்: பாகிஸ்தான் அணி 227 ரன்னில் ‘ஆல்-அவுட்’
நியூசிலாந்துக்கு எதிரான முதலாவது டெஸ்ட் கிரிக்கெட் போட்டியில் பாகிஸ்தான் அணி முதல் இன்னிங்சில் 227 ரன்னில் ‘ஆல்-அவுட்’ ஆனது.
3. நியூசிலாந்து-பாகிஸ்தான் அணிகள் இடையிலான கடைசி ஒருநாள் போட்டி மழையால் ரத்து
நியூசிலாந்து மற்றும் பாகிஸ்தான் அணிகள் இடையிலான கடைசி ஒருநாள் போட்டி மழையால் ரத்து செய்யப்பட்டது.
4. தலையை தாக்கிய பவுன்சரால் நிலைகுலைந்த இமாம் உல் ஹக்
நியூசிலாந்துக்கு எதிரான போட்டியில், பேட்டிங் செய்யும் போது பவுன்சர் பந்து தாக்கியதில், பாகிஸ்தான் வீரர் இமாம் உல் ஹக் காயம் அடைந்தார்.
5. நியூசிலாந்துக்கு எதிரான கடைசி 20 ஓவர் கிரிக்கெட்டிலும் பாகிஸ்தான் அணி வெற்றி
நியூசிலாந்துக்கு எதிரான கடைசி 20 ஓவர் கிரிக்கெட் போட்டியிலும் பாகிஸ்தான் அணி வெற்றி பெற்றது.