இந்தியாவுக்கு எதிரான 20 ஓவர் கிரிக்கெட்: ஆஸ்திரேலிய அணி அறிவிப்பு


இந்தியாவுக்கு எதிரான 20 ஓவர் கிரிக்கெட்: ஆஸ்திரேலிய அணி அறிவிப்பு
x
தினத்தந்தி 8 Nov 2018 9:15 PM GMT (Updated: 8 Nov 2018 9:13 PM GMT)

ஆஸ்திரேலிய கிரிக்கெட் அணி சொந்த மண்ணில் தென்ஆப்பிரிக்காவுடன் 3 போட்டிகள் கொண்ட ஒரு நாள் தொடரில் விளையாடி வருகிறது.

சிட்னி,

ஆஸ்திரேலிய கிரிக்கெட் அணி சொந்த மண்ணில் தென்ஆப்பிரிக்காவுடன் 3 போட்டிகள் கொண்ட ஒரு நாள் தொடரில் விளையாடி வருகிறது. இதில் முதலாவது ஒரு நாள் போட்டியில் படுதோல்வி அடைந்த ஆஸ்திரேலிய அணி, 2–வது ஒரு நாள் போட்டியில் இன்று களம் இறங்குகிறது. இந்த தொடர் நிறைவடைந்ததும் ஆஸ்திரேலிய அணி தென்ஆப்பிரிக்காவுடன் ஒரே ஒரு 20 ஓவர் போட்டியில் (17–ந்தேதி) ஆடுகிறது. அதன் பிறகு இந்தியாவுடன் 3 போட்டிகள் கொண்ட 20 ஓவர் தொடரில் பங்கேற்கிறது. இந்தியா–ஆஸ்திரேலியா இடையிலான முதலாவது 20 ஓவர் போட்டி பிரிஸ்பேனில் வருகிற 21–ந்தேதி நடக்கிறது.

இவ்விரு 20 ஓவர் தொடருக்கான ஆஸ்திரேலிய அணி நேற்று அறிவிக்கப்பட்டது. அணியில் முன்னணி வேகப்பந்து வீச்சாளர் மிட்செல் ஸ்டார்க், சுழற்பந்து வீச்சாளர் நாதன் லயன், பீட்டர் சிடில், மிட்செல் மார்ஷ் இடம் பெறவில்லை. இந்திய டெஸ்ட் தொடரை கவனத்தில் கொண்டு அவர்களுக்கு ஓய்வு அளிக்கப்பட்டு இருப்பதாக பயிற்சியாளர் லாங்கர் தெரிவித்தார்.

ஆஸ்திரேலிய 20 ஓவர் போட்டி அணி வருமாறு:– ஆரோன் பிஞ்ச் (கேப்டன்), அலெக்ஸ் காரி, ஆஷ்டன் அகர், ஜாசன் பெரென்டோர்ப், நாதன் கவுல்டர்–நிலே, கிறிஸ் லின், மேக்ஸ்வெல், பென் மெக்டெர்மோட், டார்சி ஷார்ட், பில்லி ஸ்டான்லேக், மார்கஸ் ஸ்டோனிஸ், ஆண்ட்ரூ டை, ஆடம் ஜம்பா.


Next Story