கிரிக்கெட்

வெஸ்ட்இண்டீசுக்கு எதிரான கடைசி 20 ஓவர் கிரிக்கெட்: உமேஷ் யாதவ், பும்ரா, குல்தீப் யாதவுக்கு ஓய்வு + "||" + Last 20 ODI against West Indies: Umesh Yadav, Bumra and Kuldeep Yadav retire

வெஸ்ட்இண்டீசுக்கு எதிரான கடைசி 20 ஓவர் கிரிக்கெட்: உமேஷ் யாதவ், பும்ரா, குல்தீப் யாதவுக்கு ஓய்வு

வெஸ்ட்இண்டீசுக்கு எதிரான கடைசி 20 ஓவர் கிரிக்கெட்: உமேஷ் யாதவ், பும்ரா, குல்தீப் யாதவுக்கு ஓய்வு
இந்தியா–வெஸ்ட்இண்டீஸ் அணிகள் இடையிலான 3 ஆட்டங்கள் கொண்ட 20 ஓவர் போட்டி தொடரில் முதல் 2 ஆட்டங்களில் இந்திய அணி வெற்றி பெற்று 2–0 என்ற கணக்கில் தொடரை கைப்பற்றியது.

புதுடெல்லி, 

இந்தியா–வெஸ்ட்இண்டீஸ் அணிகள் இடையிலான 3 ஆட்டங்கள் கொண்ட 20 ஓவர் போட்டி தொடரில் முதல் 2 ஆட்டங்களில் இந்திய அணி வெற்றி பெற்று 2–0 என்ற கணக்கில் தொடரை கைப்பற்றியது. இந்த நிலையில் இரு அணிகள் இடையிலான 3–வது மற்றும் கடைசி 20 ஓவர் கிரிக்கெட் போட்டி சென்னை சேப்பாக்கம் ஸ்டேடியத்தில் நாளை (ஞாயிற்றுக்கிழமை) இரவு 7 மணிக்கு நடக்கிறது. 

இந்த போட்டியில் இந்திய அணியின் வேகப்பந்து வீச்சாளர்கள் உமேஷ் யாதவ், ஜஸ்பிரித் பும்ரா, சுழற்பந்து வீச்சாளர் குல்தீப் யாதவ் ஆகியோருக்கு ஓய்வு அளிக்க இந்திய கிரிக்கெட் அணி நிர்வாகம் முடிவு செய்துள்ளது. வருகிற 21–ந் தேதி தொடங்கும் ஆஸ்திரேலிய தொடருக்கு 3 பந்து வீச்சாளர்களும் சிறந்த உடல் தகுதியுடன் இருக்க வேண்டும் என்பதை கருத்தில் கொண்டு இந்த முடிவு எடுக்கப்பட்டு இருக்கிறது. இந்த தகவலை இந்திய கிரிக்கெட் வாரிய பொறுப்பு செயலாளர் அமிதாப் சவுத்ரி தெரிவித்துள்ளார். 

வெஸ்ட்இண்டீஸ் அணிக்கு எதிரான கடைசி 20 ஓவர் போட்டிக்கான இந்திய அணிக்கு வேகப்பந்து வீச்சாளர் சித்தார்த் கவுலை தேர்வு குழுவினர் தேர்வு செய்து அறிவித்துள்ளனர். பஞ்சாபை சேர்ந்த 28 வயதான சித்தார்த் கவுல் கடந்த ஜூன் மாதம் நடந்த அயர்லாந்துக்கு எதிரான 20 ஓவர் போட்டி தொடரில் அறிமுக வீரராக இந்திய அணியில் இடம் பிடித்தார். அதன் பிறகு தற்போது அவருக்கு வாய்ப்பு கிடைத்து இருக்கிறது. குல்தீப் யாதவுக்கு ஓய்வு அளிக்கப்பட்டு இருப்பதால் சென்னையை சேர்ந்த ஆல்–ரவுண்டர் வாஷிங்டன் சுந்தர் களம் காண வாய்ப்பு உள்ளது.


தொடர்புடைய செய்திகள்

1. இரானி கோப்பை கிரிக்கெட்: விதர்பா அணி 425 ரன்கள் குவிப்பு கார்னிவர் சதம் அடித்தார்
நடப்பு ரஞ்சி சாம்பியன் விதர்பா, ரெஸ்ட் ஆப் இந்தியா அணிகள் இடையிலான இரானி கோப்பைக்கான கிரிக்கெட் போட்டி நாக்பூரில் நடந்து வருகிறது.
2. முதலாவது ஒரு நாள் கிரிக்கெட்: வங்காளதேச அணியை எளிதில் வீழ்த்தியது, நியூசிலாந்து மார்ட்டின் கப்தில் சதம் அடித்தார்
நியூசிலாந்து–வங்காளதேச அணிகள் இடையிலான 3 ஆட்டங்கள் கொண்ட ஒரு நாள் போட்டி தொடரில் முதலாவது ஒரு நாள் கிரிக்கெட் போட்டி நேப்பியரில் நேற்று நடந்தது.
3. இரானி கோப்பை கிரிக்கெட்: விதர்பா அணி நிதான ஆட்டம்
ரஞ்சி சாம்பியன் விதர்பா – ரெஸ்ட் ஆப் இந்தியா அணிகள் இடையிலான இரானி கோப்பை கிரிக்கெட் போட்டி நாக்பூரில் நேற்று முன்தினம் தொடங்கியது.
4. பெண்கள் கிரிக்கெட் தரவரிசையில் ஜெமிமா, மந்தனா முன்னேற்றம்
சர்வதேச கிரிக்கெட் கவுன்சில் (ஐ.சி.சி.), பெண்கள் 20 ஓவர் போட்டிக்கான புதிய தரவரிசை பட்டியலை நேற்று வெளியிட்டது.
5. இரானி கோப்பை கிரிக்கெட்: ரெஸ்ட் ஆப் இந்தியா 330 ரன்னில் ஆல்–அவுட் விஹாரி சதம் அடித்தார்
ரஞ்சி சாம்பியன் விதர்பாவுக்கு எதிரான இரானி கோப்பை கிரிக்கெட்டில் ரெஸ்ட் ஆப் இந்தியா அணி 330 ரன்னில் ஆட்டம் இழந்தது.