கிரிக்கெட்

வித்தியாசமான பந்து வீச்சுக்கு நடுவர் தடை விதித்ததால் பரபரப்பு + "||" + For different bowling Excitement due to arbitration ban

வித்தியாசமான பந்து வீச்சுக்கு நடுவர் தடை விதித்ததால் பரபரப்பு

வித்தியாசமான பந்து வீச்சுக்கு நடுவர் தடை விதித்ததால் பரபரப்பு
சி.கே.நாயுடு கோப்பைக்கான உள்ளூர் கிரிக்கெட் தொடரில் (23 வயதுக்குட்பட்டோர்) பெங்கால்–உத்தரபிரதேச அணிகள் இடையிலான ஆட்டத்தின் போது, ஷிவா சிங் என்ற பந்து வீச்சாளர் வித்தியாசமான முறையில் பந்து வீசினார்.

கொல்கத்தா,

சி.கே.நாயுடு கோப்பைக்கான உள்ளூர் கிரிக்கெட் தொடரில் (23 வயதுக்குட்பட்டோர்) பெங்கால்–உத்தரபிரதேச அணிகள் இடையிலான ஆட்டத்தின் போது, ஷிவா சிங் என்ற பந்து வீச்சாளர் வித்தியாசமான முறையில் பந்து வீசினார். உத்தரபிரதேச இடக்கை சுழற்பந்து வீச்சாளரான ஷிவா சிங், கிரீசுக்குள் ஓடி வருகையில், திடீரென ஒரு முறை தன்னைத்தானே சுற்றிக்கொண்டு பந்தை வீசினார். இதை கவனித்த நடுவர் அந்த பந்து செல்லாது (டெட்–பால்) என்று அறிவித்து மீண்டும் வீச சொன்னார். ‘360 டிகிரி கோணத்தில் தான் சுழன்று திரும்புவது இது முதல்முறையல்ல, ஏற்கனவே கடந்த மாதம் விஜய் ஹசாரே கோப்பை கிரிக்கெட்டில் கேரளாவுக்கு எதிராக இவ்வாறு பந்து வீசிய போது நடுவர் ஆட்சேபிக்கவில்லை. பேட்ஸ்மேன்கள் ரிவர்ஸ் ஸ்வீங், சுவிட்ச் ஹிட் வகையில் புதுமையான ஷாட்டுகளை அடிக்கும் போது, பவுலர்கள் ஏதாவது வித்தியாசமாக செய்தால் அதற்கு அனுமதி மறுப்பதா?’ என்று ஷிவா சிங் கேள்வி எழுப்பியுள்ளார். கிரிக்கெட் சட்ட விதிகளின்படி, பேட்ஸ்மேன்களின் கவனம் சிதறும் வகையிலோ அல்லது இடையூறு செய்யும் வகையிலேயே பந்து வீசினால் அந்த பந்து கணக்கில் எடுத்துக் கொள்ளப்படாது என்பது குறிப்பிடத்தக்கது. ஷிவா சிங்கின் பந்து வீச்சு காட்சி இப்போது சமூக வலைதளங்களில் வேகமாக பகிரப்பட்டு வருகிறது.


தொடர்புடைய செய்திகள்

1. மின்தடையை கண்டித்து மின்வாரிய அலுவலகத்தை முற்றுகையிட்ட பொதுமக்கள்
மின்தடையை கண்டித்து மின்வாரிய அலுவலகத்தை பொதுமக்கள் முற்றுகையிட்டனர்.
2. புதுவையில் தடைக்காலம் அமல்: வரத்துக்குறைவால் மீன்களுக்கு கடும் தட்டுப்பாடு
தடைக்காலம் அமல்படுத்தப்பட்டுள்ளதால் வரத்து குறைந்து மீன்களுக்கு கடும் தட்டுப்பாடு ஏற்பட்டுள்ளது.
3. நெட்டப்பாக்கத்தில் சிகிச்சைக்கு வந்த ஆண் குழந்தை திடீர் சாவு; ஆம்புலன்ஸ் டிரைவர், ஊழியர்கள் மீது உறவினர்கள் புகார் - மறியல்
நெட்டப்பாக்கம் அரசு ஆரம்ப சுகாதார நிலையத்தில் சிகிச்சைக்கு கொண்டுவரப்பட்ட 2 வயது ஆண் குழந்தை திடீரென இறந்தது. ஆம்புலன்ஸ் டிரைவர், ஊழியர்களின் அலட்சியம்தான் இதற்கு காரணம் என புகார் தெரிவித்து உறவினர்கள் மறியலில் ஈடுபட்டனர்.
4. அறைகளில் சோதனை நடத்தியதற்கு எதிர்ப்பு: மதுரை சிறையில் கைதிகள் - போலீசார் மோதல், கல்வீச்சு- தற்கொலை மிரட்டலால் பரபரப்பு
கைதிகள் அறைகளில் சோதனை நடத்தியதற்கு எதிர்ப்பு தெரிவித்து மதுரை மத்திய சிறையில் கைதிகளுக்கும், போலீசாருக்கும் இடையே திடீர் மோதல் ஏற்பட்டது. அப்போது கற்கள் வீசப்பட்டன. கைதிகளின் தற்கொலை மிரட்டலாலும் பரபரப்பு உருவானது.
5. ஈரோடு மோசிக்கீரனார் வீதியில் வீடுகளில் கழிவுநீர் புகுந்ததால் பொதுமக்கள் கடும் அவதி அதிகாரிகளை முற்றுகையிட்டு போராட்டம் நடந்ததால் பரபரப்பு
ஈரோடு மோசிக்கீரனார் வீதியில் உள்ள வீடுகளில் கழிவுநீர் புகுந்ததால் பொதுமக்கள் கடுமையாக அவதிப்பட்டனர். அவர்கள் அதிகாரிகளை முற்றுகையிட்டு போராட்டத்தில் ஈடுபட்டதால் பரபரப்பு ஏற்பட்டது.